.·¤ تجمع الحوامل اللي ولادتهم في محرم¤·.

[ملكتني بهمسك]

المشاركة الأصلية كتبت بواسطة دلع الأحساء

بنات بعد الجماع تحجر بطني يمكن 3 ساعات يتحجر ويرجع يرتخي بس بدون الم

ونقزات


طبيعي ولا؟؟

طبيعي التحجر حتى من دون جماع بتحسي فيه واذا ازعجك التحجر رشي على بطنك مويه بارده سلامتك والف مبرووووووووووووك يا ام محمد ربي يحفظه لك ويسهل ولادتك على فكره ليش ماباركتيلي على البنوته ولا سالتي عني زعت منك

-----------------------------------------------------------------------------------------------

المشاركة الأصلية كتبت بواسطة دلوعه دحمان

سلااااااااااام
يا بنااات بليز قولو لي انا متي ولادتي تعب اسال في كل قسم ماحد يجاوب ليش
يا بناااات
الله يسعدكم يارب
متي ولادتي

اخر دورة كانت 12-4-1433

كل ما اقول اغبي توقيع ما اعرف اسويها والله بليز اعملو لي توقيع

بس انا قالت لي دكتورة انتي حامل الحين في 5

حياك الله معانا الله يتمملك على خير بتولدين 27 -1 - 1434
وهذا توقيعك
[IMG][/IMG]

اذا ماعرفتي تحطيه بتوقيع قوليلي وانا اعلمك ياقلبي ماطلبتي شي من عيوني
----------------------------------------------------------------------------------------------

المشاركة الأصلية كتبت بواسطة Mishael

ملكتني والله لك وحشه ياقلبي حمدالله على سلامتك..
على فكره ملكتني اغلبنا رجعونا كم اسبوع وانا مارجعتني قالت بالاسبوع ال22 بس توك بالخامس مادخلتي السادس للحين
ومبرووووووووووووك عليك البنوته الله يجيبها لك بالسلامه يارب

ياعمري مايوحشك غالي وانتم كمان وحشتوني -ب س انا رجعتني كثير بس الحمدالله دامها طيبه -الله يبارك بعمرك عقبال ما تطمنينا انها الي ببطنك بنوته

--------------------------------------------------------------------------------------------

المشاركة الأصلية كتبت بواسطة Noga88

ملكتني علا وغلا ،، والله وحشتينا
الله يعين برمضان الكل مشغول بس مثل ماقلنا بعد رمضان محد له
عذر
ومبررررروووووك البنوته تجي بالسلامه يارب،،،
والله يعين والله قووووويه رجعتك حيل الدكتوره بس الحمد الله اللي عرفتي الحين احسن من انك تحسبي نفسك بالتاسع وانتي توك ،،، اذا بتنقلين عفشك لاتقطعين تكفييين والله كنتي منوره وشمعه التجمع

اهلين باالغاليه وانتم بعد وحشتوني بجد رمضان احس الشغل فيه ضعف الايام الثانيه اكيد بعد رمضان محد لو عذر يغيب - بجد انصدمت لمن قالت في الرابع وانا على بالي دخلت السادس - بجد الحمدالله اخيرن تطمنت ولا كان انجن لو ماولدت معاك وبتطلع بنتي ناقصه - اكيد باكون موجوده معاكم - ياعمري التجمع منور بنوركم
--------------------------------------------------------------------------------------------

المشاركة الأصلية كتبت بواسطة ام التوينز3

تسلمين ملكتني ولك وحشه لا تغيبن علينا نورينا ومبروك البنوته تتربى في عزك

الله يبارك بعمرك ياعسل - احس ناقص يومي شي من دون التجمع تعوت عليكم
-------------------------------------------------------------------------------------------

المشاركة الأصلية كتبت بواسطة Marawy

ملكتني بهمسك ،،
والله لج وحشه واخيرا شرفتينا ،! طولتي علينا وشكلها الصفحات كثرت عليج ههههههه
فديتج شخبارج وشخبار اعيالج والنونو ؟ وشلونج مع رمضان والحوسه ؟ جربت جية زوجج من السفر ،،
الحمدلله انج تطمنتي على النونو والف مبروك على البنوته الحلوة ربي يبلغج فيها يارب وتشوفينها بحضنج ،،
بس لا مو بكيفج تتركينا ههههههه خلج معانا هون بالتجمع ،، انطرينا نولد بالسلامه وبعدين سكري باب التجمع ونقلي عفشج ههههه بس اهم شي تشهدين ولادة كل وحده فينا هههه فديتج والله بنشتاق لج لا تخلينا عاد ،،

