مثل ماقالت ايمان
تقدري عادي تشتغلي من عشرة ايام او اسبوعين
الصعوبة بس اول كم يوم اثاء القومة والجلسة .. بعد كذا عادي ياقلبي ماحيكون فيه الم
كمان اسبوع حتكوني زي الفل
وطبعا كلامك مرة مبالغ انك ماتشيلي شي غير الطفل ستة شهور
لا لا ابدا شيلي البيبي و شلي شنطتك و شيلي قدر الطبخ تبعك هههه عادي
الدكتور قلي لين عشرين كيلو جدا عادي
وانا بنفسي خلال تلاتة اسابيع كنت اشيل الاطفال واروح واجي واطبخ
اللي ممنوع انك تشيلي شي ثقيل بمعنى ثقييييل يعني مثلا تدفي طاولة كبيرة .. سجادة .. شي ثقيل ثقيل
هذا هو اللي ممنوع
لين تلاتة اربعة شهور بعدها عادي شوية شويوة تقدري تبدي رياضة بطن خفيفة و تقدري طبعا تلعبي ملاهي تنطي تعملي اللي تبغيه
وانتي بنفسك حتلاحظي من بعد كم يوم انك جدا عادي بتمشي و بتشيلي و بتجي وتروحي
لاتسمعي للناس اللي يهولوا من القيصرية
اهم شي تعتني بالجرح عشان مايجي التهاب لانه متعب جدا
لا تلعبي ولا تحطي زي ماكتير حريم بيقولو حطي مرة وحطي دا و حطي دا
ولا شي بس مسحة طبية من الصيدلية اشتريها وكل يوم امسحي لين تخلصي الاربعين
ولو كانت خياطتك كبس راح ترتاحي جدا مافي لا غرز ولابطيخ مجرد جرح عادي كأنه خدش
اول يومين حيكون اكلك سوائل وتبعدي عن الحليب والحاجات اللي بتجيب غازات لانها اكيد مؤلمة مع القيصرية
وبيكون كله سوائل عشان ماتحتاجي تروحي حمام
بعدها ابدي اكل خفيف
اشربي عصيرات وموية كتييير عشان ابدا مايجيك امساك
اصلا المفروض يعطوك تحميلة .. جدا غير مؤلمة .. بس تنظفلك بطنك عشان ماتتألمي اول يومين
وبعدها لازم تاكلي كويس عشان مايجيك دوخة لما تقومي
دا الكلام اول كم يوم
الحلو بالقيصرية التفاس خفيييف جدا وسهل ومريح
كلها كم يوم وبينقطع تقريبا من اول او تاني اسبوع وبترتاحي
05-16-2012, 07:36 AM
رد: حاموت من الزعل.. ضيق الحوض .. ووزن الجنين 2ونص
ورودي البيضاء 
جديد منتدى إستفسارات مرحلة الولادة
العرض الشجري
