معًا ... لنتفادى فشل محاولات ثبات الاجنه ؟؟!!

[غاااليه]

السلام عليكم ورحمة الله وبركاته

للي فشلت في عمل طفل الانابيب ،،، والحقن المجهري ...
كم مره فشلت المحاوله ... وشو برايج كانت الاسباااااب

ممكن تكتبون لنا كل تفاصيل حياتكم خلال الاسبوعين اللي حدده الدكتور ...( الاشياء اللي تاكلونها ،، الحركه ،، النشاطات ....الخ )

عشان اي وحده تقره الكلام .. تعرف شو الاشياء اللي تسويها بعد ترجيع الاجنه ,,, او تقعد اتقارن بين الاشياء اللي كانت تسويها والاشياء اللي انتوا تكتبونها ... بكــذا يمكن بين الاسطر راح تتوضح وايد اشياء يمكن الوحده تكون غافله عنها ...
فتتفاداها المره اليايه ،،،،

ويكون النجاح المررررره اليايه ^____^

اتمنى الكل يشارك ،،، وان شاء الله تكونون فهمتوا اللي اقصده ...

والله يوفق الجميع ..



تحياتي ،،،

اختكم ..
غاليــه

[فديت قلبه]

موضوع حلو

اتمنى كل اللي عندهم تجارب سواء نجحت او فشلت يقولون لنا شنو كانو يسووون

عشان نستفيد من تجاربهم

[كلي رجى]

موضوع رائع واليت البنات يفيدونا .....أنا مسوية حقن مجهري وفحصي يوم الخميس الياي انشالله اطلع حامل ادعولي بنات..... أنا خائفة لأني بعد ثالث يوم من الترجيع يأني احتقان وصارت الكحة عندي فضيعه أخاف الاجنه كاثبات بسببها والين الحين معاي كحه بس خفت وخذيت عسل وزنجبيل وأخاف انه العسل والزنجبيل ياثر .... المهم أنا الحين وقفت العسل ووقفت كل شي وانتظر فحصي ،،،، دعواتكم لي وانتظر أقرى خبراتكم *

[تـوووجي]

أهلين صبايا انا سويت التلقيح 3 مرات وكل مرة يستمر تقريبا ثلاثة اسابيع مو اكثر بس لأني كثيرة الحركة يعني اصلا مااجلس ولاأخذ راحتي امي دائما تقول لي ارتاحي لا تتحركي بس انا الله يهديني ما أسمع الكلام والبعض يقول لي انو انا أجي من الرياض للشرقية طيران ويقولو هذا سبب ثاني بس أعرف وحدة من صديقاتي سوت تلقيح بس ضلت مستلقية على ظهرها ورافعه رجايلها تقريبا للتحليل وهي اصلا ماتتحرك كله نايمه على ظهرها والحمد لله الحين عندها ولدين مثل القمر

[امل القحطاني]

هلا حبيباتي ..انا سويت الحقن المجهري (الانابيب) 3 مرات المره الاولى نجحت الحمد لله بس اجهضت بالشهر الخامس وبالنسبه للاجنه عادي بعد مارجعوها .. ماكنت اكل تمر ولاعسل ولاسمن ولاقرفه ولازنجبيل ولا اي شي محرض للرحم .....واشرب حليب بشكل مكثف كوبين ثلاثه باليوم
اما المره الثانيه : مانجحت واتوقع ان السبب كان فيه جماع قبل يوم التحليل بيوم والله اعلم
المره الثالثه انا اللحين بعد ترجيع الاجنه بعشر ايام وماتحركت كثير بس اطلع بالسياره لاني اروح المستشفى اخذ ابر مثبته كل ثلاثه ايام مع ان االدكتور اللي سواها لي يقول حطينا ليزر لاصق الاجنه بس وش هالليزر لاتساالوني مدري عنه
واليوم نزل علي نقطة دم والله نفسيتي زفت لكن الحمد لله على كل حال بنتظر ليوم الخميس واشوف اذا مانزلت الدوره سويت تحليل وبخبركم ان شاء الله

[غاااليه]

أختـي الفاضلة ،، فديت قلبــه

الله يرزقج بالذريــة الصـالحه ،، ويثبت حملج يارب ....
انتي شو كنتي تسوين ... وبرايج شو اللي اثــر عليج ؟؟؟؟
شو تتوقعين ..

ومشكوره ع الرد الطيــــب ^____^

.... ....


أختـي الفاضلة ،، كلي رجى

ان شاء الله تبشرينا بالاخبار الزينه .. والله يثبت حملج ...
للاسف اللي اعرفه ان العسل والزنجبيــل مب زيــن حق معظم الحوامـــل .. رغم ان بعض الدكاتره يقولون ان لا الاكل ولا الحركه لها علاقه بثبوت الاجنه ... وان الاجنه نثبت خلال الربــع ساعه من بعد الترجيــــع ..
ان شاء الله هالشي مـايكون اثر عليــج ..
كل شي بيـــد الله ...
قلبي معـــــاج ..
وطمنينا عليج ..

.... ....


