دردشة حوامل أهل القصيم - دردشة بنات القصيم - تجمع حوامل القصيم

[لياليـ]

اهلين حوامل القصيم

رحت موعدي عند الوفاء فقالت بعد كم يوم يخلص التاسع والاسبوع الجاي لازم تسوين تخطيط للجنين لكن اللي ضيق صدري تقول لازم اعطيك طلق صناعي لانه مافيه اي طلق طبيعي وبصراحه متخوفه وانا قلت يمكن ادخل اسبوع من العاشر بس تقولي لازم بنهاية التاسع

الله يسهل ويستر ياااااارب

[قمرهم ندو]

السلام عليكم ورحمة الله
أسال الله الكريم رب العرش العظيم الذي أكرمنا بالحمل وكتبة لنا أن لايضيع تعبنا ويتمم لنا على خير ...أخواتي أنا كروشه بكرية من القصيم ابدخل في الثامن ... وخوافه كل يوم اتحلم بالولادة مرة في الفريح ومرة بالحبيب هههههه
ابغى استشيركم عن ولادة الحبيب ساجيلا وش رايكن فيها فيه ناس يسبونها وفيه ناس يمدحون والله تعبنا .،،، اما الفريح مايبون شهادة ماشاء الله نوال مافيه مثلها بالقصيم بس مستشفى قذر كم مرة اروح مع اخواتي بالولادة وووواوه مقرف .

[قمرهم ندو]

المشاركة الأصلية كتبت بواسطة alih

ملكة القصيم تعرفين جرير ومحل لمسات طيبة هو يجي بعدوة علئ طول
d&s لا تطمني اكيد وان شاء الله بتالدين قبلي لان من طبعي اعوشر يعني لازم اخذ من العاشر
الحبيب حلو فية الدكتورة شكيلا حلوة بس انا اخاف من ان طفلي يحتاج عناية ومايوفرونها لان كم مرة يطلعون اطفال يودونهم للولادة والاطفال يحتاجون عناية اكثر
وانا اولادي كلهم احتاجو العناية بعد الولادة واخاف اتوهق

الله يسهل علينا

ياقلبي شاكيلا راحت للحبيب بالرياض حي الريان

[Alih]

قمرهم ندو انا اليوم بالحبيب وطلبت ساجيلا وقالت انها مزحومة ورحت لانصاف

[Alih]

ليال اتركيهم بس لايهمون اذا جاء الطلق بيوم وليلة والله هم يهبلون بالواحد
انا طفلي الاول قالو مافية اي بوادر للولادة بنعطيك طلق وعطوني جننوني وبعدها الابره موووووووت وكلوة مانفع اخر شي الطفل ظروة الطلق الي في غير وقتة وانكتم وسوو لي عملية والثاني قالو نفس الكلام بس مايقدرون يعطونن طلق لان الاول عملية فقالو بالكثير اسبوع والحمدلله قعدت 3 ايام ولدت
عليك بشاهي القرفة والكمون والشمر واقري فية قراءت ابن عثيمين لتسهيل الولادة
او اشربي الخلطة الي كتبتها لام ميتو تراها جنااااان
الله يسهل عليك

[ام ميتو]

يسعد مساكم كروشات
الحبيب يمدحون فيه ساجيل باكستانيه مزحومه حيل- انصاف سودانيه
وعائشه يمنيه ان شالله بولد عند عائشه ارتحت لها الصراحه واحسها تشرح لك الوضع بالضبط يعني تدخلي وتطلعي وانتي فاهمه وش فيك وهاديه الطباع يعني ان شالله غديها تصبر علي لاني بكريه
انا بخلص الاسبوع الثاني من التاسع- :(
--وماااااافي اي بوادر ولاده--ياااارب ياحي ياقيوم سهل علي وكل حامل برحمتك ياارحم الراحمين

[لياليـ]

يعطيك العافيه عليا والله يسهل يارب

اما الخلطه عباره عن شنو ؟؟؟
اخذ قبل مايجيني طلق ؟؟؟ لانهم يقولون لي لاتاخذين قرفة قبل الطلق؟؟؟

[ام ميتو]

سمعت ان القرفه قبل الطلق تقفل الرحم
مدري----لاتشربين شي خليها على الله كثري من المشي والجماع وان شالله تتسهل
انا اخاف اخذ شي زي كذا اتوهق

[لياليـ]

نفس الشيء هذا اللي سمعت
ونعم بالله نتوكل على الله وربنا يسهل مع الدعاء

[ام ميتو]

صدقتي -------------يااااارب ياحي ياقيوم برحمتك ياارحم الراحمين يسر امر ولادتنا وكل مسلم وانعم علينا وعلى اطفالنا الصحه والعافيه وابعد عنا كل شر
والمسلمين اجمعين