مدري افرازات و لا شنو يسمونها ، حمل او دورة او اللتهاب اول مرة تصيدني كذا

[Night]

السلام عليكم

اليوم لاحظت وانا اصلي المغرب انه في حاله السجود ينزل مني سال كأني و انتوا بكرامة أبول سامحوني على الوصف بس مو عارفة اشرح بكلمات ثانية و يوم رحت أحيك الحمام ما كان فيه اي دم كان السائل شفاف ماله لون لانه ما لاحظت شي في ملابسي الداخلية ورديت بدلت ملابسي و عدت الصلاة و لاحظت في السجود مرة ثانية رد نزل علي مثل السائل

يعني مرتين مثل الحركة و بعد فترة كل ما اتحرك يصير لي نفس الموضوع بس الحين وقف نزول هذا السائل




أنا موعد دورتي المفروض اليوم تشرف بس ما أشوف نزل علي دم


هل الموضوع عادي او هذي افرازات تبشر بالحمل او الدورة. ، وهل اقدر اسوي التحليل بكره الصبح منزلي

[اماني 3]

والله يختي ان شالله تكونين حامل

انا بعد المفروض تنزل اليوم بس مانزلت واشوف هل الافرازات الناشفه اقصد يعني افرازات بيضه مو مطاطيه ومائله للشافافيه
وحللت وطلعت سلبي

قالوا لي حللي الصبج ان مانزلت الدوره اليوم
وشكلها مافي ومتردده احلل او لا

لكن انتي حللي وان شالله يبين حمل....دام اليوم هو موعدها

انا يمكن تفرق معاي بيوم او يومين

[سماء زرقاء]

ان شاء الله تكونى حامل

بس رأى استنى كمان يوم اذا ماشرفت اعملى التحلييل

ويارب ماتشوفيها الا بعد 9 شهور
ادعيلى اكون حامل هالشهر

[انت لي وبس]

ياحياتي عادي ان شاء الله تكوني حامل ولو ماكنتي حامل هذي رطوبه طبيعيه في جسم المراءه

[ام امير وملاكي]

اسال الله العظيم رب العرش العظيم ان تكوني حامل
والله ما عندي اي فكره بس ان شاء الله خير
انا بعد لازم تشرف يوم السبت ولي فتره اكثر من 4 سنوات ما افكر فيها الشهر هذه بموووووت من كثر التفكير
شعور غريب والله ما اعرف
الله لا يخليهم من بيت مسلم يا رب ويعطي كل مشتهي

[سارونة الكويت]

الماي ينزل من اللي تكون والده ومومهتمه بنفسها بعد النفاس

او اللي ماتهتم وقت الدوره هذا اللي اعرفه

غسلي بمره نقعيها وغسلي الماي ترا تنشف حييل حلوه

بالتوفيق يارب تكونين حامل

[ضي القمر 3]

اللهم اجعله حملا سليما معافا

ماعندي فكره عن هذا الشيء يمكن هذا عارض حمل
لانه لو التهاب كانه جاكي الم ولا بريحة ولا لون

باذن الله بشاره خير
ولو تحللي الصبح منزلي راح بأذن الله يبان وبشرينا يالغالية

[Night]

مشكورين حبيباتي كل الي ردوا الله يرزقنا جميعاً ان شاء الله

اماني+ ام امير و ملاكي الله يرزقك ان شاء الله بالذرية الصالحة

سماء الزرقاء+ تدري بغلاك الله يسمع منك

سارونة ما فهمت قصدك شلون يعني ما تهتم بنفسها وقت الدورة ياريت توضحي يمكن انا اعمل اشياء غلط

ضي القمر الله يسمع منك يارب

[سارونة الكويت]

حبيبتي يعني اللي تشرب بارد وماتدفي حالها ويصير الجماع وهي مانظفت عدل من الدوره

انصحج روحي لدكتورة نسا يمكن تكون التهابات قويه !! مانقدر نفيدج حبيبتي استشيري دكتوره وطمنينا