تجمع لحوامل شهر جمادى الأولى 1433

[((ام ليان))]

السلام عليكم
لودي الف الف الف مبروووووووووك والحمدلله على سلامتك وسلامة مولودك ويتربى بعزكم يارب
يا بنات نسيت النوم والله يبكي بكى مو طبيعي ما ادري اش اسوي معه اخوانه وهم بعمرة نهائيا ما اسمع اصواتهم
الا اذا كانوا جوعانين
يقول زوجي انتي نسيتي لان صارلي فتره عن ازعاج الصغار الله يعين وعند بنتي حفل ختامي راح اتعب معه
محتارة وين اخليه

[خالة تميم]

تبون الصج انا كان همي انه اولد وانا مارحت الصالون هههههههههههه رحت اليوم من الخوف

[خالة تميم]

المشاركة الأصلية كتبت بواسطة ((ام ليان))

السلام عليكم
لودي الف الف الف مبروووووووووك والحمدلله على سلامتك وسلامة مولودك ويتربى بعزكم يارب
يا بنات نسيت النوم والله يبكي بكى مو طبيعي ما ادري اش اسوي معه اخوانه وهم بعمرة نهائيا ما اسمع اصواتهم
الا اذا كانوا جوعانين
يقول زوجي انتي نسيتي لان صارلي فتره عن ازعاج الصغار الله يعين وعند بنتي حفل ختامي راح اتعب معه
محتارة وين اخليه

ام ليان جيبيه عندي هههههههههههه حبيبي حرام بنصحج لا تمسكينه وتشيليينه الي اذا تبين من قلب

قريت في كتاب انجليزي انه الطفل النيوبورن دايمن يبيج تشيلينه مثل اول مره لما تكونين مشتاقه له يبيج كل يوم مشتاقه له كيوت والله

[أم رزاان]

مساء البركات وكل الخيرات :)

مبرووووووووووووووك لودي
وحمداً لله على سلامتك يابعدهم :)
هااه كيف الولادة إن شاء الله كانت سهلة ؟ :)


يالله ياكروشات هاااانت وترى الولادة سهلة ولا تتخيليها غير كذا !! :)

[white sugar]

سلام يا امورات
ها بشروا مين فكت بقشتها. ..
اليوم بكتبلكم قصة ولادتي بحبيب قلبي فراس :-)

طبعا اللي يعرفني من اول كنت ازن ابى اولد زي حكايتكم وكنت اروح واجي للدكتورة عشان تولدني بس ما كانت راضية ، بس لما سويتلها افلام هندية وشافت نفسيتي تعبانة حزنت عليا واعطتني موعد على يوم الخميس 12/4 بالاجنبي واللي هوا 20/5 بالعربي
المهم
بعد ما رجعت من عندها قلت خليني اسحب عليها وما اروح واستنى اخلص شهري زي باقي الكراريش. .
بس انا اللي طفشني انو الرحم كان فاتح 3 والسدادة نزلت ولا جاني طلق ، قلت يا بت كدا ولا كدا وقت الولادة حتاخدي الطلق الصناعي حتاخديه سواء بموعد او بدون. .
فمن بدايتها ريحي راسك وروحي عشان تولدي وتخلصي

يوم الاربعاء كلمت الدكتورة وسألتها قلتلها ازا فيها ضرر على البيبي بلاش منها وكمان اخاف انو اخد تحميلة الطلق وما يجيني طلق واطفش وانا استنى ، قالتلي اتوكلي على الله وتعالي انا لو شايفة انو في خطر عليكي ولا على البيبي ما حقلك تعالي
وغير كدا انا شفت نفسيتك تعبانة وما اباكي تجلسي اكتر يقوم يسير فيكي شي من الزعل. .

المهم ، جا الليل وكانو خالاتي سهرانين عندنا وما خرجو الا على 2 وعبال ما نومت ولدي. . وقمت اجهز نفسي واتحممت ووو
طار النوم خلاص ،
يوم الخميس ادن الفجر قمت صليت وقرأت قرآن واكلتلي رطب وشربت معاها كاسة لبن
وقمت صحيت زوجي عالساعة 6 ونص الصباح عشان يجهز ونروح عالموعد بس كالعادة لازم نتأخر

كلمت دكتورتي وانا في الطريق وقلتلها اني دحين جاية. . قالتلي روحي على قسم الطوارئ وقوليلهم عندي موعد ولادة
وهما يدخلوكي ويجهزوكي
ولما وصلت سويت اللي قالت عليه. . وطلعوني على قسم الولادة. ...

