تجمع لحوامل شهر جمادى الأولى 1433

[أم رزاان]

مساك رضى h&h

كلامك صحيح
والمشكله تراها بتمتد إلى مابعد الحمل !
سواء عليك او على الجنين !!

زمااااان كنت اهمل الحديد والكالسيوم في حملي
كنت اخذة صح بس مو مداومة عليه اخذة يوم وعشرة لا
ولما ولدت وكبرت بنتي وطلعت لها اسنان
اقسم بالله من اول ماطلعت اسنانها وهي مسوسة !
وسالت الدكتور قال هذا نتيجة عم كفاية الكالسيوم والحديد لما كنت حامل !!

و ماراح السوس إلا بعد ماقلعت اسنانها اللبنية
وظهرت لها الأسنان الدائمة !

احنا مشكلة نستهين في اشياء مهمة وعواقبها تكون على المدى الطويل
ونفكر أن المسألة سهلة وتعدي !!

[H&H]

هنا المشكلة انا اللي خلاني اهمل نفسي
ماني ملاحظة اي شي ماشاء الله احس نفسي تمام
اللهم آلام الحوض واقول عادي الكل يشتكي
لكن لما عرفت انه اللآم العظام والأسنان تبدأ من الشهر الثامن
وتستمر لبعد الولادة هنا خفت ،خاصة انه عظام وعضلات جسمي
ضعيييفة ..



ومعلومة عرفتها جديد نقص فيتامين د عند الأم يسبب تشنجات للطفل
بعد الولادة
وفايتمن د موجود مع الكالسيوم تأكدوا من علبة الدوا
حصلت لوحدة من الزميلات ما اخدت الفيتامينات وفي الثامن كانت تحس
زي الكهرباء في عمودها الفقري راجعت عند دكتورة قالتلها نقص فيتامينات
كتبتلها دواء وما اخدتوا لما ولدت لاحظت تشنجات عند ولدها خافت يكون
مرض وراثي او صرع وبعد الكشف عند اكثر من دكتور اطفال طلع عنده
نقص في فايتمن د واتعالج والحمدلله عمره الحين سنة ومافيه الا العافية
باذن الله ..
*

[..ام بدر..]

مرررحبـــــــا بنـــــــــــات

أنا كمان الدكتوره قالت لي اخذ عصير البرتقال مع حبوب الحديد ومثل ماقلتو يكون بينهم فتره اقل شي 4 ساعات.....وانا احاول قد ما اقدر ما اتركهم او انساهم لانو انا صحتي شوي ضعيفه فاكيد لا حديد ولا كالسيوم كويس غير انو غذائي ابدا ابدا مو صحي فصرت اخذ الاوميغا ثري وبديت فيه من اليوم


...بس بنات لي يومين نفسيتي زفت وبس ابكي لانو طلع لي تشققات ببطني استغرب انو طلعت لي بدري ووبولدي ماطلعت لي الا بالتاسع وانا مرره مهتمه في بطني وادهنه نفس حملي الاول وعلى كذا طلعت لي بلييييز اش اسوي عشان تخف..مرره نفسيتي تعبانه وصاسره كل شوي ابكي


كمان فيه شي انا وزوجي مستغربينه فجأه بطني صغررر بشكل واااضح وملحووظ مدري ليش انكمش؟؟

مع انو الحركه الحمدلله كويسه....بس الله يكرمكم عندي افرازات كثيره هالشي الووحيد اللي لاحظته....تتوقعون فيه شي يخوف انا مراجعتي بعد 3 اسابيع

[همسات قلبي]

ام بدر

ان شاءالله مافي شي
ويارب اي وحده من البطوطات تفيدك


بنات تصدقو بعد كلامكم بلعت كالسيوم جلست شوي ورجعت
أنا تعبت من الترجيع غير انه حلقي انجرح وصار اطلع دم
غير أني تعبانه احس الحبوب تتعبني

[أم رزاان]

أم بدر ياقلبي
سلامتك وبعيد الشر عنك
حتى أنا والله حسيت طلعت تشققات خفيفة فوق السرة
وبطني مرررة مشدود في هالمنطقة !

أنت لا تتعبي نفسيتك يالغاليه
ايش نسوووي شيء مو بيدنا !!

وبالنسبة للأفرازات طبيعية وكلنا عندنا بس مو كثيرة !!
ياريت تروحي للدكتورة تستشيريها احسن
وخصوصاً إنك تقولي بطنك صغر !!!
عشان تتاكدي انها مو من موية الجنين .. ربي لا يقووووله

وأمانة طمنينا عنك

[قمر .]

صبااااااااح الخير
ام رزاان المعده جااايز حراره داخليه
من آآكل شي على طوول ينقلب مر وحراره سواء الاكل حلو او مالح
جد خوفتوني المشكله اناا من الصبااح اروح بيت اهلي وما ارجع الا المغرب وانسى احط الدواء اصلا في الشنطه ..اليووم موعدي عند الدكتوره بس شكلي صااار يروع اصفر ع سوواد علما اني بيضه بس كيف انقلب كذا الكل لاحظ اني صفراااانه حيل انا احاااول اكل كويس هاليومين والله يستر على عبوودي من جد انا ما اصلح احد يتغذى مني انا وكلت امري الى ربي ...ياارب احفظه واحميه ...
ام بدر ماتري مكروووه ان شاء الله .. والله ماعندي فكره .. الله يحمي جنينك

[أم رزاان]

همسات أنت عامله زي اختي
اول ماتاخذ الحبوب تستفرغ على طول

وراحت للدكتورة وغيرتها لها والحمد لله بطل منها الإستفراغ
روحي لطبيبتك وقولي لها تغيرها لك لا تسكتي على هالوضع !!

[قمر .]

المشكله انا كمااااان كذا استفرغ واتعب قبلهااااا واحيانا اضل لايعه كبدي مثلا لو اخذهاا الصباح تلووع الى المغرب وارجعهاااا حتى استغرب ليش مانهضمت
واذا رحت الى المستشفى تقوول ليش ماقلتي تتحسسي منه وتعطني واحد ثاني ومافي فايده
امي فالت انتي مثلي ما استحمل اي دواء والحمدالله اجيبكم مافيكم شي

[أم رزاان]

الأجسام سبحان الله تختلف !
ويختلف درجة تقبلها للأدوية

بالنسبة للحرقة قمر خوووذي شراب الحموضة قبل الاكل بربع ساعة
جداً ممتاز واحسن من حبوب المص
انا استخدمت حبوب المص وغيرتها لي الدكتورة للشراب مفعوولة فوووري
مررره مريح للمعدة

[أم رزاان]

بنات أنا اليوم من صحيت من النوم وعندي الم فظيع
أسفل البطن
ألم مو مغص !!!
لدرجة أني ما اقدر ارفع ظهري
كان يجيني هالالم لما كنت في الرابع وبداية الخامس
يجلس معي نص ساعة ويخف ..!

جداً متعب !!