راح تخلينا نعيد التفكير بأبرة الظهر ،، بس ما ادري لو المستشفى اللي بولد فيه يوفرونها او لا ،،

ياعمري غصبن عني بس باحاول اكون متواجده عشان مايكثر الواجب علي هههههههه توبه ما اعيدها - العيال مبسوطين يسلمون عليك انتي وبنتك - حوسه رمضان مع العيال تعب وربي اوقات نفسي يسير ثقيل ودوخه وحرانه وجسمي يرتجف وانا واقفه بمطبخ والعيال مساعدتهم زي وجهم اطر اسوي كل شي بنفسي - ايه الحمدالله اخيرن تطمنت كنت مشغوله بس دحين حطيت النقط على الحروف - جاني وسواسك خخخخخ اول لو ما رحت وكشفت كان سويت المستحيل عشان اولدها بثامن وانا ما ادري عن نفسي - الله يسعدك ويبلغك شوفت بنتك بصحه وعافيه - اكيد باكون معاكم - خخخخخخخخ قصدك اقفل تجمع صفر - اكيد باشهد ولادتكم وانا وكرشتي واشوف مين تقفل تجمعكم - ابره الظهر وربي تجنن ومريحه انا جربتها مرتين واي سؤال عندك عنهم من عيوني باجاوبك - انا اعرف اذا حكومي مافيها واذا اهلي موجود فيها
--------------------------------------------------------------------------------------------

المشاركة الأصلية كتبت بواسطة Marawy

بنات انا لي يومين (امس واليوم) ماحسيت بحركة البيبي وخايفه حييل لا يكون فيها شي :(
اليوم الظهر قعدت اصيح على زوجي وانكسر خاطره وقال بيوديني المستشفى بس قلت يمكن انا اوسوس وبنتظر لان موعدي الثلاثا ان شاء الله ،، بس للحين ما حسيت بها !
من صار له مثلي ؟ وطبيعي انني ما احس فيها يومين !
اللهم حسيت بعد الفطور بتحجر على جنب واحد وبعدين راح ،، والتفكير ذابحني بس قاعده اطمن نفسي واسكت روحي ان مافيها شي بأذن الله ،،

:( ادعولي بنات ،، ضايق خلقي ،،

دام يتحجر اتاكدي انها بخير واذا سار لك ثاني مره على طول كلي بصل مع سلطه وشوفيها كيف بتتحرك
-------------------------------------------------------------------------------------

المشاركة الأصلية كتبت بواسطة ام اسكندر

مبروك البنوتة

بس تفاجأت من التحطيم انك تكوني 17 اسبوع

وااااااااا موعدك بعيد عننا

وربي يحفظها لك كيفما كان موعد ولادتها

وماشالله يعتبر عرفتي جنس بنوتتك بدري 17 اسبوع

ودكتورتك شاطرة دامها عرفت الجنس صح

وربي ييسر لك حملها وولادتها يارب
وخواتم مباركة

بجد تحطيم وبعيد عنكم يعني بتخلصو نفاس وانا لسه صامده مع كرشتي ههههه بجد شاطره ماعمرها غلطت معي في عيالي - اللهم آمين
---------------------------------------------------------------------------------

المشاركة الأصلية كتبت بواسطة دلع الأحساء

الله يبارك فيك
طيب لو جاتك بنت وش بتسمينها؟؟
وعلى سالفت عمرك لا بعدك صغيره
انا عندي الي يعدي 27 يعني عجوز
بس شكلي لوصلت 27 بغير وجهة نظري ههههه

وانا اول طفل وعمري 17 - طيب يادلع انا عمري الان 27 يعني انا عجوز شكرن
-----------------------------------------------------------------------------------

المشاركة الأصلية كتبت بواسطة ام اسكندر

مبرووووووووووووووووووك الولد يا ام محمد

احلى شي لما يكون البكر ولد

تعرفي حنا بالسعودية لازم محررررررررم ينفعك بالتوصيلات

وان شاء الله بعده البنت اللي تونس بالبيت باذن الله

انا بكري ولد وبعده بنت وااااااي متى بس يكون عمره 18 زوجي اقوله باسير اطلع واجي محد له كلمه على حتى انتا دام معي محرمي هههههههههه

--------------------------------------------------------------------------------------------------

