شورو علي اوقف الحبوب واحمل والا لا

[اميرة ليفربول]

شوفي ياعسل مادام ماشالله عندك شغاله وصحتك جيده احملي ليه لا وربي يوفقك ويرزقك ويساعدك علا تربيتهم

[أإأم ع‘ـــزُوـوزُ]

اختي ولدي كمل سنه واربع شهور وزوجي يبغاني احمل وانا ما ابغى عشان اشوف ولدي لسى صغير

انتي بنتك 5 شهور على الاقل خليها تكمل سنه

والله يكتب لك الولد انتي ادعي واستغفري واللي يجي من ربي كله رزق وخير ...

[أم البنين]

شوفي أختي أنا من تجربتي أنصحك تحملين لأني جبت أول أطفالي وجلست خمس سنوات والثاني أربع سنوات والثالث خمس سنوات وجبت بنت وماتت وصار لي أنفجار في الرحم لولا لطف الله كان فقدت رحمي لاكن الله لطف بحالي وكمان جاني سكر الحمل عشان كذا أقولك أحملي وأنتي لسى بصحتك وعافيتك سبحان الله ما أحد يضمن المرض أو أي شيء لا قدر الله
توكلي على الله وأحملي وأترسي البيت عيال ما عليك من اللي يقول أنتظري مع احترامي لهم كانو أمهاتنا زمان كل سنه وهي حامل هههههههههه
ونصيحتي لك أتركي تكهنات الكفار لتسلمي في دينك وعيالك ...
معليش على الايطاله والله يرزقك ويرزقني وكل من يريد الذرية الصالحة السليمة المعافاة

[ماروكوو]

ام البنين كلامك عيين العقل

انا بعد ماطلعت من الربعين وعلى على اول دوره اخذت منشطات عشان احمل وربي ماكتب لي الحمل واخذت ع الشهر الثاني وكمان ربي ماكتب لي الحمل وامس جاتني الدوره وافكر اخذ منشط اخير ولو ماحملت براجع عند الطبيبه واشوف ايش السبب

من كثر ماسمعت عن قصص الحريم بأنهم ماحملو بعد الاول جاني خوووف وابي احمل باي طريقه وادعوولي

انصحك بالحمل الاطفال حلوووين يكبرون معك

[nwarah]

مشكورين يا جماعه
ام البنين كلامك اقنعني جدااا
الله يكتبلنا اللي فيه الخير

[lody]

حبيبي احملي تربينهم اثنين سوا ترتاحي ،، بس لازم تحطين في بالك انو ممكن تجيبين بنت عشان ما تنصدمين ..

[ام ديالأ]

انا بنتي عمرها سنه والحين انا في التاسع قلت اجيب2 يلعبون مع بعض واربيهم سوا وبرتاح من الحمل لو4سنين ومااحس اني كل يوم مع هم من حمل وطفل صغير والله ماحسيت بحملي الثاني الشهور مشت بسرعه وأنا ملتلهيه مع بنتي ماصدقت اني في التاسع الله يقومني بسلامه انا وجنيني

[الدرة المصونة]

اذا ودك تحملين هذا الشي راجع لك انت وزجك تتفقون

بس انا من رايي البنت توها صغيرة

والخدم ماينضمنون مهما كانت طيبتهم

بالنسبه للجدول الصيني

انا كل شوي يطلع لي ان بجيب ولد
وهذا انا يوم ولدت جبت بنت

الحمدالله اهم شي الخلقة ويكون كامل
عاد انا نفسي فالبنت والحمدالله ربي رزقني بها
وهالجدول وترني
ترها نصب وصدفه يكون صح

[ابي بنوته خدودها مليانه]

ويه من يبي الحمل والنكد ارتاحي لك شوي
خلي بنتك تكبر شوي وتمشي بعدين احملي كيف بيكون فيك شده
تشيلين بنتك وانتي حامل وتعبانه
انا عن نفسي لاتمم ولدي ثلاث سنين طلعت اللولب وبجلس ع مانع ومتى ماكان عندي استعداد
حملت لروحك عليك حق ترتاحين شوي هو الحمل وراك وراك ارتاحي نفسيا وجسديا بعدين احملي

[ح ـسسآيف]

الله يسهل لك يارب
هم حلو تجيبين اثنين ورى بعض ويكبرون ويتعلمون ويلعبون سوا وماتحسين فيهم
الله يكتب لك الصالح سواء ولد ولا بنت
على فكرة انا لما كنت اخذ حبوب منع الحمل سوت لي مناعة لمدة سنة وغيري تترك المانع من هنا تحمل من هنا