ماهو الأكل المفيد لأعطيه أبني .؟

[تناد]

انا بنتي برضو عشر شهور ما بطعميها من اكلنا كله بهارات ... بساويلها
شوفان و تمر ( بنقع التمر او بغليه و بخلط معه شوفان و بطحنهم عالخلاط)
خضار بدجاج و رز ( بسلق كوسى جزر بطاطا بصل ثوم و معه شوية رز و قطعه دجاج و عشان النكهة بحط كم ورقه روزميري و عود قرفه و شوية ملح ... بس يستوي كله بشيل الروزميري و عود القرفه و اذا قطعه الدجاج فيها عضم بشيلو و بخلطه علخلاط )
فواكه بأرز الاطفال او بالفارليز ( بنتي بتحب التفاح و الانجاص بقشرهم و بخلط معهم حبوب الرز الخاصة بالاطفال او قطعه فارليز و شوية مي و عالخلاط )
بودينج تفاح ( قشري التفاح و اسلقيه و شوية نشا و سكر و ماء زهر و اخلطيهم بخلاط بعدين اغليهم عالنار بصيرو متل المهلبية )
بسكوت ساده مع عصير فواكه طازجه بصير متل السيريلاك

طبعا الاكل المطبوخ عالنار فيكي تحتفظي فيه بصحون ليومين ثلاث بالتلاجه
اما الخضار او الفواكه الني المش مطبوخه اعملي كميات قليلة مقدار وجبه لأنه ما بيضل بتأكسد و بتغير لونه و بصير يضر

احيانا بعمل لبنتي شبه طبخنا لكن مهروس بالخلاط و بلا بهارات او زيت ... مثلا بسلق ورق السبانخ بلا ضلوع مع شوية رز و بصل و ملح بخلطه عالخلاط ... او ملوخيه مع رز و دجاج او ورق ملفوف بالرز و الدجاج و الثوم

تفنني للأمير الصغير وصحه وعافية