دردشة حوامل دولة الجزائر- تجمع بنات الجزائر

[محبوبة ميمو]

مساء الخير لبنات راجلي جا وكي يخليلي الميكرو راني ندخل ان شاء الله
ماتنسوش سلمولي على لبنات كاملين

[AMAL JADID]

المشاركة الأصلية كتبت بواسطة نور اليقين

الله يحفضنا مريومة ويعافينا والله بدات تخدملي الفكرة شوفي كما دخلت عروس عندي وحد الشهرين برك اعطالي راجلي الدراهم وقالي الدي معاك ختي لكبيرة وبنت ختي كبيرة ثاني اكثر مني ورحي تتكساي تشري حوايج الغدوة خرجنا حنا في ثلاثة وفي الطريق كاين وحد الطروطوار ضيق مانقدروش نمشيو فيه في ثلاثة فمشينا انا وبنت اختو وختو تمشي قدامنا وحدها وصلنا الوحد مسكين الطلاب مهبول
وغير حنا في ثلاثة ماشيين في هذا الطريق خلى خت راجلي فاتت وانا وبنت اختو سبقلنا بالعصا كان هاز معاه عصا انا مت في بلاصتي قلت اليوم يقسملي راسي ويهنيني تخيلي مادارلنا والو هز العصا انتاعو ويشير بها لي ويقولي وخدوها في حنتها واكلاو لها ضنايتها ويقول اعطيني الف فرنك من الخلعة عطيتو خمسلاف طيشها ويشير بالعصا وماحبش يخلينا نفوتو ويهدر في هاذي الكلمة ويعاود وانا وليت نبكي من الخوف لا يقسملي راسي بالعصا ومبعد جاء مول الحانوت القريب وبعدو علينا باه هربنا وكي بعدنا عليه شوي بدا يعيط ويقول هزويديكم للسما تنزل الرحمة
والله اختك الفحلة مادارتش وراها طول الهربة تسلك وسلفتي بقات تسمع واش يقول ودوك ديمة يفكروني بها يقولولي تشفاي واش قالك المهبول
انا مارقيتش خلاص ماحبش يرقيلي راجلي وهاذي المرة برك جابلي ولد سلفي الراقي الدارهم رقيت مرتين وراء بعضهم ومقدرتش نرقي لحمي كامل تولي ترجف وجنبي الايمن كامل يطير في السماء وقالي الراقي لازم نرجع نعاودلك وماحبيتش خفت المرة اللي فاتت قريب قطعتلو الرقية في النص التخنقت بصح انا سلافاتي وانساء سلافي الحمد لله خاطيين مسلمين وعابدين لله وحده لا اله الا الله وحده لا شريك له

طولت عليكم بصح بليدية دارتلي القلب ان شاء الله انعاود نرقي بصح قالي عندك عين وحسد ومس بصح علابالي يتمسخر بيا الراقي راني مسكونة هههههه

بالشفا عليك نور اليقين

شعال عندك زواج ؟

مناماتك واش تحلمي ؟

ايام الدوره و التبويض واش تشوفي منامات ؟

الدوره تجيك عادي ؟

[محبوبة ميمو]

نور ماتخليش الوسواس يدخلك من هذه الجهة انتي راكي تصلي وتعرفي ربي صايي ما فيك غير الخير
كملي رقيتك وتوكلي على ربي وهو حسبك سبحانه
وماتخافيش وماتسمعيش للناس راهم يخرجوك من جلدك



نور مشي افلام الرعب وتزيدي التوسويس راه راجلك مشي يعطيك كف راه يعطيك بكوتبي
ههههه والله راني نطلعلك في المورال

[نور اليقين]

الله يسلمك محبوبة تروحي وتولي للميكرو بالسلامة واش رايكم لبنات نعاود الرقية ولا مانشقيش الشيخ مسكين نعرق في الدروج ونكملو العاقبة في الرقية اذا على رقية الميكرو انهار كامل وهي تجبد كما قالي راجلي طفيها شوي اذا بيك على الي ما يتسماوش راهم ماشي غير خرجو من الدار راهم خرجو من الكارطي كامل .
كتسقسيني سلفتي اللي خرجت معيا تقولي كاش جديد كاش كريشة ولا والو نقولها راهم ياكلو فيهم راهم قريب يتمهم

[AMAL JADID]

انا قلت لراجالي نروحو نرقو و بزاف صحابو قالولو بصح هو محبش
قلي نرقيلك انتي برك قتلو انا نرقي و انت تانيك هبلني
عندو صحبو يرقي بصح انا محبيتش نرقي عندو خطرش مرتو تعرفني و تهدر بزاف و دخل رحا في صوالح خاطيها و تشتكي بزاف و تهدر بزاف في الناس
هذي ماشي غيبا انتو ما متعرفوش شكون هي لوووووووووووول
انا منحبش الغيبا و الي يغتابو الناس و منقدروش نخبرو راجلها خايفين نديرو بيناتهم مشاكل
قلنا نشوفو راقي و حداخر قالولنا على واحد بصح راجلي عجز يروح

[AMAL JADID]

المشاركة الأصلية كتبت بواسطة نور اليقين

الله يسلمك محبوبة تروحي وتولي للميكرو بالسلامة واش رايكم لبنات نعاود الرقية ولا مانشقيش الشيخ مسكين نعرق في الدروج ونكملو العاقبة في الرقية اذا على رقية الميكرو انهار كامل وهي تجبد كما قالي راجلي طفيها شوي اذا بيك على الي ما يتسماوش راهم ماشي غير خرجو من الدار راهم خرجو من الكارطي كامل .
كتسقسيني سلفتي اللي خرجت معيا تقولي كاش جديد كاش كريشة ولا والو نقولها راهم ياكلو فيهم راهم قريب يتمهم

انا من رايي ارقي انتي و راجلك و حاولي تلتزمي بالاذكار الصباح و المساء

الرقيا على حسب الحالا و كل واحد كيفاش يتاثر

و افلام الرعب ماشي ملاح للي حابا ترفد

[AMAL JADID]

لبنات وين رحتو ؟

[بليدية]

بنااااااااااااااااااااااااااااااااااااات راني مقنووووووووووووووووووووووووطة
راني رايح نهبلا خلاص مقدرتش اعذروني

[AMAL JADID]

المشاركة الأصلية كتبت بواسطة بليدية

بنااااااااااااااااااااااااااااااااااااات راني مقنووووووووووووووووووووووووطة
راني رايح نهبلا خلاص مقدرتش اعذروني

غير الخير أختي
اصبري و وكلي أمرك لرب العالمين

[بليدية]

اليوم نزلت عليا افرزات بنية كاان عندي اماااااااااااااااااااااال كبيرا
خلاص خلاص خلاص استغفر الله العضيم
خلاص خلاص خلاص
من القنطة كي شفتهم باش منبينلهمش رحت لدوش و
وغلقت على روحي الباب وليت نبكي فى وسط حوايجي باه ميسمعونيش
راني مجيفة واش ندير دبروووووووووووووووو علياااااااا