المشاركة الأصلية كتبت بواسطة دلع الأحساء

الله يبارك فيك عمري وعقبال مانشوف بين احضانك بنوتك

اي بهجد مابحط قماش هههه لاتدقين

شوقتيني البس فستان عرس اختي شكلي بروح اقيسه قبل لان انام


اي والله جسمي كويس على طولي طبعا قبل الحمل

وكانت القصه حلوه علي لان وجهي طوالي وناسبته القصه وعطته عرض

بس اخاف بعد الولاده يطخ صدري لان طاخ وكبران من الحين
وانا الحين من الحمل يقلون خواتي عرضت


يعني اخاف بعد الولاده مايروح العرض يلزق فيني

ويصير جسمي عريض وراسي صغير

طلع هذي كلها مويات تبع الحمل كلها تروح وقت الاربعين ماتخلصي شهرين الا كل شي فيك رجع زي اول

-------------------------------------------------------------------------------------

المشاركة الأصلية كتبت بواسطة ام اسكندر

اااااااخ يادلع

تراني شايبة من يوم جبته شيب فيني بعمايله

الله يهديه ويصلحه ويحظه
ويحفظ ابناءكم اجمعين

ولما تخلفي رح تعرفي معنى كلامي خصوصا يوم يبدأ محمد يمشي ومايسيب شي

وبجد والله نفس الشعور ياام اسكندر كلامك ميه ميه
----------------------------------------------------------------------------------

[اميرة الورد ~]

هلا حبيبتي كيففك
الحمدلله ع سلامتك وسلامة البنوووتةة
ربي يحفظها لك ~

[Marawy]

اميرة الورد ،،

ههههههههه اي والله زوجي استغرب وقعد يضحك وصار وجهه احمر على اصفر ههههه ،، ربي يحفظج يالغلا تسلمين يا قلبي ،، ويتمم لج ولنا على خير والله بجد الوسواس يقصر العمر ،، بس شنسوي من حبنا لهم نخاف عليهم ،، وصاج زوجج احنا ما ينعرف لنا لو تحرك النونو قلنا تحرك ولو وقفت حركته قلنا مو طبيعي الموضوع فيه ان ههههههههه الله يعين ازواجنا بس ويعين اجنتنا علينا ،،

[Mishael]

سبحان الله حقها وماجاها ،،

[اميرة الورد ~]

هلا ميشششو
كيفك حبيبتي
طمنيني عنك
كيفك الحي خفت الام لثتك ؟؟
رحتي لمستشفى مرة ثانية وش قالوا لك ؟
والله احاتيك
كنت بدخل اسال عنك بس كنت تعبانة وربي

[Marawy]

ملكتني بهمسك ،،

ياقلبي والله منوره التجمع بهالطله ،، ربي يحفظج من كل شر ،، لو تتعبين بالصيام افطري ،، لان الدكتورة تقول لو تحسين بدوخه او تعرقين وتحسين بحر وهبوط لازم تفطرين على طول حتى لو باقي خمس دقايق على الاذان ،، لان بيكون خطر على النونو وعلى ضخ الدم له عن طريق المشيمه ،، ربي يبعد عنا وعنج كل شر يارب ،،
والله متعب المطبخ برمضان ،، اشوف امي فديتها شلون تتعب ،، شلون انتوا ياللي حمل وعندكم اعيال صغار ربي يعينكم بس ،،

[اميرة الورد ~]

المشاركة الأصلية كتبت بواسطة Marawy

اميرة الورد ،،

ههههههههه اي والله زوجي استغرب وقعد يضحك وصار وجهه احمر على اصفر ههههه ،، ربي يحفظج يالغلا تسلمين يا قلبي ،، ويتمم لج ولنا على خير والله بجد الوسواس يقصر العمر ،، بس شنسوي من حبنا لهم نخاف عليهم ،، وصاج زوجج احنا ما ينعرف لنا لو تحرك النونو قلنا تحرك ولو وقفت حركته قلنا مو طبيعي الموضوع فيه ان ههههههههه الله يعين ازواجنا بس ويعين اجنتنا علينا ،،

هههههههه مسكين انحرج
ويحفظك يارب
اميييين
صاادقة ربي يجيبهم بالسلامة
ههههههه هذا هو يقولي جبتي لي الوسواس معك
قلت له احسن اجل اب بالاسم فكر معي مثل ماانا افكر
امييين
^^
ها جهزتي للعيد ومولودك

[Marawy]

مشاعل ،،

ربي يسلمج حبيبتي ،، اي والله نصبر على السفر لاحقين عليه ان شاء الله ،، بالنسبه للصوم ما بنتظر لبعد الولاده ،، بصومه بعد العيد ان شاء الله واذا الله قدرني بصوم الصبريات والايام البيض ان شاء الله ،، بعد الولاده بيكون متعب الصيام خصوصا مع الرضاعه ومع البيبي ،، وانا مو متعوده على مسؤوليه احس صعبه تربية البيبي ،، الله يقدرنا بس وناخذ من خبرة بنات التجمع في التربيه واولهم ام اسكندر فديتها و ملكتني بهمسك ربي يوفقها ،،

