تجمع حوامل ليبيا

ام ولدها · 06-29-2010, 12:17 PM

بنقوللكم حاجة اني انرضع والدورة غير منتظمة والشهر هذا ماجتني نحساب روحي حامل لكن بعد التحليل اتضح لي اني مش حامل وقاعده في حيرة انخاف نمشي للعيادة ننصدم بحاجة تانية ارجوكم اللي عندها رد وخلفية ع الموضوع اتقولي

عيون زوجي · 06-29-2010, 03:28 PM

السلام عليكم
هلا ام ولدها كيف حالك وحال اوليدك ولا باس اعليك

عيون زوجي · 06-29-2010, 03:29 PM

قداش ليك جايبه

حبل الوصل · 06-29-2010, 05:19 PM

شكر لكل من سأل عنى وانى مش اكيدة ماشية لتونس لانى شلت فكرة الحمل وخليتها على ربي هو اللي يرزق
المهم انى بديت في علاج بالرقية والقرآن ودرت حجامة والشهر الجاي نعاود والله بعدها ارتحت وااااااجد
اهلين بضيفتنا الجديدة وانتى من وين وكم ليك متزوجة وقداش عندك صغار يعنى تفاصيل
ام اسيل انى بخير وصغاري كويسين انتى شن حالك وحال صغارك
ميرنا ربي يعاونك
سمحة صحى وارجعيلنا بسرعة
عيون شن حالك انتى وبنتك وشن دايرة مع الحمل

اميسر · 06-29-2010, 06:49 PM

بسم الله الرحمن الرحيم

كيف حالكم

اميسر · 06-29-2010, 06:52 PM

ام روفيدة · 06-29-2010, 07:59 PM

اقتباس:

المشاركة الأصلية كتبت بواسطة اميسر

بارك الله فيك على التدكرة أختي اميسر

عيون زوجي · 06-29-2010, 09:38 PM

السلام عليكم
ام ولدها فعلا لازم اتعرفينا اعليك
حبل الوصل ربي يرزقك انشاءالله ومافيش خير من الرقيه والحجامه وارمي حمولك على رب الكون
اميسر شكرا حبيبتي على هالتذكرة المفروض كل وقت
بقية البنات كيف حالكم
انا كويسه وموعد تحليل السكر التراكمي غدوة انشاء الله ادعولي امانه
بالله يلي تعرف شي عن هنديه تحكي شغلتني اعليها

اميسر · 06-29-2010, 09:56 PM

بسم الله الرحمن الرحيم

كيف حالك يا ام رفيده

يا عيون راجلها انشاءالله يا رب يارب يطلع السكر عندك طبيعي

ولو طلع مرتفع اشويه اتصير مع الحوامل عادي صارت مع اختي في حملها الثاني

وبعده معاش تكرر

بس ننصحك الشعير والجزر والترمس والقرفه هذه الاغذيه تساعدك في ضبط السكر

وحتي ديري بحث في النت عالاغذيه هذه

وان شاء الله ما عندك سوء

ياقوته83 · 06-29-2010, 11:34 PM

السلام عليكم يابنات بلادى انى من طرابلس ونتابع في مستشفى الخضراء عند الدكتوره كميله ابوعين وحامل ف5بادن الله