ساعدوني..نفسية المريضة بعدعمليةاستئصال الثدي

نرجسة · 08-06-2011, 10:55 PM

السلام عليكم ورحمة الله وبركاته ..
كيف حالكم اخواتي .. ان شالله تكونو باتم الصحة والسعادة
حبيباتي عندي اخت زوجي من فترة اكتشفنا انو معناها سرطان الثدي "والحمد لله على كل حال".. وهي لساتها صبية صغيرة ياحبيبتي المهم جرت الاحداث والامور وبسرعة قررولها العملية لانو نوع الخلايا السرطانية سريعة الانتشار ..
عملت العملية والحمد لله صحتها بخير ولكن نفسيتها سيئة للغاية ..
ومعها حق الله يصبرها يارب "" ادعولها اخواتي ""
هي متزوجة وعندها 3اطفال
عم تعتبر اي حدا عم يحكي معها او بدو يشوفها شفقة وهي عم تقول لماما""حماتي"" انو مابدي حدا يشفق علي راحت عند اهلي""بيت حماي"" بس حتى بقيت بعبايتها وحجابها وعم تنزعج لما حدا يتصل يتطمن عليها ومابدها حدا يسالها عن اي شي بخصوص عمليتها حتى اخواتها مو بس انا
انا مغتربة وطبعا هنن بسوريا وانا هون لحالي انا وجوزي وطبعا انا طول الوقت قلبي غليان عليها وبالي وقلبي عندها وكل يوم عم اتصل بماما اتطمن عليها كيف بقدر اتصرف معها شو الشي المناسب
اللي عندها قصص مشابهة او بتعرف كيف نفسية المريضة وكيف لازم نتعامل معها ياريت تساعدوني.....؟

اللؤلؤة اللامعة · 08-06-2011, 11:16 PM

حبيبتي لازم نؤمن بقضاء الله وقدره صح الامور هذه صعب تقبلها بس مافي غير نقول الحمدلله على كل حال وربنا يصبرها ويرفع ضرها

نرجسة · 08-07-2011, 04:06 AM

اقتباس:

المشاركة الأصلية كتبت بواسطة اللؤلؤة اللامعة

حبيبتي لازم نؤمن بقضاء الله وقدره صح الامور هذه صعب تقبلها بس مافي غير نقول الحمدلله على كل حال وربنا يصبرها ويرفع ضرها

جزاك الله خيرا حبيبتي .. وتشكري ع ردك
اميييييين يارب تصبرها
بس حبيباتي اخواتي رجاااااء كيف احسن طريقة نتعامل بها معها عشان ما نؤذي مشاعرها ؟!

ام سلطااان · 08-07-2011, 04:25 AM

الله يصبرها ويكون في عونها ......طبعا بتكون حساسه كثير من اي شي بس تعاملي معاها بنفس ماكنتي تتعاملين معاها قبل العمليه ولا تسأليها اي شي بخصوص العمليه

نرجسة · 08-07-2011, 07:34 PM

يعني برايك ام سلطان اتصالاتي كل يوم عم تجرحها ؟؟
لاني عم اتصل بس اتطمن عليها لانها بتتألم من العملية والجرح
مشكووووووووووووورة يااختي الله يجزاك الخير حبيبة قلبي

نرجسة · 08-08-2011, 04:37 AM

شو اخواتي معقولة مااحد بيعرف حدا عندن نفس المشكلة؟

عبير 99 · 08-08-2011, 04:51 AM

الله يصبرها ويربط على قلبها
ولا يبلانا فيما ابتلاها

اسمعي خيتو .. حاولو تتناسو الموضوع بس اكيد ماتنسو الدعاء لها في ظهر الغيب
وغير هيك ياليت تعمل عمليات تجميليه لما بعد الاستئصال ( سمعت عنها بس ماني فاهمه الفكره تماما )
وكمان ياليت تزور طبيب نفسي يساعدها ع التغلب على هاي المرحلة الصعبه شوي
وربي يشفيها ويعافيها .. ويعين الجميع ياحي ياقيوم

*ام هيثم* · 08-08-2011, 02:22 PM

ما فيني احكي الا

الله يشفيها ويشفي باقي المسلمين والمسلمات يارب العالمين

نرجسة · 08-08-2011, 05:25 PM

اقتباس:

المشاركة الأصلية كتبت بواسطة زوجت ماجد

الله يصبرها ويربط على قلبها
ولا يبلانا فيما ابتلاها

اسمعي خيتو .. حاولو تتناسو الموضوع بس اكيد ماتنسو الدعاء لها في ظهر الغيب
وغير هيك ياليت تعمل عمليات تجميليه لما بعد الاستئصال ( سمعت عنها بس ماني فاهمه الفكره تماما )
وكمان ياليت تزور طبيب نفسي يساعدها ع التغلب على هاي المرحلة الصعبه شوي
وربي يشفيها ويعافيها .. ويعين الجميع ياحي ياقيوم

امين ربي يسمع منك
الله يجزيكي الخير ياحبيبتي تسلميلي على تفاعلك
والله يديم الصحة والعافية علينا يارب مشكورة مرة تانية ويعطيكي الف عافية

نرجسة · 08-08-2011, 05:26 PM

اقتباس:

المشاركة الأصلية كتبت بواسطة *ام هيثم*

ما فيني احكي الا

الله يشفيها ويشفي باقي المسلمين والمسلمات يارب العالمين

امييييييييييين يارب تشفيها وتعافيها وتعينها على مصيبتها وتلهمها الصبر ياارحم الراحمين
مشكوووووووووورة غاليتي

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تغيرات الثدي اثناء الحمل والام الثدي	قطرات ندى	إستفسارات حوامل ثلاثة شهور الأولى	109	01-14-2012 08:57 PM
نفسية زفت	tefa	منتدى أعراض الحمل والوحام	30	06-06-2011 02:01 AM
آلام الثدي - ألم أو نغز أو الاحساس بامتلاء الثدي	روح الورد	المنتدى الطبي الــعــام	21	10-23-2010 05:48 AM
ساعدونى ...استفسار عن قلة الحليب فى الثدى	الهندية	منتدى الرضاعة الطبيعية والصناعية	8	05-16-2010 03:08 PM
من حق المريضة او المريض مناقشة الحالة مع الطبيب	demoshka	المنتدى الطبي الــعــام	2	05-16-2010 04:56 AM