تجمع حوامل ليبيا

عيون زوجي · 11-20-2011, 02:14 AM

ايــــــــــــــــــــــــــــــــــــــــــــــــ ــــــــه ...وينك؟

المتفاااائلــــه · 11-20-2011, 02:15 AM

بالله عليكم لو وحدة تعرف مكان يديروا فيه تحليل الحيوانات المنوية وتعرفه كويس ونتائجه دقيقة تقولي عليه ... في طرابلس طبعا ... في أسرع وقت ممكن

اليوم راجلي طلعت نتيجة التحليل بعد ثلاثة شهور من عملية الدوالي ...

العدد : من قبل عنده كويس وتوا زاد .. الحمد لله ..
الحركة : الحركة السريعة قبل كانت 0 وتوا ولت 15 الحمد لله .
الحركة العادية : من قبل كويسة .

التشوه : من قبل كانت نسبة التشه عالية وقاعدة زي ماهيا ... الطبيعية 2% فقط ولله الحمد

وآني نبي معمل تحليل واحد ثاني لأن بعد مادرنا التحليل اللي فات اللي كان قبل العملية ومشينا عاودناه في تونس كان امتع تونس أفضل من هنايا .. صح قاعدة في مشكلة لكن كان أفضل يعني بالنسبة للتشوه كان أحسن من تحليل ليبيا القديم والجديد ... فياريت تسالولي وتقولولي على معمل معروف ان نتائجه ثقة وكويسة ..

وبالله عليكم ادعوووولي هلللللباااااااااااااااا ..

عيون زوجي · 11-20-2011, 02:18 AM

سامحيني اختي متفائلة ما نعرفش والله
ربي يرزقك بالحمل السليم ويشفي راجلك يارب

المتفاااائلــــه · 11-20-2011, 02:18 AM

اقتباس:

المشاركة الأصلية كتبت بواسطة ღॐ آية ღॐ

ام محمد حتى اختي هكي والله ربي يكتبلهم الصبر ويعينهم على صغارهم ...
متفائله نورتي كيف الحال ومبروك علينا وعليك والحمد لله "

الحمد لله بخير ... ومبروك علينا وعليكم ... الحمد لله ياربي ..

عيون زوجي · 11-20-2011, 02:21 AM

صور جديدة لسيف الاسلام

ღॐ آية ღॐ · 11-20-2011, 02:23 AM

المهم وما ليكمش في طولت السيرة قال سيدي لولاده (سلافي وزوجي )خوكم مايبيش يضحي بوطني فوتوه
وقررو بيشرو من صاحب راجلي من مسلاته يعني "المهم امشو يوم الخميس راجلي وسلفي اشرو تلات ضحايه يعني لسيدي وسلفي ولينا وسلفي هضاكه طبعا ممشاش " كانو بصدفه مش في الحوش هيا وصغارها بيتين في حوش جدهم برها " روحو بسلامه من مسلاته في الليل ربطو السعي في الجنان بين حوش السلفه القبضه وبين حوش سيدي ::: صبا ح الصبح سلفي دار حرب البسوس يوم جمعه مباركه كانت والله شافهم في الليل وشوره مارقدش صبح يعيط على خوته وبوه
كيف تشرو مش اتفقنا كلنا بناخدو سعي من بره المستورد والله هزب راجلي وراجلي هو الصغير وهدا حضرته الكبير والله رعشت ومرضت هداكا اليوم المهم روحت مرته ركبتلي كله منك وهو يسمع في كلامك وهدي دبارتك وانتم همكم في بطنكم والله كلام يوجع ياعيون وانا ساكته حتى كلمه وقالتلي نحو السعي من جيهت حوشي "حدني قلتلها كملتي تفضلي "ولاعند توه ما نتكلموش لما نشوفها تحت نركب بروحي هيا دير في روحها عادي وانا كرهتها لله تعالى "والعيله عارفينها غالطه ويقولولي سايري معليشي والله معاد مكلمتها تصدقي صغارها مايسلموش على عمهم لاعند اليوم "

عيون زوجي · 11-20-2011, 02:23 AM

ايوته................

ღॐ آية ღॐ · 11-20-2011, 02:26 AM

انتي حكيتي قصتك يا عيون!!! ولو عارفه في اي صفحه قوليلي ؟؟؟
فضولي بيموتني هههههههههههههههههههههه

ღॐ آية ღॐ · 11-20-2011, 02:28 AM

يا متفائله يديرو فيه في المصحات مصحت الفردوس تحليلها دقيق ...
وسرع في ضرف ساعه يطلع "

عيون زوجي · 11-20-2011, 02:31 AM

الحمدلله يا ايه انتي وضهك خير انتي في كفة العيله والشيباني وما طلع منك شي وطز فيها الخليجي يقول بالطقاق هي وصغارها والمثل يقول مركب الضراير سارت ومركب السلفات حارت
حتى انا حرمتني من بنة العيد وصار بينا لوين وجتني خامس يوم العيد تستسمح والقرعه بس تكبر في مكانها سامحتها وضيفتها وهدرزت معاها
لكن خاطري قاعد مكسور وكلامها دار حاجز بيني وبينها
وكل الموضوع احدفتي وراي وحلفت ماعاد معاملتها الا رسمي جدا كانها جارة بعيدة اريح للكل واولهم اني