تجمع حوامل ليبيا

[ام قصى محمد]

مرحبتين ام نوزه الف مبروك عيدكم وانشاء الله ربى ما يفرق بينكم ويديم المحبه عليكم
ومبروك الجهاز الجديد الله يهنيك

[saly.me.91]

اهلين ام قصي ومبروك عيد زواجكم ومبروووووووووووك الموبايل ربي يحفظلك زوجك

[saly.me.91]

ام قصي انتي حامل صح؟؟؟وكانك حامل باي شهر.. وبنسالك انا حاطة اللابتوب ع بطني..ياهل ترا مش كويس؟؟؟؟

[ام قصى محمد]

حبيبتى سالى
لا ما تحطيش اللاب على بطنك لانه يصدر فى حراره عاليه حرام توا تسلقى البيبيات الى ببطنك ههههههههههههههههه حطيه على حاجه انا حاطته على طاوله ولما نشتغل عليه فى السرير نحط فى طرف هو رف دولاب محولته ونستخدم فيه للاب صغير زى حجمه
انا مش حامل انشاء الله نقول الشهر هذا نحمل انشاء الله
انا عندى بنتين ونسال الله يرزقنى الولد معاهم
عيد الزواج لام نوزه مش بتاعى

[عيون زوجي]

السلام عليكم ورحمة الله
مشكورات احبيبات وغاليات كلكم
وجمعه مباركة وماتنسوش سورة الكهف
متفائله ياودي ما عندي ما انقولك الا انك منورة وماشاءالله اعليك وربي يكمل اعليك بوليد يفرح قلبك ويريح بالك يارب
ميمونه صباح الحلويات يا حلويااااااااااااات
تمورة جمعتك مباركة وايامك زينه وعقبال ما تجيبي ولاد وبنات هاديين زي الماليزيين ههههههههههههههه امين يارب
ام ناريز...مبروك الموبايل وربي يباركلك في راجلك وبنيتك ويونسك بيهم ويطول في اعماركم ويدوم محبتكم يارب وتسلك ادياتك نبوا منك زوز صور صورة عزومتك المرة يلي فاتت وصورة عشاك الليله
يقين...وين امغطسه يا عسل كيف حالك وحال فروتي وشنو قالتلك الدكتورة
ام قصي....كيف حالك يا غاليه وحال البنات اليوم في حوش العزوزة ةالا حوش امك ولا في حوشك اختاري ههههههه
ام روفيدة..جمعتك مباركة احكيلنا وين تمشوا في عطله نهايه الاسبوع وبصراحة ايهم احلى حياتك في بريطانيا ولا ليبيا
المحل نعرفها يلي قلتيلي عليه موجود في منطقة اسمها بادقودسبيرق واسعاره معقوله جدا في كل شي ولهذا 90% من زباينها العرب والاتراك لانه موش مغالي فيه وصح فيه مجله اسبوعيه تنزل قبل نهايه الاسبوع فيها كل البضايع يلي فيها تخفيض قبل ما تنزل البضاعه بيوم نمشي نجيبها ونأشر شنو يعجبني مرات حاجات حلوة ومرات حاجات ما تهمنيش وتاني يوم في التخفيض نطلع نشري
ايه...كيف حال اسيل اليوم وماننسوش نسئلوا عن ايوب
ام روفيدة...ولدك طهرتيه ولا مازال؟
ام وسونه.....كيف حالك ولينا هلبه ما تلاقيناش
مش رح نذكر الكل بالاسم بس كيف حالكم كلكم كلكم كلكم بلا زعل
راجلي وصل بعد صلاة الجمعه بنطلعوا معزومين عالغذي في وادي الربيع عيله اقاربنا سلااااااااااااااااااااام
نتلاقوا بعدين بأذن الله

[ام قصى محمد]

ام رويفيده والله فرحت لما شفتك كيف احوالك واحوال وليدك انشاء الله بخير
مشكوره على الفتوى والنصائح بارك الله فيك

[ام قصى محمد]

انا نستاذن منكم لانى راح ننزل انتغدى عند اهل زوجى
السلام عليكم

[saly.me.91]

عيون مادامك وصلتي ل وادي الربيع اخطمي عليا انا مش بعيدة عليك

[saly.me.91]

امالا انا خلووني انفض المنتدي واندير فيه حوسة فالحات غير اتهدرزو لعقابات الليل وتشربو فالشاهي واتمزمزو فالمكسرات والحلويات والاماعين امخليينهم ليا انا... عيب عليكم عيب اتتعبو في مراة حامل ...هذه اخرتها

[راية]

السلااااااااااااام عليكم
واخيـــــــــــــــرا كملت قريت الصفحات متع امس بس ....
ام ناريز ان شاءالله ربي يهنيكم ويسعدكم ويحفظكم لبعض ومبروك عليك الجهاز
يقوووووونة يسلمها ربي على الدعوات الحلوة وان شاءالله يارب يعطيك وليد زي العسل
تمووووووورة صحيتي يا حلوة على السؤال الحمدلله
ام قصي ربي يرزقك ان شاءالله بوخي لبنياتك

باقي البنات كلكم ان شاءالله اخباركم تمام

اني جوي اخي الدورة قريب تجيني يبدا مزاجي في اسوأ حالاته والحمدلله على كل حال