من هنا تبدا القصة خخخخخخخخ ( لاحظوا الين دحين ما بدأت القصة دا كلو مقدمة :-p )

بعد ما طلعنا قسم الولادة دخلوني اول شي على غرفة صغيرة حقت التخطيط. وانا اتشرط اقلهم لا مابى دي الغرفة ابى الغرفة الكبيرة ههههههه قالولي لما يفتح الرحم 4 ننقلك هناك
. واعطوني الروب حق المستشفى وقالولي ما البس غيره بس انا شاطرة جلست بالشراب هههههههههه شايفين الفتاكة بس
و جات الممرضة واعطتني الحقنة على قولهم عشان ادخل الحمام
والله عورتني مرة وعيوني دمعت من الالم. . مو من الحقنة من يدها. بلا فشكلها
وصرخت من الالم لانها جرحتني. ، حتى زوجي كان واقف ورى الستارة مسكين انفجع عليا
طبعا الاخت مسيحية وما تسمي لما تسوي شي. . والله هلكتني بيدها الدفشة حتى الابرة حقت المغذي ركبتها 3 مرات وكمان غلط ويدي ورمت. . وكل ما حطو محلول صرخت من الام
اللي ما خلاني اطلب غيرها انا كانت مرة طيبة معايا وحنونة

المهم ، جاتني الاخصائية عالساعة 9 ونص وكشفت عليا عشان تتأكد كم فاتح الرحم وتديني التحميلة
وقالت فاتح من 2 ونص الى 3 انا عيوني سارت كدا @@ قلتلها نعم. . انا اخر مرة شافتني الدكتورة قالتلي 3 قامت قالتلي يدي غير عن يدها
واعطتني التحميلة وقالت لما يجيكي الم ويتوسع ل 4 ننقلك على غرفة الولادة
ومن 10 الين 2 ما حسيت بولا شي بس فالوقت دا اخدتلي غفوة بس مو طويلة مع الازعاج وصراخ اللي في الغرف ما عرفت انام ، وجوزي وجهه يصير الوان كل ما سمع وحدة تصرخ ههههههه

عالساعة 2 ونص جات دكتورتي الله يسعدها وشيكت عليا قالتلي الرحم عندك قريب 4 سم اتغدي وبس تخلصي ننقلك للغرفة التانية
وعدلتلي التحميلة من هنا وبدأ الالم من هنا الحمدلله
بس محتمل. . ونقلوني للغرفة الكبيرة على قولتي خخخخخخ عالساعة 3 ونص
وطبعا عشان طلبت ابرة الضهر جاتني دكتورة التخدير ما شاء الله عليها يدها خفيفة ما عورتني كتير
اعطتني بنج موضعي مكان الابرة وبعدين حطتها وبدات احس بتنميل في رجولي
وبعدين ركبولي قسطرة للبول عشان طبعا ما حقدر اقوم الحمام
والطلق شغال ،واحلى شي اني مو حاسة بشي :-)
جات الساعة 4 ونص تقريبا
وكشفت عليا الدكتورة قالتلي 6 ماشاء الله فتح بسرعة. . وشالت مني التحميلة. وفتحت كيس الموية و خلتني على الطلق حقي
طبعا في الجهاز مبين انو في بس مع الابرة ما احس بالم الحمدلله ،لا وفوق دا جالسة اتصور مع زوجي ههههههههه واعطتني الدكتورة ابرة تدروخني عشان تباني انام شوية لاني مانمت من قبلها بيوم
بس انا فين والنوم فين. . انا اللي اخدت الابرة وزوجي اللي نام ههههههه
حتى بابا حبيبي قلقان عليا وجا المستشفى وقلتله ما حيدخلوك. . بس دكتورتي الله يرضى عليها لما شافته قالتله بتدور على مين وقلها على وايت قالتله هادي مريضتي ودخلته ، بس ما طول جا سلم علياواتطمن ومشي
عالساعة 5 ونص تقريبا جات الدكتورة تكشف لقته 7. ومن هنا بدا الاكشن :-d
كل ربع ساعة اشوف الدكتورة ناطة عندي ووجهها مو عاجبني
وتوقف عند بطني وتمسك الجهاز حق التخطيط حق البيبي وتعدله ، وتروح وتجي نفس الشي
اخر حاجة قالتلي انا ما ابى اقلقك ولا ابى اسويلك عملية بس نبض البيبي بيروح كل ما جات طلقة ويرجع ازا راحت
قالتلي حستنى عليكي كمان. . وسارت كل شوية تشيك عليا وتشوف كم فتح
جات 6 ونص الرحم فتح 8 الى 9. بس البيبي مافي تحسن ، ودا لكله على طلقي انا مو التحميلة
اخر حاجة قالتلي انا حكلم زوجك عشان اسويلك عملية ضروري لانو وضع البيبي ما يتحمل
وخرجت تدور عليه برى الا هوا دخل وجات لقته فوجهها قامت قالتله
وهوا مفجوع مسكين مرة ، بس انا ما كنت خايفة من شي لاني متوكلة على ربي
وواثقة من دكتورتي واكيد هيا ادرى ايش الاحسن

