الجلوكوفاج والكلوميد لتاخر الحمل

[عزيزة النفس]

السلام عليكم ورحمة الله وبركاته

اذا كان سبب تاخر الحمل لديكي هو تكيس المبايض وتم صرف الجلوكوفاج او الكلوميد لتنظيم الدوره فهذه مجموعه من اللستشارات جمعتها لكم في هذا الموضوع :

السلام عليكم بنات الله يرزقني ويرزقكم الحمل السليم المعافى التام يارب


سؤالي من كان عندها تكيس واستخدمت كلوكوفاج لوحده وبعدين حملت؟

وكم المده اللي استخدمت فيها الحبوب؟

لانه الدكتوره قالت عندي اكياس صغيره على المبايض حوالي سته او اكثر بس صغيره قالت استخدمي الجلوكوفاج ثلاث شهور واذا مانفع نعطيك كلوميد واذا مانفع نعطيكي الابر طبعا انا مدري وش الكلوميد وش الابر

مع العلم انه عندي ولد وقالت دامك حملتي قبل كذا ان شاء الله مافيه خطر


الردود:

- انا اعطتني هوه قالت لمدة 6 شهور والحمد لله استخدمته 20 يوم وانفجر الكيس اللي عندي مع انه كان صغير على كلام الدكتوره لكن اعطتني معاه حبوب منظمه للدوره لكن بصراحه كان الجلوكوفاج مررررره متعبني ماكنت اكل ولا اخرج من البيت صرت كاني اتوحم على كلام زوجي ...

الله يرزقني ويرزقك بالذريه الصالحه ....

-انا عندي ضعف وشوية تكيس وصرفته لي الدكتوره تقول مع الاستمرار عليه يقوي التبويض ويشيل التكيس بس يبي له وقت

-


الكلوميد منشط للمبايض .. وتساعد على الحمل بعد الله ..

والأبر تالمنشطه نفس الشي ..

-أناماحملت لي سبع سنوات واستخدمت الجلوكوفاج مع سورة البقرة وحملت

-والله ولا أدري وش وظيفة الجلوكوفاج ..
أنا كمان أستخدمه ..

الدكتورة رحت لها بعد الكلوميد تتابع التبويض في اليوم الـ 14 ..
ما لقت البويضة ..
عطتني جلوكوفاج لمدة شهر .. ودافتسون .. وحمض الفوليك مداومة عليه ..
وألحين نزلت الدورة .. عزززيرة مرة .. وآخذ كلوميد من جديد ..

والله يرزقني هالشهر بالحمل السليم يااااارب ..
ويرزق كل المتأخرات بالحمل .. يااااري يااااكريم .. إنك على كل شيئ قدير ..


-اختي انا نفسك بالضبط قالت لي عندك تكيس وصرفت لي كلوميد ثلاث شهور لاكن فيه وحده اعرفها شخصيآ عندها تكيس تفول استخدمت 10 فصوص ثوم نعمتها وحطتها في مرق وشربتها من ثالث يوم للدوره على الريق لمدة ثلاث ايام وبعدها راحت للدكتوره سوت اشاعه استغربت تقول الحمد لله مافي اي شي على الرغم كانوا مقررين عليها عمليه شوفي رحمة رب العالمين0

- استخدمت الجلوكوفاج مع ابر التنشيط وحملت لله الحمد والمنه
الجلوكوفاج = الميتفورمين

هو أحد أدوية مرض السكري الغير معتمد على الأنسولين

ممكن أن يعطى للتخسيس تحت اشراف طبي


انا استخدمت الجلوكو فاج ونحفت بسرعه فظيعه وبصراحه ماادري راح التكيس مني ولا لا لاني استخدمته قرابة الاربع شهور وبعدها حملت لا كلوميد ولاغيرة
نصيحه استمري عليه وابعدي عن الكلوميد والابر هي اللي تجيب لك تكيس والله انا مجربه وخذي نصيحتي
خففي اكلك وخذي الجلوكو فاج ولاتفكرين بالحمل اشغلي نفسك باي شي ماتدرين الا وانتي حامل ان شاء الله
الله يرزقك وادعي الله باستمرار في اخر الليل يوميا والله يعافيك ويشافيك ويرزقك

- انا مبديه الحين جلوكوفاج والله يكتب لنا كلنا الحمل السليم المعافى يااارب
بس ابي اقول لكم وحده من صاحباتي حملت على الجلوكوفاج بس
واملنا بالله وحدة يرزقنا ويقر عيوننا بضنى





