تكفون ابي حل مع زوجي

[أم فروحة]

هلاااا أختي أحب التواضع
بداية أحب أبشرك هذي طبائع أغلب الرجال وهذه شكوة غالب الحريم
وإذا كانت مشكلة زوجك بس هالشي اللي ذكرتيه فالحمد لله
اللي حسيته من كلامك انك لسه متزوجة وماعندك مسؤوليات وبعيدة عن أهلك وزوجك لسه يدرس
أولا ما يصلح تسكتين على هالشي على طول علشان ما يتعود زوجك عليه ويعتبره شي عادي ومن جهة ثانية لازم في قرارة نفسك تقدرين ظروفه وضغوطه تحمليه لين يتخرج وان شالله خير
وحاولي حبيبتي تلقين البديل لأن المتعة والوناسة مو دائما مع الزوج
كلميه بوضوح , وشوفي الأسلوب اللي يحبه, وش اللي ينفع معه, المواجهة؟ الرسائل؟ التلميح؟ شوفي الأسلوب اللي ياثر فيه أكثر وفهميه انك انت صابرة على هالشي لأنك متفهمة ظروفه, وإنه إذا كان مشغول أو بيطلع في أي يوم لازم يعطيك خبر قبل بوقت علشان تنسقين أمورك ومواعيدك أو حتى تجهزين نفسيتك انه طالع يعني بالمختصر فهميه انه لازم يعطيك خبر قبل
وانت حبيبتي من جهة ثانية كوني قوية شوي وش ذااا بكيت لين صدع راسي ههههههه لازم تكوني متماسكة اكثر لأن طريقة تفكير الرجال تختلف عن النساء واللي تشوفينه مهم زوجك يشوفه عادي, علشان كذا لازم يكون عندك اهتمامات ثانية
انا مدري عن ظروفك بس يعني لو ماكنتي تدرسين ادرسي, أو ادخلي دورات, معاهد, نفذي هواياتك في المنزل, لاااااازم شي يملأ فراغك, وأخيراااا الأسلوب أهم شي علشان يقتنع بكلامك وحطي في بالك ياقلبي كلشي يحتاااج وقت ومثابرة وهالشي ما ينطبق عليه وعليك بعد وإذا انتو حسب شعوري لسه عرسان جدد يبيلك وقت طويل للتغيير منك ومنه وزي ماقلت لك أكبر غلط بحياة المرأة أن يكون زوجها محور اهتماماتها بالوقت الذي الزوج عنده اهتمامات ثانية هذا باختصار ولو تقعدين بالوقت الفاضي تقرين مقالات د. نورة الصفيرة, وناعمة الهاشمي رح تغيرين رأيك بكثير أمور وتعرفين قيمتك اكثررررر