ايش افضل مستشفى للولادة بجدة ؟

[وردة الدنيآ]

السلام عليكم ورحمة الله وبركاتة

كيفكم اخواتي ؟

انا حامل بكرية .. وماعندي خبرة ولااعرف احد ولد بجدة
وحابة اسأل عن افضل مستشفى للولادة بجدة

ياليت تفيدوني .. وتذكرون لي اسم الدكتورة واسعار المستشفى الولاده الطبيعية والقيصرية



ولكم ألف شكر مقدمآآآ

[ڜوڪﻠاٿھ ڼٱξـﻤـۂ]

آنآ زيك بكريه وبجده ومومنهآ بس سآكنه فيهآآ


آنآ خآلتي ترآجع بالفقيه تقول مممره ممتآآز وقآلت لي آسم الدكتوره بس وربي نااسيه آسمهآآ

بس بستفسر وآرد لك


آنآ آرآجع بالعسكري بس الولآده مثلك محتآآره ..

[وردة الدنيآ]

مشكورة حبيبتي


انا افكر بفقية او المتحدون او فتيحي
لان سمعة المستشفيات كويسة بس مااعرف كيف الولادة والخياط والدكتورات والعناية والممرضات
ودي احد يفيدني

والف شكر لك

[demoshka]

مابعرف والله

يارب البنات تفيدك اكتر

[وردة الدنيآ]

مشكورة ع الرد حبيبتي

[وردة الدنيآ]

اخواتي ياليت تفيدوني ..

[fadyah]

انا انصحك بالمتحدون انا ان شاء الله حولد فيه عند الدكتوره صباح لانه اعرف كذا وحده ولدت عندها وتمدحها وسعر الولاده عندهم ارحم من فتيحي شويه
اما اذا مايفرق معك السعر او انك تامين روحي فتيحي اكيد افضل والله يسهل علينا الولاده

[راوند]

مساء الخير ,,

انا جربت ولاده الاطباء المتحدون عنننننننايه واهتمام جدا حلو

وقعدت 3 ايام مرااا ارتحت .. الحمد لله

بس انا حامل بالبيبي الثاني مادري افكر اولد عندهم او عند فقيه د دلال بوقس او غيرها ..

لان بولادتي الاولى جبت دكتوره من برا صح ممتتتتازه وحنونه وخياطتها روعه ولاحسيت بربع الالم ممممرا بدون الم بس مو ابره ظهر لاء ابر في الوريد..
بس الكل يمدحها وكذا بس مدري يمكن لاني ماجربت الولاده الطبيعيه نفسي احس بشي اكون واعيه شوووى ..

ممممدري مجرد راى ويمكن اكون غلطانه (:

الله يعيننا حبايبي

[fadyah]

على فكره الولاده في المتحدون الطبيعي 7000 والقيصري 14000
وفتيحي الطبيعي 9500 والقيصري اعتقد 16000

[..ام بدر..]

شوفي عيوني ....فقيه مررره حلو وممتاز وافضل دكاترته فاطمه العتيبي...وسحر ملودي....ودلال بوقس الباقين للأمانه أنا مااعرفهم ولا اعرف وحده ولدت او راجعت عندهم بس فقيه سمعته وسمعت دكاترته مرره كويس

فتيحي...جدا جدا رائع من كل النواحي اطباء اهتمام عنايه نظافه دقة مواعيد واجهزه حديثه بس عيبهم انهم يحبون الفلوس ويقولون لك الولاده ب9الاف وممكن توصل لاكثر من كذا بكثييييير ...بس اذا كنتي عالتأمين اشجعك فيه واقولك هو التوب

الاطباء المتحدون....الدكتوره صباح مررره ماحبيتها تخيلي روحت لها بعد زواجي ب6شهور وانا كنت من اول زواجي استخدم حبوب مانع حمل عشان مااحمل وبأستشارة طبيب لكن امي جلست تحاول فيني اعيد التحاليل بعد ماخلصت 6 اشهر وعدت التحاليل ووقفت الحبوب عشان اشوف النتيجه كيف تكون.... ودخلت عالدكتوره صباح حداد في الاطباء لمن شافت التحاليل قالت انتي عندك ضعف شديد في المبايض وانتي لازم لك علاج طوييل وسوت لي سالفله سوت لي كمان سونار وخوفتني وحسستني اني ماراح احمل
والله العظيم اخذت نفس ورقة التحليل اللي هي شافته وروحت لفاطمه العتيبي في فقيه وماحكيت لها شي قلت
لها انا اخذ مانع من 6شهور وسويت هالتحليل بس عشان اتطمن اقدر اكمل ولا لا لمن شافت التحليل قالت ماشاء الله تحاليلك كويسه ولو تبغي كمان سنتين تستخدميها استخدميها ماعندك مشكله انا تفاجئت وقلت لها الكلام اللي قالته لي صباح قالت ماعليك منها انتي مافيكي شي
وتخيلي في نفس هذاك الشهر ماجاتني الدوره وطلعت حامل وهي بغت تبدا معاي مرحلة علاج

كمان فيه دكتوره ثانيه بالاطباء اسمها امل صفوة على ما اعتقد مو متأكده من الاسم ...اختي من اول ماحملت وهي تراجع عندها ولمن اخذت اختي اسبوعين ونص من الثالث نزل عليها دم وراحت لدكتوره كتبت لها على مثبتات وقالت احتمال يكون الجنين متوفي وجلسنا نقنع اختي تغير المستشفى بس الله يهديها مارضيت طبعا جلست كم يوم اختي وهي تعبانه وزاد عليهاا الالم رجعت لدكتوره وحولتها على دكتورة الاشاعه قالت لها دكتورة الاشاعه الجنين متوفي من زمان اصلا هو ماتكون جنين مجرد كيس عمره 5 اسابيع واختي المفروض انها في 11 اسبوع...يعني شوفي كم اسبوع متوفي والدكتوره مو عااارفه....طيب كيف هالدكتوره ماكانت تسمع النبض تسألها اختي اول تقولها كيف النبض ترد الدكتوره كل شي تمام...طبعا لما جت تجهض غيرت المستشفى اعطوها تحاميل طلق يوم كامل وهما يعطونها طلق ولا رضي الرحم يفتح بسبب المثبتات وطبعا الدكتوره عصبت تقول الجنين من زمان متوفي في بطنك كيف كنتي تراجعين عندها وهي مو داريه غير انو شايفه مافيه نبض ومعطيتك مثبتات...تخيلي اصلا ماتكون جنين مجرد كان كيس

ادرري طولت عليك بس هالقصتين للعظه واالعبره ههههههههه والله ياحبيبتي ماودي تنخدعين بأي مستشفى وحبيت افيدك بكل اللي اعرفه...بس للأمانه في الاطباء دكتوره اسمها حنان الشمراني وهذي مستأجره عيادتها عندهم يعني مو تبع دكاترة الاطباء ومرره كويسه وسمعتها حلوووه

اي استفسار يالغاليه ارسليلي عالخاص وانا في الخدمه