-


السلام عليكم ..
انا مدري من فين ابدأ بس بعرضلكم قصتي..
انا قبل فترة كتبت مشكلتي بتاخر الحمل بالقسم وكانت فحوصاتي كلها تمام الا عندي مشكله نشاط بالغده الدرقية بس مو مره قالتلي الدكتورة اقرب للطبيعي يعني زايد يمكن 1 او نص عن المعدل الطبيعي يعني ماكان فيه مشكله لو كان زوجي سليم..
بس المشكله لما حلل زوجي طلعت عندو عدد الحيوانات المنويه مرررررررره قليله ادوه علاج كلوميد لمده شهرين .. وانا بس ادتني حبوب فيتامين ب2 لمده شهرين كمان فرحت انا انو علاجنا سهل ...
لكن بعد شهرين صارت عندنا ظروف قاهرة وكل شهر بنروح نراجع تجي ظروف جديده تمنعنا ..
المهم مرت 6 شهور واحنا ماراجعنا والشهر اللي فات رجعنا نراجع وعدنا التحاليل كللها من الاول ...والحمد لله والحمدلله والحمدلله طلع زوجي سليم وانحلت مشكلته وصار العدد كويس مره عنده حتى قال الدكتور له خلاص مش محتاج علاج انت سليم...
دحينه دوري وربي كنت برجف كله من التحاليل خايفه يطلعولي شي جديد
عملت تحليل هرمون الغده الدرقية والهرمونات الباقية وطلعت مزبوطه والحمدلله جعت سوت سونار للمبايض وكمان طلعت سليمه سوت تحليل تاني هرمون البروجسترون واليوم طلعت نتيجته مرررررره كويسه
بس المشكله طلعت عندي بالبويضات طلعت صغيرة بعد ماسوتلي اشعه المره الاولى واليوم كانت المره التانيه لقيت البويضات صغيرة ولقيت وحده كبيرة ومناسبه باليسار بس الباقي كلها صغار...
مع العلم انو لما سويت الاشعه اول مره قالت دكتورة الاشعه انو جايه بدري ودكتورتي اللي تعالجني قالت لا بالعكس عادي
واليوم لما سويت التانيه قالت دكتورة الاشعه ليش تاخرتي ؟؟ قلت بالعكس انا جايه على حسب موعدكم اللي قالتلي عليه الكتورة قعدت تفحصني وتضحك مدري ليش
لما خلصت سالتها خير ان شاءالله قالت والله صغيرة عندك البويضات وانا سمعتها تكلم السستر بالانجليزي وعرفت انو بويضاتي صغار من كلامها بس قلت بتاكد
فجاه قالتلي فيه وحده كويسه باليسار كبيرة ومناسبه بس كمان زعلت..
رجعت للدكتورة اللي تعالجني وقالت يابنتي الحمدلله انتي كل فحوصاتك ممتازة والله يكرمك قلت امين بس قالت عندك التبويض مش عاجبني وكتبتلي على علاجين واحد جلوكوفاج حبتين باليوم والتاني duphaston كمان حبتين باليوم ...بس مو متاكده كانو واحد منهم قالتلي لما تجيكي الدورة خديه ماتاكدت بالزبط .... بس لما قريت عن الجلوكوفاج خفت من الكلام اللي قريته يقولو حق مرضى السكر وبعضهم قال خطير وللان مااخدته ابغى استفسر عنه واتاكد انو في بنات جربوه؟؟ ابغى اعرف التجارب قبل ما اخده سااااااااااعدوني بليييييييز

معليش طولت عليكم بقصتي بس لانو خايفه قلتلكم من البدايه عشان تكونو بالصورة

الردود:

طيب ياقلبي الحمد لله ان كل تحاليلك سليمه..
وصغر البويضات علاجها مرررررررررره سها ان شاء الله ..عليك بالمنشطات وهي تكبر حجم البويضه ولاتخافي ولاشي..
والغريب انها عطتك جلوكوفاج؟؟ هذا ينصرف للي معهم تكيس,,
المفروض تعطيك كلوميد لانه منشط
وربي يكتبلك الخير

- لا تخافى انا اخدة ليا سنتين هو بالاول متعب شويه بس بتتعودين عليه و الله يرزقك

__________________
-الجلوكفاج عشان يعالج التكيس ...

- انا صرفته لي الدكتوره عشان التكيس واهو نفسه ضعف التبويض بس ما استخدمته خفت منه نفس حالتك يعني انتي لا تخافين استخدميه وتوكلي على الله لا تصيرين خوافه زيي

__________________
شوفي ياقلبي انتي لازم تتأكدي اذا معك تكيس خوذي الجلوكوفاج وانتي مرتاحه...
اما اذا مو معك وعندك بس ضعف تبويض خوذي منشطات مثل الكلوميد تحت اشراف طبي..
وبس

--------------------------------------------------------------------------------

الجلوكوفاج للي فيهم تكيس
بعض الدكاااتره مايقلوون انه فيك تكيس عشان المريضه ماترتاااع
اذا رحتي لها سأليها انه فيك تكيس ولا
لكن هي عاارفه شغلها

-



-

[عزيزة النفس]

