بناات تعالوا ابي فزعتكم مع اختكم فديييتكم

[**سماسم**]

الله يباركلج بالمبلغ ويصرفينه بالعافيه يارب ..
حلو التغيير وحلو الوحده تخصص مبلغ كبير لها تلع فيه روحها لأن الفلوس طايره طايره فحلو لو أستغلت بصالح الوحده وبتغيير لنفسها مو لزوج أو لغير لأنها لو سوت تغيير عشان خاطر فلان ولافلانه مراح تحصل لنتيجه مرضيه لاله ولا لها اما إذا كان التغيير لنفسها راح يكون التأثيره على الغير أكثر حتى منها لأنه راح ينبعث من روحها ويكسبها ثقه ..
قسمي البلغ بالبدايه على ثلاث أجزاء وكل جزء 10000
أول جزء خصصيه لشعروالبشره والجسم بشكل عام ومستلزماتهم (روحي لمركز صحي متخصص للبشره ومشهور )حتى ماتضيعين فلوسج على الفاضي أهم شيء عندنا النتيجه تكون حسب رغبتنا .. ومن الأخصائيه راح تعطيج نصائح للبشره وقولج شنو إلي ناسبها ولي تحتاجينه سواء إزالة شعر بالليز تنظيف البشره وغيره والشعر تروحين لصالون مشهور وسمعته قويه وشغله ممتاز لأن معروف الصلونات الكبيره تحاول تحافظ على سمعتها وأغلاطهم نادره ..

الجزء الثاني من البلغ خصصيه للبس والشنط والعطور والساعات .. وأشتري شنطين أو ثلاث من الماركات ولاتكثيرين لانج راح تدفعين مبلغ شوي كبير عليها ووبشكل عام الباق إذا كانت ماركه مشهوره مارح تأثر عليها حتى لو جلست عندج خمس سنوات ومن الماركات
ناين ويست ,تشالرلزأند كيث هذا أحد تشكيلتهم الجديده http://www.charleskeith.com/media/Ch...style-aw-3.jpg
وعندج ميلانو سكوير ,ألدو, فنسي , زارا) هذي المحلات تلاقينها بأغلب المجمعات أسعارها حلوه سواء لشوز أو الشنط ..
الملابس سواء للبيت أو لطلعات العاديه (تي شيرتات +جنز+فساتين ناعمه+قمصان)
زارا , بيرشكا ,مانجو,فمي نان ,نيو لوك,كوتون ,H&M,برمود,تيرينوفا)هذي المحلات إلي ببالي الحين ..
الانجري وقمصان النوم عندج
(ايتام ,لاسنزا,لافي أن روز,وويمن سكيريت,نعومي )
الساعات أخذي لج وحده فضي والثانيه ذهبي ولج الأختيار (الحميضي ,الشايع)
الأكسسوار بشكل عام متواجده بكل مكان ولج الاختيار حسب ذوقج ..
العطورات نصيحه أخذي العطر إلي يناسبج وحسب ذائقتج لابذوق غيرج لانه أنتي إلي تستخدمينه ومحلات العطور عندج (وجوه , سافورا ,باريس غاليري )
والعود مهم وعندج(الماجد , عبد الصمد القرشي, أجمل)
الكريمات ومعطرات الجسم مهمه وعندج
(ذا بودي شوب ,لوكستيان ,نكتار, إيف روشيه(عندهم مجموعه الحمام المغربي روعه ))
الميك أب :
فيه للأستخدام اليومي وفيه لسهرات :
عندج (ذا بوي شوب , ماكس فاكتر,ماك ,شارمل ,شانل, ديور, مكياجي)
والمبلغ الأخير خليه إحتياط تزودين على النواقص من التقسيمات السابقه ..
وإذا تذكرت شيء أكيد بزيده هنا ..
وربي يسعدج ويهنج
,,