السلام عليكم ,
مساء الخير بنآت
بكتب لكم سالفةة وحده من قرايبي ,
وابيكم تشورون علي , الله لا يهينكم يمكن حل يفيدنا ,
هي في البدايه , كانت تعرف واحد
وكانت تحبه مرره , وابوها درى عن الموضوع
وخطبها واحد وجاء ابوها قال بزوجك < قصده انو اذا تزوجت تعقل ولا راح تكلم اللي كانت تعرفه ,
المهم هي تزوجت , واستمرت تكلم الرجال اللي قبل كانت تعرفه , وزوجها مايدري ,
طبعـآ كانت تطلع معه , وتنام معه وكل شي ,
يعني كأنه زوجها لكن , هو ماتزوجها ,
فـ زوجها مررره طيب وحبوب ,
ويحب يفآجأها ويهديها هدآيآ ومو مقصر معها بأي شيء ,
حتى اهل الزوج مره طيبين وفي حالهم ,
وهذا بشهادةة الكل ,
وهي مو مقصره مع اهل زوجها بحركات مره مالها داعي , ترمي عليهم كلام , وتستهبل عليهم بحركات ومعتبرتهم كأنهم ولا شي عندهآ
المهم حبيبها تكلمه من ورا زوجها , واذا طلعت تتمشى مع زوجها تخلي حبيبها يمشي وراهم ,
وتنام معه , وتطلع معه , وتروح وتجي معه ,
وزوجها مره مو مقصر لكن مايبين في عينها
المهم هي كانت ترسل صورها له ,
وترسل حتى صور زوجها
يعني الانسان اللي كانت تحبه مره تثق فيه ,
المهم الله كتب لها وحملت من زوجها ,
وجابت بنت , وعمرها الحين , سنتين ,
وهي الحين لها متزوجه يمكن 4 سنوات ,
عموما زوجها مايدري عن اي شي حاصل من وراه
وطبعا فوق كل هذا زوجها ماسلم من لسانها ,
ولا شي يعجبها , آبببد كنه مايسوي لها شي
ويسافر فيها ويوديها ويجيبها لكن هي مابين بعينها
ومتمسكه بحبيبها اللي تعرفه من اول , رغم انها تزوجت وجابت بيبي ,
المهم , هي صورها عنده , وصور زوجها , ومن زود الثقه فيه معطيته ارقام اخوانهآ وابوهآ , ويعرف بيت اهلها وبيت زوجها وكل شي , واذا جت تقابله كانو يستاجرون شقه برا , ويسوون اللي يبون ,
المهم هي تهاوشت معه صار بينهم سوء فهم < هي وحبيبها ,
وجاء حقد عليها , وقالها بفضحك عند اهلك ,
وعند زوجك واخوانك وابوك وكل الناس ,
<< طبعا حبيبها قبل كان بالسعوديه , لكن الحين سافر لكندآ , للدراسه من قبل فتره ,
المهم , وجاء ارسل صورها عن طريق البريد لايميل اخوهآ ,
وجت كلمت اخوها وقالت له بيجيك ايميل فايروس لا تفتحه انتبه واحذفه , وماتدري للحين اذا اخوها شاف الايميل وصورها ولالا ,
ويقول برسل صورك حتى لزوجك ,
واي صح نسيت اقولكم ,
هي قبل ماتحب حبيبها هذا , كانت تحب واحد ثاني قبله , ولما تعرفت على هذا حبيبها اللي للحين وهي تكلمه , تركت الاول , والاول ماسك عليها صور وحاجات , وجت قالت لحبيبها الثاني اللي هو للحين معه , انو ابيك تفكني منه , وراح قابل الرجال وتفاهم معه , وخذا الصور منه , وخلاها في حال سبيلها ,
ومرت السنين , وهي مع حبيبها هذا اللي تخون زوجها معه ,
وبعد ماتهاوش معها قبل كم يوم وهدددها بنشر صورها , عند اهلها , جاء ارسل صورها اللي خذاها من الرجال الاول , ارسلها ثانيه للرجال نفسه اللي كان يهددها ,
يعني انقذها اول مره , بعدين رجع الصور للررجال نفسه ,
المهم , الحين زوجها مايدري ,
واهلها واهل امها يدرون ,عن هالسالفه ,
بس الحريم يدرون الرجال مايدرون ,
المهم انوُ , الحين ابي مشورتكم عشان ممكن شي يساعدها ,
وبصرآحه رغم ضيقةة صدري عليها وعلى بيتها وبنتها , الا اني راحمه زوجها واقول ان اللي صار لها , عقوبه من ربي لانها ماحفظت لا بيتها ولا فرجها ولا زوجها بغيابه ,
طبعا لا تقولون لي بلغو الهيئه , لانه اصلا هو الحين بكندآ ,
مايقدرون يتفاهمون معه او شي ء,
فـ شورو علي الله لا يهينكم
وبليز اللي ماراح ترد ياليت من الاساس ماتدخل دامها ماراح تررررد , ابي ردود لاهنتو
:) انتظركم , احوبكم كلكم ُ , 
11-01-2011, 02:06 PM
حبيبها يهددها وهي متزوجه < شورو علي
Fuoonkh 
رد: حبيبها يهددها وهي متزوجه < شورو علي
جديد منتدى منتدى الحياة الأسرية والزوجية
العرض العادي