هو عمل الجلوكوفاج ؟؟
الجلوكوفاج او الميتفورمين هو دواء فموي يستخدم للتحكم في مرض السكري من النوع الثاني ويحبذ
استخدامه لدى الاشخاص المصابين باارتفاع الوزن وهو يعمل عن طريق تقليل امتصاص الجلوكوز من
الجهاز الهضمي ويزيد حساسية مستقبلات الانسولين للانسولين ممايزيد من امتصاص الخلاياا للجلوكوز
في وجود استقبال جيد من مستقبلات الانسولين ,,كماا انه يقلل من الانتاج الكبدي للجلوكوز ,,
هل ممكن ان يسبب لي ضرر على المدى البعيد ؟؟
الجلوكوفاج دواء امن وقد يعطى بجرعات عاليه للتحكم في سكري الدم مع الحميه او الادويه الاخرى
او لوحده ولكنه يمنع عند :
اولا .. مرضى المصابين بالفشل الكلوي
ثانياا ... المرضى المصابين بهبوط القلب
ثالثاا .. المرضى المصابين بهبوط وامراض بالكبد ..
الدواء قد يسبب اعراض هضميه مزعجه مثل الام البطن والغازات والاسهال والغثيان ولكن عند
اعطائه بجرعات عاليه وعند بعض الاشخاص وليس الكل ..
الاستخدام الطويل قد يسبب ارتفاع في مستوى الهيموسستين بالدم وقد يسبب منع امتصاص فيتامين
بي 12 وذلك اذا كان هناك استخدام طويل ....
متى انسب وقت لتناوله اثناء الاكل او بعده او قبله ؟؟
اثناء وجبة الاكل ...
يوجد منه انواع 500 و850 و 1000 هل تعتمد التغذيه على حجم الحبوب ؟؟
يعتمد على مستوى السكر بالدم لديك وافضل جرعه قد تساعد في التحكم في سكر الدم



ودمتم بصحه وعافيه

[الشوق عطري]

شـكــ وبارك الله فيك ـــرا لك ... لك مني أجمل تحية .

[أم النونو]

شـكــ وبارك الله فيك ـــرا لك ... لك مني أجمل تحية .

[عزيزة النفس]

مشكورين على المرور الله يعطيكم العافيه

[ريماس بي]

انا حكتلي الدكتورة عندي تكيس خفيف وكتبتليه الكلوكوفاج ودورتي مو منتظمة
هل الكلوكوفاج بنظمها بليز

[حكاية عطر]

انا كان عندي حمل خارج الرحم وشالو انبوب اليمنى وبعد سنة سويت فحوصات ووجد عندي تكيس بسبب المنشطات الان حالتي لا يسمح لها باخذ ها سبحان اللة كل لجيت اسوي صبغة شي يمنعني بعدين قلت بسوي موعد في العسكري وراحت ووجدت تكيس وصرفت لية جالوكوفاج لمدة 3 شهور بس احس بان وزني كل مالة يزيد وامساك مرة قوي <اللة يكرمكم>

[ريماس بي]

انا بحكيلكم قصتي والله على ما اقول شهيد انا ضليت سنة متزوجة وما صار عندي حمل كانت دورتي تيجي كل 40 يوم او اكتر بشوي مع انو وانا بنت كانت منتظمة مية بالمية المهم ببلشت اروح عدكتورة من الشهر السادس من الزواج كالتلي عندي ارتفاع هرمون حليب شوي اخدت العلاج 3 اسابيع
ضليت شهرين ورجعتلها حكتلي تكيس خفيف بس انا خلص شلتها من راسي حسيتها مو شاطرة
وسافرة عن جوزي شهرين عشان امتحاناتي ببلدي وهناك رحت عدكتورة حكتلي شوية التهابت وعطتني تحاميل وعفكرة كل هالاشياء وجوزي ما كان عامل فحص لاني حاسي المشكلة مني رجعت عندو ورحت عند دكتورة غير الله يوفقها حكتلي تكيس عادي واعطتني الكلوكوفاج والله ضليت حامل بنفس الشهر وانا هسا بشهر السابع وفيني ولد ادعولي اقوم بسلاميي

[موطن أزهاري..]

السلام عليكم ورحمة الله وبركاته..

انا صار لي سنه وخمسه شهور من يوم تزوجت..

وكنت اعاني من التكيس بس الحمدلله كان بسيط تابعت حالتي مع الدكتوره واعطتني

حبوب جلو فاكج مدة شهرين وخلال هالفتره استخدم كلوميد بس ايام الدوره والحمدلله انتظمت على

العلاج والحمدلله الشهر الثالث صار حمل بس ربك ما راد وسقطت وانا بشهر ونص بس الحمدلله

زاد الامل داخلي واوصيك بالاستغفار وقراية الاذكار بالصباح والليل والصلاه اخر الليل والدعاء

وربي يوفقك ويرزق كل محروم الذريه الصالحه,,

اتمنى لك التوفيق..

[أحلم في بنوتة]

مشكورين اخواتى عرفنا مشكلة التكيس فما هى مشكلة الكيس الله يخليكو