أختـي الفاضلة ،، تـوووجي


الغـــاليه ... انتي عندج خبره حلوه ..
كنتي تقدرين تستفيدين من اللي صار لج ..
حاولي ...المره اليايه ما تتحركين الا للضروره ... دام هالشي يضرج ..
ولا تسافرين ... اطلبي من الوالده زيارتج .. لاتحاولين اتعرضين حياتج للخطـــر لمجرد شعورج انج اصبحتي لفتره اوكيه وقادره انج تمارسين حياتج الطبيعيه ..
لان الواحد يوم يسافر يقل الضغط بجسمه .. فانصحج اختي انج ماتسافرين ،، لان احتمال طبيعه جسمج ماتتحمل كثره الحركه و السفر ..
ياريت انج تتبعين هالنصايح المره اليايه ،،،

بغيت اسالج اختيه ،، هل كانت اتييج الام بالظهر أو البطن ..
شو الاعراض اللي كنتي تحسين فيها ؟؟
وهل بعد سبوعين خبرتج الدكتوره ان فيه حمل ... والسبوع الثالث صار مافيه حمل ..
والسموحه اختي طولت عليج ^___^


.... ....


أختـي الفاضلة ،، امل القحطاني


ممممم عيبني كلامج وايد ،،، واللي عيبني اكثر حرصج على اتباع كل التعليمات ^_^ ان شاء الله يثبت هالحمل وتبشرينا بالخبر الحلووووووو ....

اليوم الخميس ونتريا الاخبار الطيبه ^_____^

وان شاء الله ماتقطعينــا يالغاليه،، عشان نستفيد من تجاربج ونصايحج ..

تحياتــي لسموكــ ،،


.......................



خواتي العزيـــزات ،،،


فديت قلبه ،،،، كلي رجى ،،،، توجـــي ،،،، امل القحطـــاني ....


مشكورين فديتكــن ع المشاركه في صفحتي المتواضعه ،،، واتمني انكن ماتحرمونــا من تواجدكـن،، وترك بصماتكمـن هنـــا ...

فــــهناك الكثير من لنساء بحاجه ماسه للحديث في هذه الامور والمواضيع ..

الله يرزقكـــن و ايــانـا بالذريه الصالـــحه ..



تحياتــــــــي
اختكم ،،
غاااليه

[غاااليه]

المشاركة الأصلية كتبت بواسطة امل القحطاني

االدكتور اللي سواها لي يقول حطينا ليزر لاصق الاجنه بس وش هالليزر لاتساالوني مدري عنه

^___^ اتوقع ان الدكتور عمل شرخ بالرحم علشان يثبت الاجنــه ،،

برايي هذي احسن طريقه .. المفروض من البدايه الدكاتره يسوون شرخ بالرحم ... بدال مايتعبون الحريمات ^____^
اتمني ان فلسفتي تكون صحيحه خخخخخخ

والله المستعان ...


والسموحه ..
اختكم غااااليه

[غلا ابراهيم]

انآ مآ سويت بس حبيت ادعي لكم الله يرزق الجميع الذريه الصالحه المعآفآهـ بأذن الوآاحد الاحد الفرد الصمد

[نوني المنصوري]

السلام عليكم .. انا سويت قبل 4 شهو رترجيع و فشلت معاي ..
والحين بإذن الله بسوي بعد كم يوم بس ينتابني خوف :(

ادعولي بليز

[نوني المنصوري]

الاخطاء الي صارت وياي اني ما خذت حبوب تحت اللسان اذا تعرفونها (الصبح حبه تحت اللسان و الظهر تحت اللسان لكن فليل قبل الرقاد من تحت نفس التحميله) هالحبه وصفوها لي بس ما خذتها انا فهمت غلط لانه ويا هالحبوب حبوب بنيه كاننوا يقولون لي لا تاخذين الحبوب البنيه بس البيضا وانا فهمت انه ما استخدم هالحبوب !! بس كنت اخذ الفيتامينات و الابره الي تسيل الدم يوميا ف البطن
بعد 12 يوم سويت تحليل دم قالوللي عيديي التحليل بعد كم يوم وانتضرت والصراحه ما منعوني من اي اكل كنت اكل اي شي فخاطري و بس كنت مرتاحه ما اتحرك وايد .. بخصوص الحبوب الي تحت اللسان صار نقاش حار وياهم انه انتوا ما فهمتوني عدل ومب غلطيه لانه طلع مافي حمل انقهرت و تموا يسالوني عن الادويه قالولي الحبه تحت اللسان وايد مهمه ..

نفسيتي تعبت فتره بس عقبها قلت الحمدالله ع كل حال :)

انا الحين بعد 4 شهور بسويها بإذن الله دخييييييييلكم ادعولي انا اتريا العيال صارلي 10 سنين

قبل حملت ب ابر منشطه مرتين بس ما ثبت !! ما يدرون ليش يقولون كل شي اوكى

الحين جربت الانابيب .. وفالنهايه قضاء وقدر والله ويانا ..


الله ايسر على كل وحده تبا الضنا و ان شاء الله اتواصل وياكم انا توني يديده و بلييز لا تبخلون عليه ب معلوماتكم

ربي ايسر امووركم ..