بنات ادخلو اغراض البيبي كلها

[بنوته القمر]

السلام عليكم

ياحلووووووووووووين كيفك انا في الخامس بدات اشتري يعني اشياء بسيطه مادري اكمل او لسه بدري خايفه بعدها اثقل وماقدر امشي لان ظهري بداء معايا وكل يوم يزيد

ياااااااحلوين انا كتبت الاغراض الي باشتريها للبيبي

راح اكتبها وشوفو ان شي ناقص ساعدوني وان كويس خلاص

نبداء بسم الله الرحمن الرحيم

فلاين بيضه عشره مقاس بيبي بور ن ومن صفر لعشره

البربتوزات سته مواليد واربعه من صفر ل3شهور

مناشف صغيره تجي طقم في علبه خمسه مناشف

خمسه حقت السره وسته كوافيل
فرشه ومشط وقصاصه اظافر تجي طقم

شال واحد للبيبي يكفي
شياله لما اخرج انوم البيبي فيها بدل ماشيلو علي يدي ورقبتو تميل حاخذ وحده تكفي

شراريب وكوفيات والمسحه الطبيه شامبو وصابون وبودره حاخذ المجموعه واريح نفسي تجي متكامله

معقم الرضاعات وكريم سودو
تلبيسه القوارير
والقوارير 3 كلها صغيره وسرسر وادراج حلوه ارتب فيها ملابس البيبي لان دولابي مليان ماعندي مكان وسرسر صغير حلو وبانيو ومقسم الحليب

والحليب والبامبرز والمصاصه

[ام هيثووووم]

اممممم طيب احس شيال واحد مايكفيً
مادري انتوا مثلنا او لا ادا بتطلعين تزورين احد لازم تحطينه بشيال اسهل في الحمل ويمكن يكون واحد يتسخ يكون فيه ثاني احتياط لو رجع البيبي عليه او شي كذا وشنطه بعد لاغراض البيبي اذا بتطلعين
وهذي ماعرف اسمها اللي يحطونها للبيبي علشان لو رجع مايوسخ ملابسه
بعدين حسبي حساب لو بتولدين بالشتا ان الملابس اللي بتقضيينها شتويه ويبغي لك كل شي شتوي
مادري هذا اللي في بالي حاليا لو تذكرت شي بكتبه لك

[بنوته القمر]

ايوووووووووووووووووه عرفتها تقصدي مريله اشتريت خمسه مدري يكفي او لا ازيد شو رايكم والشال اوكي ممكن اخذ اثنين بس ولا في اشياء ثانيه ناقصتني وينكم باقي الحوامل

[بنوته القمر]

ام هشوووووووم انا من جده الحمدالله ماعندنا شتاء

[الحنونه606]

شنطة البيبي , للاغراض
و احس شال واحد مآيكفي
انا اخذت 3
ابيض و سكري و بنكي بما انو عندي بنوته
بطآنية عشان تدفيه ..
و بيت الطفل اذا عندكم مهمه
انا احسها مرتبه اخدت 3 برضو
..
وانا كمان زيك من جده
و اول بيبي ليا ..
اذا احتجتي شي انا موجوده
و بنات المنتدى كمان م يقصرو
..

[Mishael]

الله يجيبه بالسلامه انا معاك بالخامس ونفسيييي اقضي وامي مو راضيه تقول استني بعد العيد تجي التخفيضات
يعني ولادتي بشهر واحد هجري
احسك كثرتي مقاس النيوبورن ثلاث قطع من كل حاجه تكفي لانه ممكن ماتلبسيه غير اسبوعين
وانا افكر الدولاب والسرير ماراح اشتريه اللحين ولا عربية الاطفال لان ممكن تجيني هديه بشتري بس سرير مرتب حق الاستقبال وصعنطوط
احنا من عاداتنا اذا قربت تخلص الحرمه من الاربعين تروح السوق تجهز نفسها عشان كذا مانكثر ملابس لان اكيد بتشتري للبيبي
وعندك ادوات الاستحمام انتبهي لتاريخها خذي بعييييد المدى
والعطر خذي له عطرر خفيييف مايضايقه ،،،

[ام اليوسف]

الله يقومك بالسلامه لسى فالسادس ولاجهزت والله مدري هو. بدري والا انا متاخره
حابه اسال المسحات الطبيه فايش استخدمها ومعقم الرضاعات من وين اشتريه انا فجده
وهل ابدا استخدم شفاطات الحليب قبل ولادتي لان ع ولدي الاول مانزلي حليب صدري كان ناشف واقول يارب المره هذي ينزل حليب للطفل

[بنوته القمر]

حبيباتي انا في الشهر الخامس صراحه الي خلاني ابداء لان ظهري بداء يزيد وكل شهر بيزيد ومابقدر امشي وبعدين لاتنتظرو التخفيضات ماااااااااافي الا علي السنه الجديده يعني الي معايا في الخامس وولادتها مثلي ان شاءالله نولد والتخفيضات لسه مابدات علشان كدا قلت انتظر علي ايش

بخصوص السرير انا حاخذ واحد صغير اخلي في بيت اهلي وبعدين اخذه بيتي وبطانيه مدري ممكن بيت الطفل هذا ايش اذا قصدكم الي احط فيه الطفل لما اخرج وهو نايم انا ابغا واحد بس يكفي

اما بالنسبه لمقاس النيوبورن صراحه مدري بنت خالتي قلتلي كدا لان في اطفال تلبسيهم النيوبورن حتي لما يكبرو من ضعفهم انا حشترري كمان حق 3 شهور الي يعجبني باخذه علي ماعتقد حيطلعو اكثر من عشره وكمان لاتنسو الهدايا في ناس كثير تجيب عربيات وملابس علشان كدا مابغا اكثر حبيبتي الي تسال عن المسحات الطبيه هذي ضروري تعرفو صره البيبي في البدايه تكون فيها الحبل السري هذي تنقطي علي نفس السره كل ماغيرتي حفاظته تاخذ اثنين او وحده من المطهر وتنقطي في سرته علشان تنشف بسرعه وتطيح ماما كانت كدا تعمل وبخصوص معقم الرضاعات تلاقي في الصيدليه او شيكو او سنتر بوينت روحي شيكو خذي دحين عاملين تخفيضات ومذركير يابنات لسه ماخلصو تخفيضات

[بنوته القمر]

الي معايا بنفس الشهر ومن جده وبكريه تعالو نستفيد من بعض شو رايكم ياااااااحلوين

[بنوته القمر]

ماني قادره اناااااااااام قمت استفرغت مدري هو من الفيتامين ولا الاكل جالس بمعدتي