تجمع حوامل ليبيا

[hatoo]

الله يبارك فيك وانتي شنو اخبارك

[ام روفيدة]

وينكم يا بنات اليوم

[عيون زوجي]

السلام عليكم
كيف حالكم اليوم يا عويله يارب تكونوا باحسن حال
لولي مبروك اعليها الاسم وتتربى في عزك

[حبل الوصل]

صباح الخير
عاشت الاسامى لولى حلو اسم بنتك
اليوم موعد ميرنا ادعولها يابنات
ربي يكون في عونها ويكتبلها اللي فيه الخير وان شاءالله ترجعيلنا بالاخبار الطيبة ياميرنا

[smhaa]

ربي يساعدك ياميرنا وياااااااااااااارب عن القر يب نسمع انك حملتي بحمل ثابت سليم
اللهم امييين

[smhaa]

المشاركة الأصلية كتبت بواسطة عيون زوجي

ميرنا .......غدوة خشي النت نبوا منك حاجتين
اطمنينا شن قالت الدكتورة
اوصفينا ام اسيل كيف شكلها حلوة ولا مش حلوة

ههههههههههههههههههههههههههه

[ميرنا]

خير يابنات تعالن شوفن اخر الاخبار اليوم مشيت الى العيادة , وخشت ام اسيل ادور في اول ما خشت للحجرة اضبطت وحدة لقتها على باب الحجرة وركبت فيها حب وتضبيط وقالتلها انتى ميرنا اشوى اناسمعت اسمى ناديتها تعالى هنا انا هنا ياام اسيل متنا على اروحنا من الضحك ههههههههههههههه*

[لولى2010]

ههههههههههههههههههه ه ضحكتينى ياميرناا نحن نبو التفصيل وشن قالتلك الدكتورة
الله يبارك فيكم والعقبالكم

[ميرنا]

يابنات // ماشالله عليها سمحة ربى يحفظها من العين وطيبة وضحاكة و الابتسامة لاتفارقها, والله يابنات اتجنن , ومغير تضحك يعنى من النوع المرح, والله اعزمت فينا واجد ولكن الراجل تحشم منها وهدرزنا مع بعضنا فى العيادة وكانى نعرفها من زمان وعقبال ماتلقن امعها

[ميرنا]

اما عن الدكتورة ايمان بو طلاق , فهى دكتورة ممتازة وتشعر براحة النفسية معها وموش منوع لى دوخك امعها اتقولك يا ابيض ياسود يصير منك او لا وفعلا نفس ماسمعنا عليه طبيبة طبيبة عملت لى سونار وقالت الحمدالله كل شى تمام المبياض والرحم مائة المائة وطلبت منى تحاليل وعلى ضوء التحليل اتقرار يا تعملى حقن مجهرى يا تواصل معى علاج طبيعى وانشالله بكرة نمشيلها بتحاليل وهى اتقولى شنو الخطواة الاخرى وربى يساعد