دردشة حوامل أهل الرياض - دردشة بنات الرياض - تجمع حوامل الرياض

[أمونه*]

المشاركة الأصلية كتبت بواسطة أنا بدونك "no thing"

جوري ربي يتمم لك على خير مستشفى العسكري والله ما أعرف عنه شي إن شاء لله البنات يفيدونك
بس تبين نصيحتي لا تعتمدين ع المستشفيات وأقوال الناس وربي الولاده شي مكتوب عند ربي العزيز الكريم وأدعي إن الله يسهل ولادتك ويهونها وصدقيني راااااح تكون
ولادتك ممتعه بس صلي وأدعي بخضوع من قلبك وتشوفين أحلا ولاده
وياما وياما في حريم يولدون بأرقى المستشفيات وتكون ولادتهم صعبه
والولاده حظوظ صدقيني أنا فبكري البنت أشرفت ع الموت والقابله ماساعدتني بس تناظر فيني وتبكي معي 18 سااااااعه طلق حار وأعطوني ثلاث تحاميل وماانفتح الرحم
وبولادتي الثانيه بالشهر التاسع كنت أصلي وأدعي وأبكي وتوكلت ع ربي
ورحت ميته من الرعب
والحمد لله ربي سهل لي ولادتي 4 ساعات وجبت طبيعي وكان التاريخ 1/1 وحطوني بجناح ملكي وووواااو
وهو نفس المستشفى الحرس
وكثير يمدحونه وكثير يسبونه وماتدرين يعني يالغاليه توكلي ع ربي وشوفي المستشفى اللي يكفي ماديتك
أعذريني ع الإطاله بس حبيت أريحك

يااااااالله ... 18 ساعه وثلاث تحاميل تصدقين يبغالها الحمد لله على سلامتك وسلامة بنوتك حتى ولو متأخره
انا ادوني نصف تحميله بغيت اموت حسبي الله عليهم
بس انا اعرف مايدون التحميله إلا إذا كان الرحم مفتوح ولو واحد سانتي وغلط يدوك ورحمك مسكر

الله يسهل عليك هذه المره ولا تحتاجين اي شي يجي الطلق وتولدين بيسر وسهوله
بس ها لا تسوين زي باقي البنات لما ولدوا اختفوا ولا ندري عنهم شي الله يسامحهم


الصمت ... معليش اعذريني ضعت ونسيت ارد على سؤالك
والله ياقلبي ماادري عن دله بالتفصيل بس يلي ولدوا فيها قالوا ممتازه والنظافه ممتازه

[راجيتن الله]

المشاركة الأصلية كتبت بواسطة مخملية عين

حبيبتي الأميرة روحي او كلميهم قولي انا حامل بفتح ملف حمل

كلمي حق النساء والتوليد

تخيلي انا قفلوا ملفي بالجامعي

وقالوا روحي للتأهيل وقولي لهم يفتحون ملف لك ورحت طلبت أني افتح ملف

قال بعد اسبوع تعالي واليوم المفروض اروح وزوجي مسافر

السبت بروح

ليه قفلوه

يمكنك تاخرتي ماجيتي المستشفى

يمكن عديتي سنه مازرتيهم

[راجيتن الله]

المشاركة الأصلية كتبت بواسطة كوينات

حبيباتي أنا اول مره ادخل هالتجمع وانا من الرياض فديتها وبشهري الله يهون علي
وعلى كل المسلمين
ابي اعرف اذا تعرفون سوق اسمه سربال أظن كذا اسمه
اول مره اسمع به وينه فيه بالضبط ؟؟
يقولون انه مثل الهرم اللي يعرف موقعه بالضبط يقولي
ولكم مني جزيل الشكر

هلا بك حبيبتي


بصراحة أول مرا اسمع فيه

يمكنك ماعرفتي الاسم صح

[راجيتن الله]

المشاركة الأصلية كتبت بواسطة بنت الاجواد

مستشفى الحبيب وش رايكم فيه للولاده

\
مو سئ لا

بل اسوء من السئ

وعلى فكره بنك الدم عندهم دايم فيه نقص

يعني لو حصل لك نزيف وفيه نقص بالدم عندهم صعب يسعفونك

لاقدر الله

[عشق طفله]

انا بدونك: مشكوووره جزاك الله خير وجعله بموازين حسناتك
:$

[الأام الحنون]

سلام ناا من الؤياض كيفكم

[مخملية عين]

وعليكم السلام واناا من الريااض

[@@الجوووري@@]

انا بدونك رحت حللت سكر عند طبيبه ثانيه قالت مافيك سكر مافيك الا فقر دم حاد

[ღ°• صـمـتے حـڪـايـہ •°‏ღ]

صباح الخير اخباركم والله يهون ويتمم على كل وحده حامل ويرزق كل محرومه
ميين صاحيه ومروقه تسولف معأي

[منولة 3]

المشاركة الأصلية كتبت بواسطة ღ°• صـمـتے حـڪـايـہ •°‏ღ

صباح الخير اخباركم والله يهون ويتمم على كل وحده حامل ويرزق كل محرومه
ميين صاحيه ومروقه تسولف معأي

صباح النور صمتي حكاية انت موجوده ولا طلعت انا صاحيه من الساعة 6 ولا شفتك الا من شوي ياليت كنت عارفه انك موجوده