ساعدوني تكفون

[ام ديالأ]

السلام عليكم
بنات الله يخليكم ساعدوني زوجي له اسبوع وهو يبي ينام معي وانا حامل وابد مالي رغبه انام معاه واليوم احسه معصب مني كثير انا في الشهر السادس حتى الفطور ماقدر انوع كثير وتعبانه وبنتي يبيلها عنايه وانا اذا طبخت ماقدر اعاشر من التعب وش اسوي تكفون ساعدوني

[اوراق متناثره]

هلاوغلا...
حاولي انك تعلمينه وضعك عادي نامي معه ترا الرجال موب اذا نام معك
معناتها يبغى يعاشرك حسسيه بالامان...عطيه الاهتمام لاتخلين البيت والطبخ يلهيك عن زوجك.....
عطيه يوم من حقه والله تضين يدوره عند غييييييييرك....ترا الرجال مثل الاطفال يبوووون اهتماااااااام.....

[اوراق متناثره]

اكشخي له عااادي واذا صرتي حامل...من حقه يستانس هذي نصيحه مني ....لاتهملين زوجك

[ام ديالأ]

اذا ماطبخت راح يزعل مايحب ياكل من البرا وانا قصدي بنوم المعاشره يعني مااقدر اوفق بينهم والله يغمى علي صوم وشغل بيت انتو عارفين

[وردية الخد]

شوفي ام ديالا اسلوبك خطأ في خطأ معى زوجك انتي الغلطانه من البدايه فيه شئ اسمه مصارحه صارحيه قوليله نبعد شوي عن المعاشره بس انتي شكلك مهمله زوجك بالمره انتي حسسيه انو مااشغلك شئ كلنا نطبخ ونتعب وبالذات انتي حامل يعني اكيد اذا فهمتيه وضعك صدقيني راح يتفهمك كثييييير انتي اجلسي معاه وصارحيه تريه زوجك وحبيبك مو معقوله لحد الحين حاطاه حواجز معاه فهميه زي ماقلتلك صدقيني منتي خسرانه شئ احسن مابكره يدور غيرك تري الرجال اذا حس بأهمال زوجته له يقوم يدور عن مكان فيه كلمات الحب والحنان والتفاهم اكسبي زوجك والمعذره طولت عليك

[حفيدة الامير]

زوجك له حق
وقتها اطبخي طبخاات سهله
وماتاخذ وقت وسويها بدري
وبنتك اكلها ونظافتها كمان من بدري
وارتااااحي كم ساعه وخذي جوك
وكلميه بطريقه حلوه وقوليله اشتقتلك


صدقيني الزوج اذا ماحس باهتمام
راح يدوووره عند غيرك واكيد مايرضيك

هي كلها نص ساعه ولا تندمي طول عمرك
لاتخليه يحس انه فالهامش خليه هو الاساس

[الاميرة توتة]

اعطيييه ايش ماكان عندك اعطييه

[مشاعل الدوسري]

السلام عليكم ..

عزيزتي الشوربه سويها الساعه 2 او 3 الفجر و سوي كل شي و حطيه بلثلاجه ..
و بعدها نامي و ارتاحي بيجي وقت الفطور يصير بس تقطعي السلطه و تسخني الشوربه و
تسخني الأكل اللي سويتيه ..
يعني لو بتسوي كبسه كل يوم .. سوي المرق من 3 الفجر مره وحده عشان تذوقي الطعم اذا كان كويس و لا لا انا حتى
جيك الماي و الفيمتو اجهزه الفجر و انظف البيت الين الصبح الساعه 5 او 6 بعدها انام الين الظهر اصحى اصلي و ارجع انام او اقعد فاضيه ماعندي شي
الساعه 4 تجي ..
أجهز السفره الساعه 5 اسخن الاكل او اذا رز احط الرز عشان يستوي اذا صينيه احمر الصينيه عشان تستوي و لا انا مجهزتها من زماااااااااان ..
يادوب تسخين تحمير و تقطيع سلطه..
و انا اجهز بنفس الوقت انظف المطبخ واحد و راء الثاني و بوقت ما يأذن 6 و نص
خلاص المطبخ نظيف و الاكل جاهز و انا ما تعبت و البيت نظيف من قبل لا انام ..

فا ارتاح بعد الفطور ما اسوي ارتاح انام لو قدرت المهم احاول استعد لزوجي شكل مرتب مظهر متأنقا و بس
اجهز نفسي لاحتماليه حدوث لقاء لاني انا حامل مثلك فا انا متبعه هذا النظام المريح ..
جدا تجي الساعه 10 اجهز للسحور من بدري اوقات من بعد صلاة العشاء اجهز السحور و اخلص تنظيف من المطبخ مره وحده ..
و بعدها ما ادخل المطبخ نهائيا .. الا اذا زوجي قالي حطي الاكل يكون كل شي جاهز يادوب 10 دقايق تسخين ..

وبس ..

لا تبالغي بلاكل في رمضان

شوربه و سلطه و طبق رئيسي واحد ..
و انتهينا .. و بلنسبه للمعجنات سوي معجنات و احشيها كل مالذ و طاب و بعد كذا حمريها لما تستوي حطيها بلفريزر ..

سوي كميه تكفي لاسبوع و حطيها بمعلبات .. هذي طريقتي تعلمتها من ام زوجي عشان لو احد فجأءه جاك ما تتعطلي ..

لو خاطرك تنقنقي ..

و اعتذري منه قوليله والله ودي اكثر منك لكن الارهاق الجسدي له دووور كبير و بين المطبخ و بين بنتك و بين تنظيف البيت و الحمل اعذرني ...


و لو تقدري بيوم تودي بنتك لاهلك و تستفردي بزوجك سويها .. على الاقل تكون لو 4 ساعات عندهم بعد كذا روحي خذيها من عندهم ..


و الله يعينك ..

[ام ديالأ]

تسلمون اخواتي على الردود بحاول اطبق كل الطرق واشوف اللي ينفع معي والله يعين

[ام حلوومه]

الله يعينك يااااارب ... الزوج يبغى كل شي .... حتى الابتسامه شرط اساسي .... الحمدالله على كل حااال.... رتبي وقتك وحسسسيه انه اهم من كل شي ...