المهم. . عالساعة 7 قاست لقته 9 سم وقالت نصبر مابقي شي وان شاء الله تولدي طبيعي
بس قلبت رجلها من هنا نبض البيبي راح
وجات جري مسكينة حاولت تعدل في الجهاز وسارت تدعي وتقرا قرآن الين ما رجع صوت النبض في الجهاز
وعلى طول ودوني عمليات ، وانا بوجهي اقول لزوجي تعال وجيب الكاميرا معاك
وهوا يا قلبي عليه وجهه سار اصفر وماشي ورايا، ولما جا يدخل طردوه قالوله دي حالة طوارئ ممنوع تدخل
واحنا فغرفة العمليات جالسين يجهزوني والدكتورة مدخلة يدها توسع وتحاول تسحب البيبي
والغرفة اتزحمت ممرضات ودكتور الاطفال وحقت التخدير ودكتورة تانية والدنيا ربشة
وانا مدروخة من الابرة شايفتهم وحاسة بيهم بس مو مركزة

وفجأة ما اشوف غير الدكتورة تقلي ادفعي. . وانا ادفع بس طبعا مو حاسة وهيا تقلي خلاص وقفي
وكل ما حست بيدها انو في طلقة قالتلي ادفعي وانا ادفع
تخيلو هيا اللي ماسكة رجلي بيدها ويدها التانية بتوسع وبتسحب بيها البيبي عشان تساعده انو ينزل
ما استنت عليه ينزل لحاله. .
وعالساعة 7:45. طلع حبيبي فروسة بفضل الله ثم بفضل دكتورتي الله يعطيها العافية ولدته طبيعي
فغرفة العمليات
وجا صغنطوط حبيبي وزنه 2.700. اصغر من يويو
وهيا بتنضفلي ورتني المشيمة والكيس حق الموية. . وجلست تخيط
بس في شغلة انا ماني فاهمتها ، وهيا بتخيط ورتي وصلة لحة صغيرة قصتها وخيطت
طبعا الخياطة من جوا ومن برى انا طلبتها تجميلية
وهيا قالتلي رجعتك عروسة
هل قصدها سوتللي تضييق ولا كيف انا ماسألتها لاني ما كنت فايقة
وان شاء الله عالسبت مو دا التاني موعدي معاها وبسألها

وبس سلامتكم هادي قصة ولادتي ، خلي معاناتي بعدها فيوم تاني لاني تعبت وانا اكتب

[بوح التفائل]

عيون 11_5 تدخلي التاسع صح

الله يسهلك ويسهل لكل حامل بالتجمع الولاده السهله

[بوح التفائل]

الحمدلله ع سلامتك وسلامة فروس
حبيت انبهك انتي كاتبه بفضل الله وفضل الدكتوره وهذا غلط
المفروض ياقلبي تكتبي بفضل الله ثم فضل الدكتوره😊😊☺

[Jordan Lily]

صامدون صامدون
يا رب تسهل مو مهم التأخير
المهم السلامة ان شاء الله....

[عيون حبيبي]

صامدون صامدون ههههههههههههه

رحت المستشفى وقالت ليا فاتح 1 ونص قالت تنويم قلت لا

[المخملية]

واايت ... ياحلو قصتك
حبيت ابرة الظهر بس اخااف منها خالتي استخدمتها ببكرها بكرها اكبر مني بسنة والي يومك دا تعاني منها
الحمدلله علي سلامتك وسلامة فروسي حبيبي
بوسيه ليا ..

عيوون حبيبي ... يلا شدي حيلك عشان تولدي قبل يخلص الشهر

ليا ساعة وعليها من رجعت للبيت
طبعا انا ماكنت ناوية الروحة لان ماما رايحة للمستشفي فقلت راح تطول بين كشف واشعه وتحاليل خليني في البيت
بس بابا اصر اني اروح
المهم رحت ومن بعد العصر مباشرةً الين بعد العشاء وانا في غرفة الانتظار مع اخواتي
دخلت ماما علي الدكتور وبعدين قعدت رايحه جايه للمختبر
تعبت وطفشت من القعدة
حتي صرت امشي في الانتظار وبعد المغرب طحت علي مكان الكافتريا واجلس فيها
شي كروسون وشي عصير وشي ايسكريم ووشي بسكوت وشي حلاوة
قلت لاخواتي يلا برا
قاعدين بس نتفقد ايش فيه ونبلع
المهم خلصناا وخرجت علي اساس بنروح الممشى
الا ماما تقول ابغي اخذ هدية لاختي من السوق واختي قالت ابغي انا كمان حاجة
قال بابا ومخملية انا جايبها تمشي قلت امشي بسوق ولا ممشي
فيها سوق واقول لا ههه
المهم نزلت السوق مااحس اني مشيت مرررة لاني فتحت فمي للبس من زمان عن الفساتين والتنانير الرشيقه
اشتقت لها
حتي دخلت محل اتفرج نط بوجهي الرجال قال فيه تشكيلة جديدة للحوامل قلت يرحم امك ابغي اولد وانت تقول لبس حوامل
خرجت من السوق بخواتم اعجبتني وبكلات للنونو
حتي لما وريت ماما واخواتي البكلات طابعو فيا بنص عين هههههه

بس ااااخ يارجووولي واااخ ياظهري
الجلسة متعبة صراحة

بسكوووتة مالها حس ..