تجمع حوامل ليبيا

[ام وسونة]

وخيه متفائلة ربي يكون معاكم يارب صدقيني

المفروض ترجعوا لتونس لدكتور اللي دارله العملية

علي الاقل فاهم خالته وبعدين دكار النخل واللقاح

تلقيهم في العطارة ولامحلات النحل والله ننصحك

اديريله رقية الحمل في مية وخليه يشربها

وربي يسخرلكم الحال ويذمن قلوبكم

[ღॐ آية ღॐ]

والله يا عيون ماهي مسئلت بطن ولا فجعه بس هدي الضحيه لله بتقدميها قربان مفروض
نتنافسو فيها في الحجم والسعر لان السعر الي بتدفعيه لله (وفي ذالك فليتنافس المتنافسون )
والله لو توصل الضحيه بي 1000 مفروض نشريها وخصوصا الي عنده تصدقي اقترح ندبحو كلنا خروف واحد شوفي بالله """ وتاني يوم صبح مشي شري خروف وطني ""بالله علاش ما كان من الاول """"!!!ونقولك حاجه والله ضحيتنا ما قعد منها حاجه خالينا كتف وفخده والباقي مشي لله "

[ام وسونة]

اية احسن حاجة انك مارديتيش عليها شكلها عيلة

والمهم انتي وراجلك رأيي واحد والباقي فوتيه

ههههه شكلها اخت سلفة عيون صدقيني في

من سلفات تخصص مشاكل ونكد

[ღॐ آية ღॐ]

والله هاد الي مريحني اني ما درتش شي انا بروحي ولا سحبت الراجل والله بلعكس
انتي سلفتك استسمحت هادي لاء ووالله مانبي منها السماح لان الي صار مش في لحظت غضب هاد كلام مترتب وبايت ووالله ما مدورتها على فكرة ما حكيتش لي حد من عيلتي ومنيش مقايله
ماما والله ما تتحمل زمطتتها وسكتت والله كنت نعزها قداش توه والله نحسب فيها مش موجوده الموجعه لما تجيك من شخص كنتي تعزيه حارة والله "

[عيون زوجي]

تلقوه لله الضحيه يركب اعليها صاحبها يوم القيامه ومن المحبب نكون كبش عظيم
انا خوي شراه بالف غير ماكس الراجل وباعوله ب 900 وربع تقريبا
خير ما درتي وتقبل الله اضحيتك
بنسئلك كيف حال صاحبتك نسرينا يلي كانت معانا وجابت ولا لا
ام وسونه شنو قعده نايضة لتوا

[المتفاااائلــــه]

المشاركة الأصلية كتبت بواسطة ღॐ آية ღॐ

يا متفائله يديرو فيه في المصحات مصحت الفردوس تحليلها دقيق ...
وسرع في ضرف ساعه يطلع "

والله .. معقولة تحليل السائل المنوي يطلع في ظرف ساعة .. ما شاء الله كويس هللبة هذا ... باهي قوليلي وين مصحة الفردوس ... بالله عليك .... وسامعة بقصة حد من قبل عنده تشوه في الحيوانات وعالج عند دكتور ... كان تعرفوا دكتور كويس قولولي عليه يكون مشكوور هلبااا ... آني دكتورتي قالتلي على " الطاهر الشريدي " بالك تعرفوا واحد ثاني ...

وربي يصبرك يا آيو على سلفتك ... قداش مانحبهاش النوعية هادي من الناس .. اللي ماتبيش ادير الحاجة وماتبي حد أحسن منها .. يعني آني مش حناخد وطني يعني كلكم موتوا وماتاخدوش وطني .. كيف عاد اضحوا أحسن منها ... " سبحان الله " ماهوا كان كل حد يلتهى في حاله ويخلي عباد الله في حالهم ... الصبر وخلاص ..أهم حاجة انتي فوتيها ... لكن انقولك على حاجة .. آني مش مع ان الوحدة تقاطع بكل وماتسلمش لأن " لايحل للمؤمن أن يهجر أخاه المؤمن فوق ثلاث " وآمس نسمع في الشيخ الصادق الغرياني قال ان ابواب السماء تفتح كل اثنين وخميس وربي يغفر للناس ذنوبهم الا المتخاصمين .... وفي الحديث بما معناه على المتخاصمين " فيعرض هذا ويعرض هذا وخيركما من يبدأ بالسلام " فإنتي أحسن حاجة انك تسلمي ختى كان هيا ماتبيش وتخلي الحشمة في وجها .. ومش على خاطر حد الا ربي .. لكن خلي نفسك رسميات يعني ماتخشيش معاها في مواضيع .. وخليك كلمة ورد غطاها ... ورسميات رسميات .. وكل واحد بقدره ... وحتى كان صغارها مايسلموش على راجلك انتي خلي صغارك يسلموا على عمهم وفهميهم ان احني انديروا هكي على خاطر ربي ... وان شاء الله ربي يعاونك وخلاص ..

[ღॐ آية ღॐ]

والله يا ام وسنه هادي كبيره في العمر لاكن العقل يجيبه ربي
حي كما يطلعو خوت ياعيون حق هههههههههههههههههه
انا منردش نزمط ونبلع ونكمد اهئ اهئ ونبكي سلفاتي التانيات مشاء الله عليهم
الي قدامي زي العسوله انود فيها وتود فيا

[المتفاااائلــــه]

المشاركة الأصلية كتبت بواسطة ام وسونة

وخيه متفائلة ربي يكون معاكم يارب صدقيني

المفروض ترجعوا لتونس لدكتور اللي دارله العملية

علي الاقل فاهم خالته وبعدين دكار النخل واللقاح

تلقيهم في العطارة ولامحلات النحل والله ننصحك

اديريله رقية الحمل في مية وخليه يشربها

وربي يسخرلكم الحال ويذمن قلوبكم

آآآمين يااارب ... صحيتي ... كنت نحسابك تعرفي محل معين .. تنعتيني عليه ... لأن الحاجت هادي تبي من أماكن ثقة ....

وان شاء الله ربي يستجيب للدعاء ...

[عيون زوجي]

ايه دهشت وانا اندور في القصة لقيتها صفحه1251 دهشتني سلفتي معاها
اف الف من السلفات

[ام وسونة]

وخيه متفائلة اني زوجي مشكلته زي راجلك العدد والحركة كويسة

بس عنده نسبة تشوهات هلبااااااا فقاله الدكتور ماليهاش علاج

الا لورب العالمين شفاك الاحسن انك ادير تلقيح صناعي او طفل

انبوب هذا علاش اني امس درت تلقيح صناعي وربي يسهل