[Marawy]

اميرة الورد ،،

اي والله جهزت للعيد من قبل رمضان عشان الزحمه ،، والبيبي الحمدلله خلصت كل الاغراض تقريبا باقي شغلات لي انا مثل جلابيات النفاس والملابس الداخليه ،،

وانتي فديتج جهزتي للتوينز شي او للحين ؟

[Marawy]

دلع ،،

ربي يخليلج اختج ويخليج لها يارب ،، وربي لا يغير عليكم ان شاء الله ،، انا البيت والاهل والجيران كلهم عرفوا شنو فيني هههههههه ويدرون ان 70 بالميه بنوته واحتمال تقلب ولد ،، الله يجيب اللي فيه الخير ان شاء الله ونفرح فيهم يارب ،،

وصح لا تنسحبين من الكليه سمستر ،، لان بعدين بتتعبين بالتربيه وراح تأجلين دراستج كثير لحد ما تتعودين على قعدة البيت ،، كملي دراستج هالكورس وبالعكس اصلا احسن لج عشان تلهين شوي وتمشي شهور حملج بسرعه ان شاء الله لانج ما بتفكرين فيها ،، ربي يوفقج ياقلبي ونشوفج بأعلى المناصب يارب ،،

ههههههههه يعني خليتي زوجج امام الامر الواقع ،، مسكين ما تسوى عليه الكلمه اللي قالها مسكتيها عليه من ايام الخطوبه ههههههه بس اهم شي ان بالاخير يعجبه حيل ،، انا زوجي شاف شعري طويل لحد فخذي ،، ولما تزوجنا تعبت وانا اقنع فيه بس كان عاجبه الطويل ،، وبالاخير لما رضى انتهزت الفرصه وعلى طول قصيته لين كتفي هههههههههه حتى اول الأيام استحي اشيل الشيله قدام اهلي هههههههه ولما شافوه الكل فتح عيونه ههههه واستغربوا والكل يقول والله مينونه ،، من بعدها كل ما طول شوي صرت احن واحن واحن على زوجي عشان اقصه وبالاخير يرضى وارجع اقصره شوي ،، الحين واصل لين نص ظهري بشوي ومع حبوب الحمل والفيتامينات احسه يطول اسرع ما شاء الله فقلت بخليه عشان اتغير شوي بالطويل بعد النفاس ،، هذا إذا ما طاح نصه من الرضاعه الطبيعيه ههههههه

والله عندهم سنتر بوينت ملابس حلوة منزلينها ،، وفيه الشورتات اللي طالعه موضتهم الحين ،، بس ما يصلحون مع الكرشه كلش هههههههه مسكت لي واحد شفته بس لما تخيلت شكلي به مع الكرشه تعوذت من ابليس وتركته ههههه ،، بس ما كثرت جهة ملابس الكبار رحت على طول بملابس النونوات ،، واخذت طقم اوفرهولات مع شباحات من نفس اللون ،، واخيرا حصلت قبعة بيضه للبيبي ( لاني من فتره اشتريت ملابس نيوبورن لونها ابيض ساده عشان طلعتي من المستشفى وماحصلت قبعة بيضه معاهم ) وبس هذا اللي اخذته ،، الاوفرهولات والشباحات اخذت اللون الوردي ياربي كيوت وحلو بس قبل اوصل للكيشر فكرت وقلت اخذ لو محايد اضمن ،، كفايه الفساتين اللي بالدولاب ههههههه شوي الا يطلع ولد ،، ورجعت غيرته واخذت لون اخضر فاتح تفاحي ،، عجبني حيل ،، والمقاس اخذته بالاول (من 6 إلى 12 شهر ) بعدين حسيته كبير والمفروض اخذ اصغر بشوي (لاني مكثره من ملابس النيوبورن ومن 0 إلى 3) بعدها رجعته واخذت من 3 إلى 6 شهور ،، عشان اقدر البس النونو بعد النفاس مباشره ،،


ربي يبارك فيج اي والله تطمنت عليها هالنزغه من الحين تسوي لي افلام رعب واكشن الله يعين هههه ،، بنسميها ان شاء الله ( شيخه ) ولو ولد ( احمد )
اي والله قلت بصوم هاليوم بعد العيد ،، ع الاقل وقت اذان المغرب يقدم شوي ،،