فضفضة من كروشة بالشهر الخامس

[أم فروحة]

السلام عليكم ورحمة الله وبركاته
كيفكم كروشااااات وش اخباركم؟؟
بنات انا قبل ما أحمل بشهرين حلمت بحرمة شالت ولد صغير من على الأرض وعطتني ياه وقالت اسمه محمد وكان على شباك غرفتي فيه حمامة* ولما قلت لأمي الحلم قالت لي هذي بشارة حمل بولد تسمينه محمد*
وسبحان الله بعد شهرين فعلا حملت يا بنات ومدري ليش احساسي قوي خاصة ان الحلم أثر فيني وخلاص حطيت في بالي ان حملي بكون ولد وبسميه محمد وخاصة اني حلمت بنفس الشهر اللي حللت فيه وطلعت حامل اني لبست خاتم ذهب وقالوا لي ان الخاتم الذهب بالحلم ولد
وبعد شهر حلمت اني حطيت يدي بكيس وتعلق شي قوي بيدي كنه ارنب وقالوا تفسيره انك حامل والحين صار علقة لأنه تعلق بقوة بيدك ...ومرتين يا بنات أحلم اني ولدت وجبت ولد يشبه أخوي وأنا هذا الأخ ما أتمنى إني أجيب شبهه لأني أتمنى أجيب شبه أخوي الكبير
والحين الحمد الله أنا في منتصف الشهر الخامس واليوم رحت سويت سونار وقالت لي الدكتورة احتمال بنت ...مابي أقول إني تضايقت لا والله كله هبة من رب العالمين بس زي ما تقولون كذا احساس غريب ومتقلب مو قادرة اصدق أحلامي ولا كلام الدكتورة بين الأمل والرجا وبين إني مابي أتأمل وأتفاءل زيادة عن اللزوم
طبعا الموضوع مو محتاج اني اكبره بس مدري حبيت تشاركوني بأفكاركم بأي شي حلووووو
حسيت اني بحاجة اطلع شعوري هنااا خاصة إني بغربة وأهلي بعيدين عني
خاصة اني حسيت وجه زوجي تغير في لحظتها شوي
هو حرام والله ماقال شي وطلع مبتسم في السيارة وقال نسميها غلا بس أنا شفت وجهه في غرفة السونار وشلون عض على شفايفه لما طلعنا أنا عارفة الحركة هذي يسويها لما يتضايق من شي أو يستنكر شي
الحين بتقولون يعني الزبدة وش تبين ههههههههههههههههه
والله مدري بس احنا هنا زي الخوات وحبيت أفضفض
وان شالله كل وحدة من خواتي الكروشات ربي يرزقها بالذرية اللي تتمناها

[متفائلة دائما]

عادي حبيبتي بعد فترة تتعودي و تتخيليها فحضنك و كيف بتلبسيها و ترضعيها و تمشطيها وتلعبي معاها و بعد كم شهر تناديكي ماما
انا سبقت و عشت هذه اللحظات و زوجي كان يبغا ولد بس طلع اللي في بطني بنت و صار زي ما حكيتي انتي لكن كل شهر كان يمر من حملي كان يقوي تعلقي بها و الحمد لله هي الحين منورة علي دنيتي و زوجي طااااااااير فرحة بها و اذا دخل البيت وهي نايمة يبغا يصحيها عشان يبوسها و يحضنها و ما اتصور اعيش يوم من غيرها ربي يخليها لي و يحفظها يااااااااااااارب
عقبال عندك يا الغالية و تقومي بالسلامة ان شاء الله

[خلوني على صبري]

بنت ولد المهم الصحه حبيبتي يمكن احلامك بسبب تفكيرك نفسك تجيبي ولد واتفاجئتى انها بنت رغم احيانا السونار يخطي وكلي امرك على الله وماعليكي من زوجك تقدري ترضيه بكل شي الاالطفل ماتقدري تعطيه الي يبيه لان الامر بيد الله موبيدك وصدقيني راح يتعلق بيها حتى لو جبتي اولاد هذي البكر اساليني معزتها غير

[الكاردينيا]

غاليتي اولا طبعا اتمنى ان تولدين بالف سلامة ويكون الطفل بصحة وسلامة وبالنسبة للاحلام هي تصوير للعقل الباطن يعني مايتمنى الانسان بداخلة حتى لو ميفكر بي راح يتصور بالاحلام وتفاسيرها مختلفة والاهم من هذا كلة ان تكون عدنا قناعة برزق ربنا ولاتفكرين ولد لو بنت وادعي يكون بصحة وسلامة حتى لاتروح النعمة صدكيني غلاة البنا اكبر اني فقدت بنتي بعد 20 يوم من ولادتها والله شفت الموت ظلي ادعي بتمام الخلقة والصحة ويارب يرزقج باليفرحج ويسعدج ويتمم عليج وعلينا بالسلامة اللهم آمييييييين

