فيه حل للوحام؟؟

[يارحيم]

قالو لي اهلي وامي اني مارح اتوحم لانه ما بدا معاي من اول الحمل زي اخواتي وان امي ما توحمت بكل عيالها وشكلي انا طالعه عليها.. فرحت بالمرة ولكن هيهات!!

سبحان الله اول ما كتب شريط الحمل حقي اني رح ابدأ الغثيان هالاسبوع بديت على طول!! والاسبوع اللي فات كتب انه رح يبدأ صدري يألمني وبدأ.. صدقوني هالشريط دقيق مررة!!

المهم انه شعور مقرف طول اليوم حايمه كبدي ومعدتي تقلب وما اشتهي شي.. اغصب نفسي على الفطور وبالليل بصعوبه القا شي اشتهي اكله!! ولو علي ما اكل شي طول اليوم بس خايفه على صحتي وصحة البيبي واغصب نفسي على الاكل..

انا ابي اي شي يهدي اللوعة هذي تعبببتتننني.. تحسون السفن اب ممكن يريح؟؟ قبل الحمل كانت لما تتعب معدتي ارتاح على السفن مرة!! برضه سمعت ان بسكوت الزنجبيل مرة زين.. بس اي نوع؟ انا في كندا وماني عارفه وش اشتري سويت بحث بامازون وطلع لي كم نوع بس مو عارفه اذا هو ولالا!!

امس على بالي شربت شاهي اخضر وجاني شي الله لا يوريكم ركضت للحمام وطلع كل اللي ببطني!! والحين كرهت الشاهي الاخضر كره عجيب..

الله يخليكم قولولي اذا فيه اي شراب ولا اكل ممكن يخفف هاللوعه واكووون شاااكره لكم..

[متفائلة دائما]

روحي للدكتورة توصف لك حبوب للغثيان تخفف كثييييييييييير ان شاء الله
انا اخذ حبوب اسمها نافيدوكسين

[يارحيم]

موعدي بكرا ان شاء الله بسأل الدكتور..

[يارحيم]

صرفلي الدكتور فيتامينات حمل فيها زيادة فيتامين ب6 يقول انها تخفف الغثيان.. استخدمتها امس واليوم يعني خففت شوي بس مو مرة للحين اتعب واتضايق!! والمشكله الدوخه والارهاق احس كاني مريضه او فيني حراره!! امس اخذت تينانول (مسكن) لاني توقعت ان معاي فلونزا!! ولما صحيت اليوم ما كان فيه نفس الشعور.. طبعا طلعات ماقدر نهائي يادوب اروح موعد المستشفى وارجع منهارة من التعب!!

الجنة تحت اقدامنا يستاهل هالتعب والله.. الله يثبت لي حملي ويخفف علي وحامي يارب..

[*بنوتة عراقية*]

الله يعينج زين انتي بداء متأخر انا من ورا تحليل اسبوع بداء عندي الم في صدري ولعبان نفس وضهري وشغلات وايد كرهتة وحلو كرهتة بس شنسوي نتحمل خاطر بيبي والله يسهل عليج وعلي وعلى كل حوامل

[أمنية ..]

ما أنصحك تستعملين أدوية لتخفيف الوحام ، لأنّ الواحد ما يدري وش الأعراض الجانبيّة لها .. خصوصاً في بداية الحمل .. مش مضطرّة تعرضين نفسك لها !

حاولي تاكلين شيء أول ما تصحين من النّوم مثل بسكوت مالح ، واللبان الطبيعي يقولون أنّ يخفّف الوحام ويخلي البيبي ذكي ، كمان خلّي وجباتك ٦ وجبات خفيفة بدل ٣ وجبات ، عشان لا تصير معدتك فاضية وبعدين تتهيّج أسرع ، ولا تاكلين وجبات ثقيلة ف الليل ..

ويا بنت ، الشاي ما يصلح .. لأنّو فيه كافيين !

ما عندي خبرة ف الموضوع ، بس من واقع دراستي وإلّا حواليّ !

[المتغربه]

السلام عليكم الله يخفف عليك اختي والله هلدنيا امرها غريب انتي تتوحمي و طافشه من الوحم وانا مستعده اتحمل الوحم بس يكون عندي بيبي ادعيلي اختي اتوحم والله الدنيا امرها غريب

[شوق وحنين]

ما فيه حل للوحام مع الأسف لكن فيه طرق لتخفيفه من واقع تجربتي المريرة هههههه
وان شا الله كلها 3 أشهر وبيستقر وضعج ويروح عنج الوحام.

أولاً: فيه حبوب لتخفيف الغثيان اسمه نافودوكسين وما له آثار عليج ولا على الجنين ان شا الله.. تاخذين حبة قبل النوم وتأثيرها يستمر 24 ساعة.. أنا احتجت جرعة زيادة فالدكتورة سمحت لي آخذها مرتين في اليوم.

ثانيا: أساليب لتقليل الغثيان:

- كلي شابورة على الريق.
- وزعي وجباتج بحيث تكون وجبات خفيفة متفرقة.. يعني مرة فاكهة.. بعد ساعة سندويش .. بعد ساعتين سلطة.. بعد ساعة حلاوة.
- قللي شرب السوائل مع الوجبات وإنما اشربي على فترات متباعدة كميات وافرة من الماء.
- ابتعدي عن المشروبات الحمضية والمنبهة.

هممم وبس هذي الي أتذكره الحين..

[يارحيم]

الله يجزاكم الف خير..

اختي المتغربه ترا انا كنت نفسك.. اولا انا ما حملت بسهوله ورحت دكاتره ومستشفيات وخضعت لانابيب وتلقيح صناعي وحاله لين حملت وكنت اول اقول نفس كلامك يالييييت اتعذب من الوحااام بس احمل..

لكت لما حملت وبدا الوحام صراحه ابن ادم ضعيف ومايقدر يتحمل نسيت كلامي السابق و صرت ادعي ربي ليل نهار يخفف علي..

الله يزرقك الحمل المعافى يارب في اسرع وقت ويفرح نظرتك بطفل يملى عليك حياتك..