البيبي ما تحرك يوم ونص ..

[Um Dana]

بسم الله الرحمن الرحيم
السلام عليكم ورحمة الله وبركاته


كيفكم كروشات .. ؟


البيبي ماتحرك من يوم الخميس .. لليوم الجمعة الفجر ..

مو من عادته اول مرررة يسويها فيني .. هو شقي شوية فديته ...

والله خايفة .. مشيت واجد بالسوق بس عادي بالنسبة لي ..

بس خفت تاثر البيبي وماتحرك ...

ياربي حدي خايفة ..

قلت لزوجي يقولي .. عادي يمكن نايم ...


آه ياربي ... حدددددي خايفة طمنوني ..


وفخوذي من داخل يجيهم زي الشد ما اقدر امشي او احركهم او ارفعهم والصلاه اتعذب وياهم ... مين يصير لها زيي .. ؟

[فوق مستواااك]

عاااااااااادي يالغاليه من الحين تبداء تخف حركته وربي ذكرتيني بنفسي ظل جنيني مايتحرك يومين وراء بعض واخر شي صار من ضيق المكان مو قادر ياخذ راحته بالحركه

شوفي اكلي لك قطعة شكولاته وشوفي يتحرك ولا ..

[@دبدوبه@]

عادي حبيبتي كلي قطعة شوكولاه ونامي ع ظهرك وشوفي كيف يرافص

[قمر جدة]

ان شاء الله خير ياقلبي

شكلك بكرية

يجيهم اوقات كسل بس اذا زاد وماتحرك انصحك تروحي دكتورة

والله يحفظ لك جنينك

[أم أسيف]

شي عادي حتى أنا جنيني أخذ يومين كامله متحرك وبعدها صار يراقص ويرفس بعد إذا كنتي تحسي بشد في فخوذك إدهنيهم بزيت زيتون والله يسهل عليكي وعلينا إن شاء الله .

[نوتيلا]

والله كنت بفتح موضووع علشان الحركه انا من اليوم كله ماحسيت بالحركه زي امس والله اني اوسوس عاد فيه شي تعلمونا عليه نسويه علشان بس نتطمن عليهم والله يخليهم ويحفظهم لنا ويتمم علينا تكفوووون

[Um Dana]

هلا حبيباتي ..

الحمد لله رب العالمين ... كتبت لكم الموضوع وضليت ساعه يمكن بعدين قام يرقص .. ولا نام فديته ... احس فيه وانا نايمة .. سهران الشيخ مشمش ..


مشكورين فديتكم ... ربي يسهل علينا ..

[سموة المشاعر]

الحمدلله الله يسهل عليج وعليناا يارب

[دلع الأحساء]

الحمدلله

ولاتخافين ثانيه لسواها فيك خخ

لان الحين كسول كله يبي ينام

بس لصار 4 ايام وماتحرك هنا شكي وخافي وروحي المستشفى ع طول

[ام التوأم ان شاء الله]

ربي يتمم للجميع بالخير ونفرح بشوفتهم سليمين معافين تامين ويجعلهم ربي من البارين الصالحين وكل من قالت آآآآآآآآمين