حامل في الشهر الرابه ودوخه شديده وصداع

[بنوته القمر]

السلام عليكم
باختصار يابنات انا اول حمل ليه وماعرف شي


قبل اسبوع جاني صداع شديد انا قلت يمكن من عيوني زاد الضعف فيها وهو السبب تخيلو الصداع بدا الخميس لما انام يخف ولما صحيت رجع ثاني صباح الجمعه رحت لدكتور عيون قال فيه ضعف بس مو منه قال احتمال الجيوب الانفيه ورحت لدكتور انف واذن قال فيه حساسيه بس استخدمي العلاجات ان خف الصداع يعني ممكن منو وطبعا خفت استخدم وانا حامل مع العلم قال ماضر بس مارتحت نفسيا ورحت لدكتوري الي اتابع معاه الحمل وقلتله قال طبيعي مع الحمل قلتله اخاف يكون فقر دم ابغا اعمل تحليل قال لا ماتحتاجي يابنات عملي تحاليل بس الشهور الاوله وبعدين لا ولما سالت في النت اكثرهم يقولو الصداع والدوخه اغلبها فقر دم وانا بالخبط في ادويتي يعني هو المفروض كل يوم اخذ حديد وكالسيوم وفيتامين انا اخذ الحدديد والكالسيوم واليوم الثاني فيتامين وكالسيوم وكدا لان مررا قوي علي معدتي

المهم مااعرف دحين ايش اعمل انا قلت اكل طماطم وباشرب عصير منجا المراعي قلت ممكن الدوخه والصداع يخفو مع العلم لما اسال حوامل يقولو طبيعي مع الحمل

وانا ماني عارفه هو طبيعي ولا نقص في الدم ماني قادره احدد مع العلم لما رحت المستشفي وقاسو ضغطي طلع منخفض بس الي قاسته الممرضه تقول كويس مو مرا نازل انا قلت يمكن منه الصداع مدري عنها بس لما رحت لدكتوري قالت الحمدالله كويس المهم انا احترت هو فقر دم ولا ضغط ولا طبيعي يعني شي يحتاج اقلق منه ولالا ومادري ليه الدكتور لما طلبت منه تحليل قال مايحتاج مع العلم في مرا رحت لدكتور قلتله احس بدوخه ابغا اعمل تحليل دم قال مايحتاج يدك حمرا الي يدها حمرا معناه ماعندها فقر دم

هدا الكلام كان قبل الحمل سااااااااااااااعدوني الله يوفقكم

[بنوته القمر]

مع العلم دحين احس بحراره مو سخونه لا بنات جده شايفين الجو كيف مررا حار انا مشغله المكيف وبرضو حراره انا سمعت الي عندهم فقر دم بس يبردو انا قبل حملي ماكنت اتحمل المكيف ابرد بسرعه مادري ليه هو طبيعه جسمي ولا كان معايا فقر دم مدري وعصير المنجا كويس ولالا المراعي

[متفائلة دائما]

لالا توسوسي يا الغالية ان شاء الله اعراضك ما هي فقر دم بس من الحمل و عادي جدا كل الحوامل بتتعب و تصدع و تحر

[غلادنس]

انا جاني نفس اعراضج بدايه الحمل

ممكن يكون طبيعي مع الحمل

ممكن يكون فقر دم

ممكن يكون اعراض تسمم حمل


ربي يشافيج ان شاء الله ويبعد عنج كل شر

دعواتج

[مي &]

انا في الشهر الرابع جاني صداع ودوخه رحت حللت طلع عندي فقر دم بس عالجت فقر الدم رااح الالم

[بنوته القمر]

انا راح اكثر التوت والبرتقال والطماطم وان شاءالله لو فقر دم يرتفع

[zobaaa]

سلامتج وان شااء الله مافي شي

اتوقع شي طبيعي يصير مع الحمل

الصداع وانخفاض بالضغط

اني مثلج عندي صداع شديد وانخفاض بالضغط

[meesh999]

مافيكي الا العافيه بإذن الله انا قبل شهر كنت بالرابع نفس اعراضك بالتمام جاتني 24ساعه صداع ودوخه شديده بس رحت حللت وكل شي كان طبيعي الحمدلله
انتي انتبهي لنفسك وكلي كويس اناكنت كل ما احس بدي الحاله اخد لبن روب وفص تمره واشرب ماي كتير
لاتخافي حبيبتي شي طبيعي

[بنوته القمر]

تسلموووووووون ياااااحلوين علي ردودكم