تجمع حــوامل التوائم

[شازل]

الأخت الزمان .... أبعدك الله عن كل شر وأسعدك ...
بعد الخروج من المستشفى وفك الجرح يكون عليك التنظيف ، تأخذين المسحة الطبية وتمسحين على الجرج ، بس لا تجلسين كثير ، أما الربط فما ربطت بطني ولا مرة بس بعد ستة أشهر أبدأ تمارين خفيفة للبطن والحمد لله حتى بحملي ما أحد يدري إني حامل يعني مالي بطن وأنا مسوية قيصريتين بس أشفط بطني دايم ، أما الطبيعية فمرة صعبة علي أولا ما يفتح الرحم إلا بصعوبة بعد جهد وجهيد ، وثانيا صار لي سنتين والدة طبيعي ومع ذلك أحس بآلام الخيوط وأهم أنها جابت لي الإمساك مع إني أشرب سوائل كثيرة ...
الحمد لله هالحين العلم ميسر والقيصرية صارت أسهل بس أول يومين شوي توجعين بس شوي شوي تطبين ، بس كثري المشي بعد الولادة وعلى طول تشوفين حالك طيبة ، وقبل الولادة استخيري ربك يكتب لك اللي فيه خير سواء قيصرية أو طبيعية ....

[شازل]

أهليننننن أم فرووحة ... جعل الله حياتك كلها أفراح ..
شكلي أنا وأنت بنصف الرابع الباقين سابقيننا ، أنا موعد ولادتي يوم 28 - 10-2010 ، وأنتي متى ....

[نـــــــارا]

هلا أم فروحة... انا بخير الحمد لله هالأيام أفضل أحس نفسي خفيفة شوي وأقدر أطلع بس مازلت أحس ببطني يشد الظاهر مع التمدد

شازل... أهم شي تاكلين زين وحتى لو كنتي تتوحمين غصبي على نفسك... الحليب إذا ما تحبي ريحته ضيفي له نكهات يعني حليب شوكولا أو فراولة.. او حتى انتي نفسك تحطي فيه أشياء من عندك... مثل شراب الورد يخليه لذيذ

بس مهم الكالسيوم... أما عن حركة الأجنة بتحسي فيها ألحين على نص الرابع تقريباً وبتكون حركات خفيفة وعابرة

انا ألحين مبدية أحس بالحركات بس بخفة ومو دايمة

أمس رحت شريت كم قطعة لتوائمي.. مشكلتي للحين ما أعرف جنسهم ولهذا اخذت أكثر شي أبيض.. بس ودي أعرف الجنس عشان أحدد

حابة اسألكم من فيكم سوت سونار 4 دي؟
ودي أسويه بس أبي أعرف أفضل وقت أسويه عشان ما أبي اخسر فلوس على الفاضي

وحابة أسأل.. في فترة النفاس.. تستخدمون فوط صحية عادية ولا فوط صحية خاصة لفترة النفاس
شفت هالشي مكتوب في كاتلوجات مذر كير وقلت مادري أنا أول تجربة وما أعرف إذا لازم فوط صحية خاصة ولا العادية تنفع؟

وشنو بالنسبة للسرير؟

أنا شقتي صغيرة وما عندي غرفة زيادة للبيبيات.. ولازم آخذ لهم سريرين لأن حتى لو أخذت سرير واحد كبير بسرعة بيكبرون وما راح استفيد لازم اشتري لكل واحد سرير
انتوا شرايكم؟ وشنو تنصحوني؟ لأن غرفة نومي يادوب تشيل سرير بيبي.. بعد سريرين؟! وايد مادري شبسوي! هذا غير اني محتاجة آخذ لهم دواليب لثيابهم

[كوثرية]

نارا حبيبتي

وما أعرف إذا لازم فوط صحية خاصة ولا العادية تنفع؟

أنا بالنسبة لي أستخدم فوط صحية عادية أي نوع بس تكون أكبر حجم وأهم شيء بأجنحةة

وتدرين شنو اللي ينفعك أكثر شيء أول الأيام ؟

في فوط صحية يوزعونها في المستشفى وهي عبارة عن قطن عادي ملفوف عليه شاش، هذي عجبتني كثير كثير لأنها تمتص بشدة، أنا في بداية ولادتي عملت لنفسي كم وحدة لليومين الأولين وارتحت عليهم كثير .

لكن على كل حال منتي مضطرة تدورين نوع خاص من الفوط الصحية .

وشنو بالنسبة للسرير؟

أنا شقتي صغيرة وما عندي غرفة زيادة للبيبيات.. ولازم آخذ لهم سريرين لأن حتى لو أخذت سرير واحد كبير بسرعة بيكبرون وما راح استفيد لازم اشتري لكل واحد سرير
انتوا شرايكم؟ وشنو تنصحوني؟ لأن غرفة نومي يادوب تشيل سرير بيبي.. بعد سريرين؟! وايد مادري شبسوي! هذا غير اني محتاجة آخذ لهم دواليب لثيابهم

في يبيعون أسرة حجم وسط، يعني لاهو بالكبير ولا هو بالصغير، تقدرين تشترين منه اثنين واحد تستخدمينه في البداية تحطين فيه الطفلين، والثاني ترفعينه أو تخلينه عند الوالدة مثلاً، وإذا كبروا اشوي افتحي الثاني واستخدميه للطفل الثاني .

هذي الطريقة فيها صرف فلوس أقل ومساحة أقل .

[حزن الزمان]

هلا كروووشات شخباركم ... أنتو بخير يارب دوووم اليوم رحت للطوارئ واخذت اجازة يومين .. الله يعيني على الدوااام في هالحر والتعب ..بنااات معاي افرازات بيضاء وعطتني الدكتورة تحميلة وخايفة احطها ... يرجع لي النزيف مرة ثانية مابي اخسر توائمي مهما صار الله يخليهم لي يااارب ...

[حزن الزمان]

شازل كل الشكر لك معلوماتك جدا مهمة ويارب يقومك بالسلامة ... وتسلمين يالغالية على الجواااب ... الله يعينا يارب ...

[حزن الزمان]

عسولة شلونك وشخبارك مع العرس طمنينا ...
كوثرية شلونك اللحين ان شاء الله طيبة ...

[أم فرووحه]

كــوثريه مشكوره حبيبتي الموضوع واضح الله يعطيك العافيه

شازل انا بعدك بيومين ولادتي على 1/11/2010 الله يقومنا بالسلامه يارب

ابشركم اليوم رحت للدكتوره والحمدلله الاوضاع كلها كويسه ولله الحمد وأنا زدت كيلو
وبالنسبه للجنس قالتلي واحد احتمال ولد بس الثاني مو واضح

[حزن الزمان]

هلا أم فروووحة الحمدلله على البيبيات والله يطمنك دوووم أنا تاريخ ولادتي 4/11 ههههههههههههههه يعني أنتي وشازل قبلي ... فيه حد بعدكم ولمياء بعدي ...

[حزن الزمان]

أسفة خربطت مش لمياء .... نارا هي اللي بعدي