دردشة حوامل أهل الرياض - دردشة بنات الرياض - تجمع حوامل الرياض

[زهور الريف]

المشاركة الأصلية كتبت بواسطة سهونه

اهلين حبيبتي زهور كيفك
ياقلبي كل المستشفين حلوين الجامعي ولدت فيه امي واختي مررررررررررره رووووعه
ومدينة الملك فهد ولدو فيها بنات خالتي ومره حلوه ..
يعني اختاري واحد منهم وانتي متوكله على ربك لانهم اثنينهم حلوين ..

الله يكتب اللي فيه الخير


بس أنا سمعت كلام عن المدينه وخوفوني منه
والكلام من قرايب لي

عشان كذا أنا محتاره

الله يجزاك خير على الرد
ويعطيك الف عافيه يا عسل


أتمنى بعد اللي يعرف بعد يفيدني
والف شكر لكم

[يارب ترزقني بطفل أضمه]

هلا ياقلبي الله يهون عليم ويتمم حملك والله مدينة الملك فهد ولدت فيها زوجة اخوي وبنت عمتي مايمدحونها بس ياقلبي الناس تختلف التوفيق من ربي يالغلا

[قلب حبيبي ونبضه]

بسم الله صباح الخير كروشات،، انا الحين بالثامن وباذن الله راح اولد بالمستشفى التخصصي الطبي الاهلي عند الدكتوره ناديه الحمضي لاني جربتهم بولادتي الاولى مرره حلوو المستشفى عنايته والدكتوره مرره طيبه وحبابه ،،،
اما بالنسبه لملابس الحمل اخذت فساتين قصيره ونعومه من سنتر بوينت ومن مذركير وزارا مرره عندهم اشياء حلووه وناعمه ،،

واما لنونو اخذت له من مذركير وسنتر بوينت وبس

واي سؤال انا حاضره ،، بالنسبه للمستشفيات الحوميه والله ماعندي خبره عنها واله يسهل علينا ويقومنا بالسلامه ويقر عيوننا،،

[سموةالجرح]

مرحبا بنات انا من الرياض فديته وفديت من سكن فيه بس بتكلم عن مشكله عند جميع العالم احنا عايشين بحاجه اسمها ورا الخيل ياشقرا مثلا انا حبيت افتح ملف وعجبني مستشفى المملكه المهم فيه اشيا ومميزات ماتوجد الا بممدينة الملك عبد العزيز الطبيه اللي فيه الدكتور الربيعه ومين مايعرفه المهم مالكم في طويل السالفه سمعت قريت انتقادات كثيره منها ولاده قيصريه تخويف رعب ياويلي ويلاه تقلي جالسه اشوف فلم مرعب المهم قررت اروح للحبيب الحمادي التخصصي الخ


وجميعها انتقااااااااااااااااااااااااااااااادات


فكرت اولد بالبيت من كثر ماسمعت ههههههههههههههههههه


وش رايكم كلامي صحيح او لا

[سهونه]

اهلين حبيبتي زهور
عندك مستشفى الجامعي امي من اول واحد من اخواني لاخر واحد منهم واهي تولد بالجامعي مررررررره خيااااال
وبعدها ولدت اختي فيه تعااااااملهم مررررره حلوووووو ..
والله يهون عليك وعلينا يااااااااارب

[مملكة الاحساس]

اهلين كيفكم انا حامل في الشهر الثالث
انا من الرياض واراجع في دله عند الدكتوره جيهان فاروق
هذا حملي الثاني وانا ارحب باي استفسار من اي حامل لاول مره وبالنسبه للتجهيزات لسه بدري ماسويت ولا شي وشكرا

[مملكة الاحساس]

بالنسبه للمستشفيات انا معاك كلها كلام فاضي والتسهيل من عند رب العالمين
الوحده فينا لاحملت قامت تسأل وش أحسن مستشفى ووش احسن دكتوره ونسينا نفكر في شغلات ثانيه اهم وهي العادات الصحيه السليمه للحامل من اكل وشرب ونوم وغيره واحنا اللي ساعدنا على انتشار حمى المستشفيات بينا
في النهايه اللي كاتبه رب العالمين بيصير والله لو ان الوحده عند احسن دكتور في العالم
ولا وش رايكم

[angel_nanour]

قلب جبيبي و نبضه .. انا اراجع بمستشفى التخصصي الاهلي كمان عند الدكتوره ليلي ... عندي بس استفسار عن الولاده
هل الدكتوره نفسها اللي تتابعي عندها هي اللي تولدك ؟؟؟ ولا المناوبه ؟؟
انا بصراحه كل اللي ولدو فيها قالولي انه المناوبه اللي تولد
انتي كيف نظامك و كيف دكتورتك تنصحيني احول عندها ؟؟ بصراحه دكتوره ليلى مره شاطره بس ساااكته الا اذا انا سألتها ؟؟ و ايش جنسيتها دكتورتك

[تولين]

انا الي اعرفه ان الي يولد المناوبه حتى الاهليه بنات خالاتي في دله ويولدونهم الموناوبات
وانا اعرف ان مدينه الملك فهد قسم النساء حلو بس الاطفال محد يمدحه وخالد انا اراجع فيه وحلو وصديقتي ولدت فيه وتقول خطير الله يهون علينا ويسخر لنا دكتورات على سنع

[angel_nanour]

ملكه الاحساس .. كلامك جواهر ( التسهيل من عندرب العاليم )
احس ان الولاده مثل البطيخه ياااا قرعه يا حلووووه والله يستر
بس انا اللي اقصده في مستشفيات يستكسبون و يسون قيصري علشان الفلوس و صاارت كثير و من دكتوره لدكتوره تفرق في دكاتره يطولون بالهم عليكي لاخر لحظه في دكاتره يملون و يقولون قيصري و يرحوا بالهم هذا قصدي انه المستشفى زين ولا لا


انا سمعت انه مستشفى مشاري حلومريحين و فيه دكاته شاطرين ,,, فيه احد سمعه عنه شي ؟؟