هنا تجمع حوامل الشهر (الاول والثاني والثالث)

ڜوڪﻠاٿھ ڼٱξـﻤـۂ · 12-13-2011, 04:58 AM

السلآم عليكم

كيفكم...؟؟ وكيف الحمل معآكم..؟؟

آنآ يوم آني دآخله الثآلث آحس بس ودي آكل وجيعآنه مرره

وآذآ آكلت آحس تفرغ معدتي بسرعه وخآصتن بالليل بس آعطش مويه وآجوع

وآنآ صآيره هالفتره آحب النعنآع مع مويه وسكر وبس

مين مثلي..؟؟
وش تفيدوني فيه وفيه آكلآت تتوقعون مآتخليني آجوع ولآلآ..؟؟

وربي حتى النوم مآ نآم خمس سآعآت وآقوم الله يستر بجد بديت آخآآف..:(

Miss YoYo · 12-13-2011, 05:36 AM

حبيبتي عادي
انا زيك كذا
اصحى من النوم تعبانه بس جوعانه اكل لي شغله وارجع انام
واصحى وفيني غثيان من الأكل والنوم ههههه
والله ماني عارفه وش اسوي
حطيت شيبسات وشكولاته عند راسي
عشان وقت الليل شي سريع كذا وارجع انام
فتره وتعدي ان شاء الله

ڜوڪﻠاٿھ ڼٱξـﻤـۂ · 12-13-2011, 06:04 AM

ربي يريحك ي عسسل بجد طمنتيني .,

آنآ مآدري ليش صآيره ممره خوآفه آي شي يجيني آحسه موطبيعي><<بكريه وش عرفني

غلآتي تعرفين تسوين شريط حمل فلآشي مومثل الي بتوقيعي لآ آلي مثل الي في توقيعك<<يعني البيبي يتحرك لآني دخلت بسوي لي وللآسف مآفهمت ولآشي:(

ام حماد · 12-13-2011, 11:56 AM

صباح الخير
ااشتقت لكم كثيييييييير

ظروف اختباراتي منعتني اتواصل معكم دعواتكم بالتوفيق والنجاح باعلى الدرجات

ممممدري وش اقول....بس عتبانه عليكم عتب محب... ليش ما احد فقدني ولا حتى سؤال صغنن

اختي شجون الشمري
الله يقومك بالسلامه واعذريني تأخرت عليك بالرد بس توي اليوم ادخل ع المنتدى...شوفي حبيبتي المفروض انك عند اهلك بهالفتره منشان يكون احد يهتم فيك وانتي تكونين مرتاحه مره بس برضه الحركه كويسه لك لانك سقطتي وانتي لسى في البدايه الرحم ماكبر ولافيه خياط يمنعك من الحركه لذلك حطي لك جدول اذا الدم باقي ماوقف معك مع انك المفروض بديتي به من اول يوم لكن اذا الدم ماخف ولاوقف اتبعي التالي ...
الصباح سوي لي قرص بر مثل المصابيب وهذي صورتها سويت لك واحد كبير وطريقتها كالتالي..
اعجني نص كاس بر مع ربع كاس ماء وذرة ملح حتى تكون العجينه لينه على ثقل شوي وصبيها على الصاج ..

وبعدها قطعيه قطع صغار وحطيه بزبديه وضعي عليه التالي..
ملعقة عسل كبيره الافضل يكون طبيعي وان ماحصل عسل الشفاء
ملعقة صغيره من كل..كمون مطحون،حبة سوداء بدون طحن،حلبة مطحونه
وملعقتين كبيره سمن بلدي..اوسمن فارم اللي يباع بالسوبر ماركت او اي زبده
وخمس حبات تمر مكنوز منزوع النواة
وافركيها كل هالمحتويات بالمصابيب حتى تتجانس
وكليها بالعافيه الفطور مهم جدا اهم وجبه بهالفتره مع حليب دافي والافضل حليب المراعي اطبخيه مع سكر وزنجبيل وحلبه مطحونه وكمون وحبة سوداء بمقادير متساويه وابتعدي عن حليب النيدو لانه يتفخ البطن ويسبب غازات
وجهزي بعلبه تمر مكنوز منزوع النواة مخلوط معه كمون وحبه سوداء وحلبه وكليه ثلاث مرات باليوم او مع القهوه اذا حبيتي

الغداء اختياري مرقوق او قرصان او مرقة لحم مهمه جدا لك او كلي اللي تحبين لكن ابتعدي عن البارد والغازيات والباميه والموز والبرتقال والجح والطماطم وعموما الخضار والفواكه اللزجه والحامضه وكثري من السلطات والحليب الدافي مع الخلطه اللي قلت لك
وتقدرين تسوين الخلطه(كمون،حلبه،حبه سوداء)وتشربيها بعد الغداء واضيفي عليها الزنجبيل والسكر حسب الرغبه
العشاء الافضل يكون خفيف ولاتدسمين الاكل وتنامين ولاتجوعين اهم شي الجوع بهالفتره ممنوع لانه مو زين للارحام
ومن اسفل خلي غسولك الدائم مويه دافيه وملح او منقوع المره كل يومين مره كذا ومره كذا وحطي مع قهوتك كسرة مره واشربيها .
واهم شي برضه لاتمشين حافيه والبسي دافي خلك دائما دافيه واذا حسيتي الدم بدأ يخف وقفي الحلبه وعادي خذي الكمون والحبه السوداء لكن الحلبه وقفيها وحطي بدالها الرشاد بس في الاكل ومع التمر لكن مع الحليب لا لاتحطينه والهمي التمر بالرشاد مهم جدا اذا خف الدم لانه ينظف الرحم من بقايا الدم .
واذا جاتك الدوره الجايه وكل دوره اتبعي هالنظام وبإذن الله ماتكملين شهرين او ثلاثه الا انتي حامل والحمل الجاي يكون سليم بإذن الله وعلى فكره البكريات اكثر من يجهض هم ولما يحملون بعدها يتم بفضل الله بس اهم شي لاتفكرين بالحمل اشغلي نفسك وان شاءالله ماتلقين حالك الا الدوره متأخره عليك ومحلله وتكوني حامل حمل سليم تام يااارب.
وبالنسبه للجماع الافضل انه مايصير الآن لان ارحامك تعبانه مع انه جائز لانك على حسب علمي ماكملتي شهرين والجنين ماتخلق والصلاة واجبه عليك للعلم والاحاطه وهذي فتوى والله اعلم.

http://forum.hawaaworld.com/redirect...%2Fmat%2F16931