كيف اساعد طفلي على الكلام

[عيش الحياة]

السلام عليكم ورحمة الله وبركاته

اريد ان اساعد طفلي على الكلام عمره سنة وسبعة شهور ولا يتحدث قبل شهرين نطق بكلمتين وبعدها مانطق فيها اظن نسي اريد ان اساعده في الكلام الكل يقول ولدك ليش مايتكلم

ما الواجب علي فعله؟
ما هي الادوات التي يجب ان احضرها لمساعدتي؟
كم مره في اليوم يجب ان اجلس بجواره واعلمه وما هي طريقة التعليم؟

علما انه لا يختلط با اطفال الا في النادر
خايفه وحابة ان اتفادى المشلكة من بدايتها ولكم جزيل الشكر لكل من تساعدني

[نجوم]

الطفل في هذا العمر ينطق بعض الكليمات السهله وينسى ثم يتعلم وينسى
بس انتي تكلمي معه بشكل مستمر علشان يتعلم منك الكلام بسرعه
انا عندي بنوتة عمرها سنه احاول معها انها تنطق واتكلم معها مثل اذا في يدها شيء
حلاوا ردداسمه عليها او ماء واذا جلست معها اتكلم بشكل مستمر

[عيش الحياة]

اشكرك اختي نجوم ما قصرتي الله يحفظ طفلتك
اخواتي احتاج مساعدتكم

[um 3lo0oi]

اني ولدي كمل سنتين وتوه يقول كم كلمة ومايركب كلمات يعني مايقول كلمتين ولايكون جمل بس يفهم ويعرف الكلمات اللحين وابي اشتري له العاب فيهم كلام يرددد ورراهم وجدي وسولفي مع واجد

[ويبقى الامل بالله]

الله يعطيك العافيه حبيبتي
اناولدي كذا مايجتمع مع اطفال كثير بس الحمدلله يتكلم
لاني ماتركه وحده كل اتكلم معه كأنه كبير
وكلمه وقت دخول الحمام وقت الاكل وقت العب
حاولي تشتري كتب فيها صور حيوانات وعلميه وقلدي اصواتهم
وجلسيه يم قناة براعم
وصدقيني راح يتكلم تفاىْلو باالخير تجدوه

[عيش الحياة]

الله يسعدك يا اختي ولدي صار عمره سنة وعشر شهور نطق بكلمات جديدة بس نفس الحالة ما يرددها الا في النادر او يكون يلعب الله يسهل يارب ويتكلم

[ليال الشتاء]

عادي يا اختي لا تخافين تكلمي معاه كثير هو باقي صغير والاطفال مو مثل بعضهم لاتخافين الا اذا كان عمره فوق3 يعني عادي ولا تقارني طفلك بغيره لان الاطفال مو مثل بعضهم انا بنتي ما شاء الله عليها تتكلم وتفهمي عليها وولد عمها اصغر منها ب4 شهور وما تفهمين الا بعض الكلمات يعني عادي وعمر بنتي 2 وسبع شهور
شوفي انا ولدي وبنت خالته اصغر منه بشهر هو الحين عمره 1 وثلاث شهور ينطق كلمات بسيطه واحيانا مو دايما وبنت خالته ماشاء الله عليها تقول كلمات كثيره وتنادي اخواتها
يعني على حسب بما ان ما عندك اطفال كثير عادي ولا تفكري في كلام الناس اللي يعطيه اهتمام راح يتعب
اهم شيء ولدك بصحه وعافيه ونطقه كويس للكلمات اللي ينطقها معليك يكبر ان شاء الله ويزعج من كثره الكلام

[عيش الحياة]

اشكرك بجد طمنتيني الله يخلي لك اولادك ان شاء الله يارب اسمعة يتكلم صحيح هو نطق بعض الكلمات بس المشكلة ما يرددها دائما يعني من فترة الى فترة تسمعي كلمة

[ليال الشتاء]

معليك يا قلبي لا تخافين عادي اهم شيء ينتبه لك اذا ناديتيه ونطق ماما وبابا وكلمات ثانيه صح معليك يعني الحمدلله ما عنده مشكله لاتخافين وريحي رأسك وعلى قولتهم كبري المخده على كلام الناس هههههه يعني كانك نايمه ما تسمعين شيء

[عيش الحياة]

مشكورة وجزاك الله خيرا ياليت مانسمع لكلام الناس