تجمع حوامل العراق واتمنى اكو احد موجود

[مجنونة بحبها]

المشاركة الأصلية كتبت بواسطة ·.·• {رومانسية} •·.·

مساء الخير عليكم حبايب

وكل عام وانتم بالف الف خير

احب اعرفكم على نفسي انا رومانسية من العراق حامل وعندي المشيمة نازلة وخايفة جداً

حبيت ادخل كروب عراقنا الحبيب وانتمي الكم

اهلا وسهلا رومانسيه
لاتخافين شغله سهله بس راحه وان شاء الله ماتشوفين شرررررررررر

[غنى2011]

المشاركة الأصلية كتبت بواسطة حبيبه ماما

يسررررررى انا اهلي رجعوا اول يوم العيد لان تعرفين
زيارات الاقارب وثاني يوم اجه زوجي وطلب ارجع وياه
وابوي ماحجه اي شي وياه رغم اني مقبلت ارجع الا نحاجيه
يغير اسلوبه وياي بس ابوي كال عيد واصلاح مو خراب
وجان عمامي موجودين وابوي ماحب يعرفون اني زعلانه اتعرفين
تصير شماته وسالفه قيل وقال فخصمها وكال ارجعي لبيتج
وصحيح بنونه بس شافت ابوها صرخت تعال وعافت اخواني وابوي وركضت لابوها خطيه مشتاقه لابوها هههههههه
ولخاطر عيون بنونه رجعت بدون اي شروط او شي
وزوجي حلف لابوي بانه ماطاردني وانما اني تركت البيت من ذاتي
ونكر كل الحجي الي يسمعنياه ورجعت
ومن رجعت ايكلي انا مااجيت علمودج وانما مشتاق لبنونه وبس
واليوم يكول رجعتج علمود تغسلين ملابسي وتنظفين البيت
وتطبخين وبس انا سكتت وعاهدت نفسي بعد مراح احجي
لان رحت وابتعدت عنه 13 يوم وهو مامهتم ولا مكلف نفسه
والحمدلله على كل حال
وهذي قصة رجعتي من الالف للياء ههههههههههه

لاحول ولاقوه الا بالله الله يصبرج ويجازيج الجنه على هل الرجال
شنو من بشر شكد لئيم ولو تزعلين لان اجه رجعج وبعده يدردم
ويحجي حجي يسمم البدن

الله يهدي عليج بجاه الحبيب محمد

[ملاك86]

هلوو شلونكم اني عراقيه جديده هستوني سجلت ههههههههه والله لمتكم تخبل اني اسمي ملاك وعمري 25 سنه مزوجه من اربع شهور وهسه حامل 3 شهور يارب يخليكم ويحفظلكم اولادكم ويكومكم بألف سلامه

[رودينة الراوي]

نورتينا اختي ملاك والله يكومج بالسلامة ويفرح كلبج بشوفة البيبي سليم ومتعافي

[رودينة الراوي]

غنااااااااااااااااااااوي شلونج حبيبتي اخبارج مشتاقتلج ومشتاقة لسوالفج الحلوة شكو ماكو اخبارج
كل عام وانتي بالف خير وان شاء الله يفرح كلبج بالحمل السليم والذرية الصالحة

[رودينة الراوي]

مي
وانتي بالف خير حبيبتي الله يكومج بالسلامة ونفرح سوة بشوفة النونو سليم باذن الله

[ام سمر الاردن]

ملاك اهلا وسهلا بيج عيوني نورتي
وبهذا التجمع مراح تلكين شي يخص الحمل .... كله حجي عن المشاكل والكماشات (العمات)والقهر وسوالف الزلم ونكدهم ووووووووو... ههههه. مبروك الحمل والله يتمملج على خير


يسرى حبيبتي الف سلامة عليج.. شكد اكره الاسهال لان عندي نفس المشكلة بس بصورة مستمرة والسبب ان الدكتور وصفلي حبوب مساعد السكر حتى تعالج تكيسات المبايض وتساعد على الحمل والمشكلة هاي الحبوب تسويلي اسهال قوي مع اني اخذ حبة وحدة بالليل..بوساتي لردونة


ام ايهومي.. لتستعجلين حياتي لان اني من كنت حامل بسمورة كلت شوكت اجيب واشوفهة بحضني وبعد الولادة بكم يوم كلت يا ريتني باقية حامل من السهر والتعب ههههههههه..انشالله تولدين بسلامة وتشوفيه بصحة وعافية اميييييييييين


امونة حبيبتي خلص بعد ارضي بالامر الواقع وابوج رجال جبير ويعرف احسن منج وانتي مصيرج ترجعين لان اكو بينكم رابط قوي اسمه بنونة الله يخليهة بس بصراحة الي دا احسه انه انتي مدتعرفين تتصرفين صح حتى تكسبين زوجج.. والسكوت مو حل.. واكو هواية اوقات تكدرين تكسبيه بيهة واتمنى تكونين فهمتي قصدي لان ما احب اطوخ بالحجي هههههههههه بس تبقى انتي وشطارتج


مي حبيبتي انشالله تولدين وتكومين بالسلامة ولتخافين من النوم على جنب .. نامي وانتي مرتاحة والطفل كلشي ما عليه لان مثل ما كالت امونة السائل يحميه وهاي انتي توهوسين ماكو طفل ينجعص مثل متكولين هههههههه

غنى .. مبروك مهر اختج وبالعافية عليج الونسة وانشالله دومج فرحانة

كوكي شو ماكو؟؟ لازم بعده خلصان الاشتراك؟؟؟ يمعودة اذا تريدين اني اجددلج الاشتراك بس رجعي ههههههه... مكانج خالي

ام شوق .. وينج شو ماكو؟؟ عسى المانع خير... لو احتمال تكونين بعدج مثلي ..نبكي على فراق الحبيب...انتي مو كلتيلي غلسي ع الموضوع؟؟؟ شو طلعتي اتعس مني ههههههه

باقي البنات كلكم سلامي وتحياتي الكم

[رودينة الراوي]

نجولة
يلة مبقة شي اني هم جنت كلش اشتاق لردونة والحمد لله صارت سوالف هسة

[رودينة الراوي]

هلوووووووووووو ام سمورة شلونج اخبارج
خليلنة صورة سمورة خلي نشوفهة

امونة حبيبتي الحمد لله انج رجعتي لبيتج مهما يكون لازم تضحين لخاطر بنونة ولراحة بالج
الله يهديه ويصلحة

توتاية
كلش ثكيلة شوربة العدس ليش تنطيه
وكليه بس شوربة بيها شوية تمن وخلي بيها شجر وجزر وبتيتة وشوية طماطة ومعدنوس اذا اكو ورشة بسيطة ملح بدون دهن وخليها عالنار الى ان تستوي ووكليهياه والله طيبة وردونة حبتها كلش ولتكثريلة حتى لو مشبع شوية شوية حتى ليتاذة وورة ميخلص شربيه مي حتى ليعطش

باقي البنات شلوووووووووووووووووونكم

[ام سمر الاردن]

ردونة حبيبتي اني اتمنى لو اكدر اخلي صورة سمورة لان تخبل مو بس بنظري لا والله.. كل الي يشوفوهة يشبهوهة بميريام فارس.. حتى شعرهة نفس الشعر بالضبط
بس ابوهة ميقبل انزل اي صورة الهة واني وعدته لان بصراحة هو كلش يكره النت يكول يجيب المشاكل هههه