تجمع حوامل ليبيا

[اميسر]

عندي سؤال يا ام اسيل

هي شافت البويضات واحجام البويضات كيف عرفته

يعني هل عملت لكي سونار على البطن

ام يوجد فحص اخر يوضح حجم البويضات ياريت تشرحيلي النقطه هذه

[ام اسيل]

اميسر يعني انت ما عندكش عيال بكل؟وكم لك سنة متزوجة ؟ والبويضات تشوفهن بجهاز الالترا ساوند المهبلي يعني من تحت وهو مش صعب واجد وكانك تبي تحملي عدي للدكتورة حكمت بوقرين والله شاطرة بكل

[ام اسيل]

حبل الوصل وينك مش باينة وشن صار عندك طمنيني عليك

[اميسر]

وين العياده الي تمسك فيها حكمت بوقرين
يا ام اسيل

توا نرجع نحكيلك قصتي بالتفصيل

[ميرنا]

قالولي بنية وانا خاطري في وليد لكن الحمدالله لك يارب

آمنيات

يااهلا وسهلا و مرحبتين بيك نحن معك وكيف اخواتك وانشالله ربى يتمم حملك على خير وتجيبى بسلامة

اما بنسبة للبنات ولاولاد انا حلمتلك انك فى يدك 8 محارم ونقولك يامنيات هذين لك قلتى لى صقع عليك جابهن لى راجلى من شارع دبى
هههههههههههه بيش دوريى من يفسرلك الحلم

[ميرنا]

اعيون راجلها وينكم ياعرب المانيا لاحس ولا خبر وايش اخبار ابنيتك وايش اخبار الحمل وين طب احكينا على اخر مراجعة درتيها وايش قالتلك الدكتورة بيش نعرفوا نفس المراجعة عندنا ولا تختلف وشافت الدكتورة البيبى بالسونار ولا ممنوع لانه فى ابريطانيا مرتين فقط طول الحمل وربى يهنيك ويسعدك يالغالى

[ميرنا]

ام اسيل
ماشالله صلاة على النبى نتيجة روعة بكل توة عرفتى طريقة التبويض امتعك كيف يبقى اكويس بس انا انقولك انتى اول مرة اتجربيى الطريقة هذه فى تكبير التبويض لهذا الشهر هذا خليه شور راجلك هو لى يحطه السائل بس عندما اتخشى افراشك فراغى المثانة وارقدى لصبح بدون ما تخشى للحمام وانشالله ربى يجبر با خاطرك ابتوم وذا كان ماصار شى لا قدر الله الدكتورة عرفتها وطريقة علاجك عرفتيها اتعديلها الشهر الاخر وانشالله ماعد تمشيلها الابورقة التحليل الحمل

[ميرنا]

اميسر انشالله ربي يسعدك ويجبر خاطرك ويفرحك ابعرم عويل وانتى البيان فيك بنت حلال وطيبة وقلبك ابيض ومعندكش نية شينة لى صير فيك هذا كلها وقاعده صابره وفوق من هذا كله أدورى فى حاجة اتفرحى بها راجلك ما شالله عليك وربى ايكثر من امثالك ننقنك عشرة

[ميرنا]

حبل الوصل
ايش اخبارك اليوم بشرينا خلينا نفرحو لنا زمان ما فرحنا *

[ميرنا]

حبل الوصل انتى واخذ دورة كمبيوتر ورينى كيف انحط التوقيع بالصورة زيك انا الكمبيوتر مانعرف عليه شى وما عمرى قريت حتى فى المدرسة خش عليه بالخبرة فى الحوش انتعلم ابروحى