تجمع حوامل ليبيا

[حبل الوصل]

ماشاءالله ربي يفرحك اكثر ياخيتى
صحة ليكم تلاقيتو أهىء أهىء تعالو ارفعونى معاكم

[عيون زوجي]

يارب يا ميرنا تكون النتايج طيبة ويكتبلك ربي الحمل على ايد هالدكتورة يارب وانتي ادعي وكثري استغفار
بنت عم بوي متزوجة ولد عمها وجابت بنت حاشاك متشوهة وعندها تشوهات في الشكل والقلب عاشت متعدبه معاها في الطبي 4شهور وماتت
وجابت بنت تانية نفس الحاله حاشاك وربي يحفظنا اجمعين شكلها غريب زي الضفدع وعاشت شهور وماتت
سافروا لتونس ومصر للعلاج كل الدكاترة اكدوا انهم مش رح يجيهم اطفال سليمين لانهم صغار عم ويحملوا جينات وابصر شنو المهم اكدوا ان الانفصال وكل واحد يتزوج تاني ممكن يجيهم اطفال كويسين لكن مع بعض مستحيل
يحكي زوجها قال قررنا بان نمشوا لاحسن طبيب وهو الله وكل ليلة يقيم في الليل هو وزوجته ويستغفروا للصبح
تصدقي جتهم بنت جميله سليمه كل الدكاترة مستغربين فيها وعايشه من 3سنوات وتوا حامل وحملها طبيعي
عليك بالاستغفار

[حبل الوصل]

ميرنا انتى وين قاعدة توة

[ام روفيدة]

المشاركة الأصلية كتبت بواسطة ميرنا

اما عن الدكتورة ايمان بو طلاق , فهى دكتورة ممتازة وتشعر براحة النفسية معها وموش منوع لى دوخك امعها اتقولك يا ابيض ياسود يصير منك او لا وفعلا نفس ماسمعنا عليه طبيبة طبيبة عملت لى سونار وقالت الحمدالله كل شى تمام المبياض والرحم مائة المائة وطلبت منى تحاليل وعلى ضوء التحليل اتقرار يا تعملى حقن مجهرى يا تواصل معى علاج طبيعى وانشالله بكرة نمشيلها بتحاليل وهى اتقولى شنو الخطواة الاخرى وربى يساعد

ربي يفتح عليك يا ميرنا ويكتب لك الحمل عن قريب ويفتح لك ابواب الخير يارب وين تمشي تلقيها مفتوحة قدامك والله دعيتلك من قلبي

[smhaa]

ربي يفتحها عليك ميرنا
ان شاء الله كل شي يمشي تمام باذن الله

[لولى2010]

ميرنا ماشاء الله ربي يكتبلك الى فيه الخير ويجبر بخاطرك والعقبه للبنات الاخرات

[لولى2010]

هاتو انا من المرج وعربي من بنغازى وتو قاعده فى الدوحه

[عيون زوجي]

بنسئلكم احتمال زوجي يقدر يكمل اموره شهر رمضان اوقبل بشوي
عادي نركب الطيارة وانا في نهاية الثامن او بدايه التاسع
علما بان الطيارة بين المانيا وطرابلس بس 3ساعات وربع مش هلبه
والحجز على الخطوط الافريقية نحسها كويسه مقارنه بالليبية
انتم شوروا اعليا شن رايكم
انا خاطري نجيب بين اهلي وامي عند راسي ومتهنيه على بنتي مع اهلي مش هنا غربه ووحدة

[عيون زوجي]

ردوا اعليا مش اطنشوني

[لولى2010]

ربي معاك بس انا نحس فيها مخاطرة بالبيبي وانت بروحك لان فى نهايه التامن او بدايه التاسع ممكن يصير ولاده شوفى انا جبت فى نهايه التامن
وهنا الخطوط القطريه مستحيل يخلوك تسافرى وانت فى نهايه التامن هدامعناها ان اكيد فى خطرع البيبي او عليك وكان هدا هما شن هامهم الا الفلوس لكن هما يخافو
ونصيحه فكرى كويس