تجمع حــوامل التوائم

كوثرية · 05-23-2010, 08:26 PM

اقتباس:

كوثرية شلونك اللحين ان شاء الله طيبة ...

الحمد لله حزونة أنا بخير

ماتقصرين والله على السؤال

أنا هالأيام أستعد للسفر على آخر الأسبوع الجاي رايحة لأهلي ان شاء الله

حزونة عندي فضول ودي أعرف انتي شنو تدَرْسين ؟

ام البنين · 05-23-2010, 09:15 PM

الله يعطيكم العافيه نونو وزماان بس الحمد لله اخذت دواء وارتحت بعدها وحبوب الكالسيوم داااايم انساها لانها مص ما اتذكرها الا وقت النوم ومافي كلها وافرش اسناني من جديد خخخخخخخخخ

لمياء · 05-24-2010, 12:17 AM

أسفة خربطت مش لمياء .... نارا هي اللي بعدي

ههههههه

ان شاء الله اكون معاكم حزن

في القريب العاجل ياااااااااارب

ام البنين · 05-24-2010, 01:41 AM

اقتباس:

المشاركة الأصلية كتبت بواسطة حزن الزمان

أم البنين وحشتيني جد وين هالغيبة ... مشرفة متألمة هههههه .. شوفي حبيبتي هذي الآلام طبيعية لان وزن وطبيعة الأولاد تختلف عن البنات فلك الأجر يارب لازم تستحملين ... واذا الالم بالعظام اللي تحت البطن فأنتي تحتاجين للحليب والكالسيوم أكثر ... يارب يسهلها عليك ويهونها ياااارب ... ما قول غير ربي يكون في عونك ويساعدك ...

فديتك والله انت الي فقدتيني والله النت وعمايله هههههههههه ربي يسعدك ويسلمك من كل شر ويسهل ولادتك وتفرحي بأحلى توأم بدنياااا ياااااااااااااااااااااااارب

أم فرووحه · 05-24-2010, 01:45 AM

اقتباس:

المشاركة الأصلية كتبت بواسطة حزن الزمان

هلا أم فروووحة الحمدلله على البيبيات والله يطمنك دوووم أنا تاريخ ولادتي 4/11 ههههههههههههههه يعني أنتي وشازل قبلي ... فيه حد بعدكم ولمياء بعدي ...

هلا وغلا الله يسلمك ويطمنك انتي بعد عليهم ويبلغنا شوفتهم سالمين يارب
سبحان الله فرق بيننا 3ايام ههههههههههه .... ألا بسألك ماعرفتي ايش جنسهم ؟؟

نـــــــارا · 05-24-2010, 07:53 AM

أم فروحة أنا موعدي 6/11 يعني بعد حزن الزمان بيومين

كوثرية.. مشكورة حبيبتي على النصيحة... أبشوف.. أخذت كاتلوج مذركير الأصلي وفيه شغلات حلوة... وسمعت أن راح يسوون تخفيضات بعد شهر والله أعلم!

انتوا لا تبخلوا علينا بأسماء المحلات.. ويا ريت إذا في وحدة منكم من دبي تخبرني وين المحلات الحلوة بدبي لأن ودي أروح دبي كم يوم أشتري لتوائمي شغلات

كروشات.. اليوم مادري شصادني.. الساعة أربع الفجر قعدت من الرقاد بألم فضيع في جهة اليمين (احنا نسميه الشبان) ودخلت مكرمين الحمام وصليت وارتحت شوي بس رد علي الألم لما قعدت الصبح للدوام.. وللحين أحس حتى مشيتي صاير عرجة بسبب ألم جهة اليمين

أنا هالألم يجيني من بداية حملي ولما خبرت الدكتورة قالت لي طبيعي.. وأمي تقول أنا بعد وأنا حامل بكم دوم يجين ألم في هالمنطقة! بس أشوفه من الفجر زايد علي!

حزن الزمان · 05-24-2010, 09:09 AM

بنااات يارب دوووم تكونون بخير جميعا ...
نارا هذا يجيني دايما بكل حملاتي طبيعي وعادي لا تخافين أنا بعد والله ماقدر اتحرك إذا جاني مثل الشد داخل الرحم وحنا بعد نسميه شبان ...لانه ينشب ويألم
كوثرية حبيبتي أنا مدرسة ادرس لغة عربية هههههههه
وتخصصي كلية التربية تخصص لغة عربية ..متعبة وماتناسب التوائم لان يبيلها وقفه وشرح وتعب ...

حزن الزمان · 05-24-2010, 09:15 AM

أخ ...أف بكرى بداااوم واليوم المديرة مكلمتني الساعة 7 الصبح تبيني اداوووم قرفت يا بنات والله قرف والمدرسة متعبة ومافيه مكان ترتاحين فيه ... وابقى قاعدة من الساعة 6 لين الساعة 2 وشوفو ألم الظهر والتعب عااااد ..الله يهونها علي يارب ويقومنا جميعا بالسلامة ...وهذا أنا أنطر العميدة عشان تقولنا تجربتها مع التوائم هههههه شكلك من حنتنا بتتأخرين وبجيبينهم طبيعي يارب وكل واحد منهم 2 كيلوووو ونص ههههه

شازل · 05-24-2010, 11:32 AM

أهلييييييييييين ... حزن مرة وحدة مدرسة عربي ، والله من صدق الله يعينك العربي سهل صعب بنفس الوقت ، أخوي محاضربالجامعة يدرس لغة عربية وعنده مدونة ، تدرين أقرأ كتاباته كم مرة علشان أفهمها بعدين أرد عليه ، خاصة وبعض المرات يستخدم كلمات أقعد أدوره بالقاموس ... الله يعينك من صدق ويسهل أمورك ...

أجل الحمد لله معي قوم كلهم بالرابع ، اللي قبلي واللي بعدي الله يجزاكم خير على نصائحكم ويسهل أموركم ...

بنت الأقصى · 05-24-2010, 12:56 PM

السلام عليكم ورحمة الله وبركاته

كيفكو خواتي وشو اخباركو

ممكن انضم لتجمعكوا انا حامل بتوأم وفي بداية الشهر الثالث

وبصراحة انا الي 8 سنوات متزوجة وماعندي اطفال وسبق ان اجهضت مرتين ربي يثبت حملي وحملكو وحابة استفيدمن خبرتكو أخواتي بالله فهل تقبلوني بينكم؟