الروتين اليومي احتاجكم

[مشاعل الدوسري]

السلام عليكم

حبيبتي يعتمد على وقت نومك و دوام زوجك ..
و اذا عندك كليه او معهد او اي نشاط يومي تسوينه ..
عندك اطفال نظام نومهم كيف ..

يعني انا شخصيا قبل اول ماتزوجت ..
زوجي من 7 الصباح يطلع من البيت او يطلع قبل
1- اغسل الحمام اذا محتاج تقريبا كل يومين اغسل الحمام ..
2- ارتب الصاله و اكنسها و امسحها كل ثلاث ايام اقلب الكنبات يعني تنظيف من الاعماق
3-المطبخ يكون نظيف لاني قبل لا انام اكون منظفته.. فا ارجع المواعين مكانها .. و اجهز للغداء و للعشاء اوقات ..
اجهز اغراض البيبي رضعات اسلق خضار و رز و اخليه بلثلاجه .. و كل 3 ايام انظف الثلااجه
4- اغسل الملابس ..
5- ارتب غرفة النوم و افتح الدولاب اشيك على ترتيب الملابس .. و ارتب التسريحه ..
6- اطبخ للغداء اوقات و لا و العشاء اجهز له لو في شي يحتاج يتبل و يضل كم ساعه بلثلاجه اتبله من بدري ..

تجي الساعه 12 انا مخلصه كل هذا الشغل ..و اوقات اخلص بدري يعني الساعه 10 خلاص ..كل شي مرتب ..

الساعه12 يصحى ولد زوجي اغير له و اقعد معاه اذا جاء زوجي نتغدى و اوقات يتغدى بلدوام فا اتغدى انا لوحدي
الساعه 1 الى 3 على النت و التلفزيون و العب مع ولد زوجي و بس ...
اذا في كوي اجيب الملابس للصاله و اكوي .. و اخلصهم و انا اتفرج على التلفزيون ..
ما خلصت اشيلهم و اكمل بعد المغرب ..
الساعه 3 بلضبط احط الفحم على النار ابخر البيت كله و اعطره و اشغل فواحة الغرفه ..

و لما يجي زوجي ننام الين الساعه 5 اوقات هو ينام لوحده .. المهم هذا النشاط اليومي




حاليا بوجود طفل 2 و الثالث جاي بلطريق..


نفس النظام لكنه مو مثله بكل التفاصيل.. في اهمال من نواحي لاني ثقيله مع الحمل ..

فا اللي اقدر عليه اسويه البيت امسحه و اكنسه قبل لا اام و انظفه على قد ما اقدر علشان لما اصحى ..

يكون البيت نظيف..
يعني شغل البيت اسويه بليل
..
1- انظف الصاله و المجلس اكنسهم و امسحهم و اشيل اي شي ممكن يضر بلاطفال..
2- امسح الممرات و اكنسهم
3- انظف حمام الأطفال بلاسبوع مره او مرتين ..
4- اغسل الملابس
5- انظف المطبخ .. اوقات ما اقدر اخلص شغل المطبخ فا اسوي اللي اقدر عليه و الباقي اذا صحيت من النوم ..
6- اكوي بدل زوجي حق الدوام .. و بس ..

بين كل كم يوم يصير ما عندي شغل كثير غير كوي الملابس و العشاء و الغداء فا ... اوقات اقدر و اوقات لا ..
على حسب العب اللي يجيني اذا اقدر ولا لا ..


و الله المعين ..


و بس ..