واحسافاه على شبابي

[مشاعل الدوسري]

السلام عليكم ..

حبيبتي أنا ماعندي خبره لكن بقول رأي ممكن يفيدك..
بلنسبه لموضوع المبادره منك .. أنتي عودتي زوجك على هذي الحركه
و بلنسبه لموضوع أنه يصد عنك و يقولك تعبان .. أكيد زوجك عنده مشاكل لا سمح الله
او متضايق منك و أنتي ماتدرين.. و لا تقولين أنك ماتغلطين ..
أنا مريت بهذي الحاله مع زوجي .. أنا من النوع اللي يجس النبض فا لما أقرب منه
أعرف اذا له خلق وله لا..
و اذا لا على طول أنسحب بحركه تدريجيا ..
يبان على جسم الزوج اذا فيه رغبه وله لا ..
يعني معطيك ظهره انسي و لو حاولتي لا تنصدمين اذا ماسايرك..
مقابلك لكن جسمه في نوع من التقوس تحسينه ملتم على بعض كمان انسي ..

((فا مره من المرات صد عني بطريق تجرح مشااعري فووق كل هذا أنا من النوع الحساس زياده عن اللزوم هههههه لما يتعلق الموضوع بلعاطفه و أكون محتاجه لها يؤؤؤؤؤؤؤؤؤؤؤ اصير مثل البنت الصغيره اللي تبي الكل يدلعها ولا احد يقولها لا
و اذا مالقيت اللي ابيه أبكي.. فا لما سالته..؟ قالي انه كان متضايق زوجي من النوع اللي اذا تضايق لو حتى على شي بسيط خلاص تنسد نفسه عن كل شي ))

و بخصوص الجمال و النظافه مو أنتي تحددين الناس أذواق
و أساليه في احد الليالي الملاح بكل برائه و خوف و ادب واهتمام..
حبيبي بسألك سؤال محرج و صعب جدا .. شنو الشي اللي يضايقك فيني لما أنام
معاك..؟

اذا قالك مافهمت قوليله شي بنظافتي الشخصيه عادي قول..

و انتي اذا في شي يضايقك قوليه ..

وبخصوص جمال الملبس و الذوق

أنا مريت بهذي التجربه
لبسي ناعم عادي هادي و بعض الأحيان اتهور و البس لبس في نوع من الأغراء
يعني فستان تفاصيله مثيره و هيك شغلات ..
أنا و زوجي بين فتره و فتره نصارح بعض اذا شي ماعجبنا او ضايقنا

مره سألته عن طريقة لبسي و ذوقي
قالي لبسك و ذوقك حلو لكن حلو التغير..
حاولت تدريجيا أغير .. فا انتبهي لهذا الموضوع


بموضوع الضعف الجنسي
اقترح عليك انك تتكلمين معاه
بأن الضعف فيك
يعني قولي له حبيبي بتكلم معاك بموضوع مقلقني و احسه مضايقك و مضايقني انا خايفه تكون متضايق مني و ساكت و شايل بقلبك
طبعا هو بيقولك ايش ..
قوليله بكل تردد و حياء انا بصراحه ودي أروح للدكتورة النساء أحس عندي مشكله
و سوي نفسك مستحيه و خايفه
بيقولك ليه و اذا ماسألك قوليله أحس صار عندي فتور من ناحية الجنس
بسبب الفتور اللي بيني و بينك مااحس بالمتعه أحس بضعف و هذا الشي مضايقني ..
فا مدري أنت شنو شعورك و شنو رايك هل لاحظت شي علي وله ....؟؟

اذا قالك انو مو ملاحظ شي

قولي له طيب شرايك اروح أفحص وله لا..؟

قالك روحي قولي له طيب انت روح معاي و أكشف يمكن بسبب الفتور الجنسي اللي نمر فيه صارت عندنا مشكله..؟



ترى الجنس له علاقه بلراحه النفسيه
قبل لا تكلمين زوجك عن موضوع الضعف الجنسي

حاولي تعرفين نفسيته

و حاولي تسوين له اكشن تغير جوو اتفقي معاه يأخذ أجازه تغيرون فيها جو لو لمدة يومين بس ..

لان ممكن الفتور يكون بسبب الروتين ..

و الله يهون عليك و عااااااااااااااادي تصير بين كل الأزواج..