تجمع حوامل ليبيا

[ميرنا]

راجية فرج ربها عنك ما اتغيبى و ماشالله عليك وربى يجبر خاطرك ويفرحك ويهنيك

[ميرنا]

ام اسيل انا الشهر هذا خليتها هكى ما خذيت شى كبدى ذبت من ها لفصوص والابر وها لاعشاب انشالله ناخذهم الشهر الجاى قالت لى الدكتورة نبداء امعك فى الابر وقعدت حقل تجارب والله يام اسيل باهى لى راجالك اقتنع وصدق فى السائل خروج عملية صعبة انا عندما مشيت لدكتور محمد المحيشى قلى توة نبى سائل راجلك وعندما قالتها له طار فى سماء ربه وقعدت امصبية قدام الحمام كيف الحارس خايف وحد ايخش عليه وتم مرة يعطينى الجاك ومرة يمدلى السروال واخر شى قالى خشى امعى وما نحكيلك العرق ايوج وهو ايعرك والله ما عليهم لوم موقف بايخ بكل

[ميرنا]

حبل الوصل يااااااااااااااااااااااااااااااااااااااااااااااااا اارب انشالله حامل

[امنيات]

يارب انشالله ربي يفرج عليكن ويعطيكم كل مافي بالكم ويسخر لكم ازواجكم ويهدي بالكم غير كثروا من الاستغفار والصلاة علي النبي في كل وقت

[صابرة]

تأخرت عليكم بنات

اول شي نرحب ب اميسروراجية فرج ربها وامنيات بالتجمع وربي يوفقكم في حياتكم ويطمن بالكم
وكيف حالك يا حبل الوصل وام اسيل وميرنا و الهندية وعيون زوجي"طبعا زوجك انت مش زوجي"

يابناااااااااااااااااااااااااااااااااااااااااااااا ااااااااااااااات قاعدة حامل والولد مايبيش ينزل وشكله مطول مستريح اخر راحة ....ليا 9 ايام في العاشر
ادعولي

[ام اسيل]

حبل الوصل امبدري طولتي ماردتيش قلت شكلها مش فاضية تدير في الغداء يا اوخيتي انا نخش الصيدلية اية نوعية تحليل حمل ناخذا وبالنصيب

(مشكورة عا الاهتمام) وين عاالرسميات اليوم نحنا خوات ياهبلة حسستيني اني نكلم في ولية امر في المدرسة ههههههههههه شكله الوحم بادي فيك

[ام اسيل]

ميرنا

ان شاء الله ربي ينولك ما في بالك وما يشمت فيك حد وتشوفي عويلتك يلعبو قدامك يارب العالمين وفكري في الزرع واستفيدي انت من الفلوس خير ما تجي وحدة ثانية تستفيد

[ام اسيل]

تزوجي ليبي واربحي: يبسة الكبيدة , ما يتفكرك حتى بوريدة ,يبيك تخدميه زي العبيدة ,لاسفرة ولارحلة وخوذي الجميل كان طلعك زريدة , وبعد ما تكبري الصغار ياخذ عليك قريدة

[اميسر]

اول شي نرحب ب اميسروراجية فرج ربها وامنيات بالتجمع وربي يوفقكم في حياتكم ويطمن بالكم

رحب بيك يا صابره وطول عمرك من غير شقاء

يا صابره جربي خلي راجلك ايجيبلك لحم جمل وسوي بيه غذاء بكره وكوليه

اصلا العزايز ايقولن كان الوحده واكله لحم جمل في اول حملها ما اتجيبش لين تاكله


مرات واكلته في مناسبه من غير ما تفطني ومرات اصلا ايحطو فيه مع اللحم في البوريك يعني مرات واكلته مع الموالح
وتوا نسالك اخري


انا ما نبيش انخوفك بس راهو مش كويس على البيبي وحتى خشي عالنت وشوفي

وربي انشاله اينوضك بالسلامه انتي واللي في بطنك

[حبل الوصل]

المشاركة الأصلية كتبت بواسطة ام اسيل

حبل الوصل امبدري طولتي ماردتيش قلت شكلها مش فاضية تدير في الغداء يا اوخيتي انا نخش الصيدلية اية نوعية تحليل حمل ناخذا وبالنصيب

(مشكورة عا الاهتمام) وين عاالرسميات اليوم نحنا خوات ياهبلة حسستيني اني نكلم في ولية امر في المدرسة ههههههههههه شكله الوحم بادي فيك

صدقتى واعز من خوات معليش شكله حق وحم