[أم أيلين]

حبيبتي لا تشيلي هم واهم شي تجيكي بصحه وعافيه والسونار مو دايم يكون صح وكلي امرك ل لله والله يكتبلك الصالح واللي فيه الخيره يارب
وبقولك ع أختي دوبها ولدت ولما كانت حامل قالت لها الدكتوه انو أحتمال ولد وسبحان الله جابت بنت يعني السونار مو ميه في الميه

[حيآتوو]

مدري انا بعد صدقت احلامك
حسيتها حقيقيه

بس مو شرط تعني هالحمله
مثل احلامي حضرتها تقول شي وانا حامل غير
وصراحه ماقدرتش اكذب عيني خصوصا بالسابع

انتِ بدري يمكن جد يكون ولد

الله يتمم لك على خير يارب

[اخت القمر]

حبيبتي اهم شي الصحه والعافيه ومايفرق ولد ولا بنت اهم شي الصلاح ولسسه الايام جايه تجيبي كتاكيت اولاد يارب

قولي الحمدلله غيرك مو محصل ضنى وفيه غيرك عقيم ماله امل قولي الحمدلله
بالنسبه لحلمك انا مره اتحلمت اني جبت بنت وسموها لي بالحلم وجبت ولد هذي مجرد احلام والله العالم

[dr.loly]

كلها نعمة من رب العالمين اهم شئالصحة والخلقة التامه وحيتعلق بها ابوها بعد تجي اكيد هم كل الرجال اغلبهم يفضلو اولاد

[أم فروحة]

أخواتي العزيزات: متفائلة دائما فعلا حبيبتي أنا قاعدة أتخيلها والله متلهفة لهاااا مرة واتخيلها زي ماقلتي خاصة أن آخر حمل لي كان من 12 سنة بنتي الآن في سادس ابتدائي

خلوني على صبري صادقة حبيبتي والله ما تمنيت ولا تعلقت بشي خاصة الأحلام اللي شفتها كانت قبل الحمل والحمد الله أهم شي ربي أرضاني وما قطع عني الذرية هذي بالحالها نعمة يااااارب لك الحمد والشكر

الكاردينيا الله يسلمك حبيبتي وقصتك أثرت فيني مررررة الله يعوضك خير يا قلبي ويجعله في موازين حسناتك وطير يشفعلك في الجنة يااارب

أم أيلين شكرا حبيبتي على الرد بس تدرين وش اللي غاظني ؟ إني أنا ما طلبت من الدكتورة تقولي عن جنس الجنين * وهي تناظر بالأشعة شفت عيونها شلون متفاجأة وسمعت شهقتها* أنا قلت إنا لله وانا إليه راجعون عسى ما شافت مشكلة في الرحم أو الجنين لأني حسيتها شافت مصيبة خاصة اني تعبانة في الحمل مرة * بس لما سمعت زوجي يقول : احتمال؟! حسيت وسألت وقالت لي

حياتوو يارب ياعمري ويتملك أنت بعد على خير وتقومين بالسلامة ياعمري ونفرح فيك

أخت القمر اي والله صادقة اهم شي الصحة والعافية والدكتورة طمنتني ان كلشي تمام ياااارب لك الحمد والشكر شكرا ياقلبي على الرد

أم فراس شكرا ياعمري الله لا يجرمنااا منهم ويعطيك اللي في بالك يارب



شكرا لكن جميعاااا فعلا كلامكم كله صحيح وعسى الله يفرحني ويفرحكم بما هو خير لي ولكم
كنت محتاجة أسمع هالكلام لأن حتى زوجي مو قادرة أفضفض معه* لأني تكلمت مرة وحدة وماحسيته تجاوب معي
وقلت مالي غير خواتي الكروشات افتح قلبي لهم

[دلوعـ زوجي ـة]

حبيبتي انا كمان بالشهر الرابع في اوله قالت الدكتوره بنوته وزوجي بانت ملامح وجهه غيررر ومسوي عادي وقالي نصبر يمكن مابان تمام ولما رحت ع السادس الدكتوره قالت لا هذا ولددد والحمدالله ع كل حال فانتي اصبري ممكن يكون ولد بس مابان العضو تمام وربنا يرزقنا بالذريه الكامله الخلقه وهذا اهم شي