الرضاعه الطبيعيه .. طريقة ممتازه للتاكد من شباع الطفل

[أشـواق]

السلام عليكم
حبيباتي حبيت انقل لكم طريقه جداا ممتازه للي ترضع مولودها من صدرها ..
وغالبا البكريه تكون خايفه ان مولودها ما شبع و انه يرجع يصيح ..
هذي الطريقه قريتها في منتدى قبل 6 سنوات لما كنت نفسا في حملي الاول .. و حاليا انا اطبقها في ولدي الثاني الي كمل عمره اسبووع .. ربي يحفظه

والطريقه ممتازه و تضمنين شباع البيبي و راحة صدرك وهي كالتالي :

تبدئين بالناحيه اليمين و ترضعينه منه فترة 10 دقايق او لما تحسين انه شبع وبدا يرخي فكه ووقف الرضاعه ...
وبعدين تعطينه راحه خمس دقايق وفيها تربتين على ظهره عشان تطلع الغازات و يرتاح
بعد الخمس دقايق تحطينه عالجهه اليسار و تكررين نفس الموضوع 10 دقايق و ثم تحسينه خدر و شبع و داااخ
وانتي تضمنين ان صدرك ارتاح و فضى و البيبي شبع و ارتاح

اتمنى اكون افدتكم بتجربتي
و بالتوفيق للمرضعااات

[صحفية المستقبل]

نفسي ولدي يرضع من صدري وحاولت معاه كثير بس رافض

[♥IcE pRiNcEsS♥]

موضوع جد مفييييد
مشكووورة حبيبتي

[أم مروى..]

مشكووووووور فديتج ع الموضوع
انا دووم احاتي لما ارضع بنتي

[أشـواق]

سعيده بمشاركة تجربتي معاكم و اتمنى تكون مفيده للجميع
..

بالنسبه للي توها والده وتحس اني البيبي رافض الرضاعه الطبيعيه .. اقولهم المساله محتاجه صبر في البدايه .. لان الطفل من ناحيته فكه ما قوى بعد و يحس الرضاعه الصناعيه اسهل .. و بالنسبه للام الحليب ما زاال قليل وفي بدايته .. الموضوع محتاج صبر منك حاولي تخليه يرضع من صدرك مجرد ما يصحى من النوم لانه غالبا يكون جائع وراح يرضع ولو تملل بعد فتره قصيره مو مشكله سويله رضعه بس يكون مص صدرك لان العمليه هذي بذاتها هي الي تزيد كمية الحليب تدريجيا مره بعد مره لين تستغنين عن الصناعيه او تكون مره او اثنين بالكثير في اليوم

[ام ريماس مريم]

بارك الله فيك يا الغالية
الله يحفضلك اولادك

[ملاك86]

يسلموووووووووووووووووووووووووو

[همس الحياة]

الحمد لله ربنا رزقننى باحلوى ولد بالدنيا واسميته أحمد

[اسطوره في حياتي]

يعطيك العافيه معك حق وحده من عماتي قالت لي نفس الطريقه وجربتها جدا ممتازه ويضمن لك كمان
انه يطول حدود 3 ساعات ما يجوع
تقبلي مروري

[سما الدنيا]

موضوع مفيد ..مشكورة...رح اجربو مع انو بني ما بيضل ربع ساعه وهوه يرضع يا دوب 5 دقائق من كل ثدي