|
ساعدوني..نفسية المريضة بعدعمليةاستئصال الثدي
السلام عليكم ورحمة الله وبركاته ..
كيف حالكم اخواتي .. ان شالله تكونو باتم الصحة والسعادة حبيباتي عندي اخت زوجي من فترة اكتشفنا انو معناها سرطان الثدي "والحمد لله على كل حال".. وهي لساتها صبية صغيرة ياحبيبتي المهم جرت الاحداث والامور وبسرعة قررولها العملية لانو نوع الخلايا السرطانية سريعة الانتشار .. عملت العملية والحمد لله صحتها بخير ولكن نفسيتها سيئة للغاية .. ومعها حق الله يصبرها يارب "" ادعولها اخواتي "" هي متزوجة وعندها 3اطفال عم تعتبر اي حدا عم يحكي معها او بدو يشوفها شفقة وهي عم تقول لماما""حماتي"" انو مابدي حدا يشفق علي راحت عند اهلي""بيت حماي"" بس حتى بقيت بعبايتها وحجابها وعم تنزعج لما حدا يتصل يتطمن عليها ومابدها حدا يسالها عن اي شي بخصوص عمليتها حتى اخواتها مو بس انا انا مغتربة وطبعا هنن بسوريا وانا هون لحالي انا وجوزي وطبعا انا طول الوقت قلبي غليان عليها وبالي وقلبي عندها وكل يوم عم اتصل بماما اتطمن عليها كيف بقدر اتصرف معها شو الشي المناسب اللي عندها قصص مشابهة او بتعرف كيف نفسية المريضة وكيف لازم نتعامل معها ياريت تساعدوني.....؟ |
رد: ساعدوني..نفسية المريضة بعدعمليةاستئصال الثدي
حبيبتي لازم نؤمن بقضاء الله وقدره صح الامور هذه صعب تقبلها بس مافي غير نقول الحمدلله على كل حال وربنا يصبرها ويرفع ضرها
|
رد: ساعدوني..نفسية المريضة بعدعمليةاستئصال الثدي
اقتباس:
اميييييين يارب تصبرها بس حبيباتي اخواتي رجاااااء كيف احسن طريقة نتعامل بها معها عشان ما نؤذي مشاعرها ؟! |
رد: ساعدوني..نفسية المريضة بعدعمليةاستئصال الثدي
الله يصبرها ويكون في عونها ......طبعا بتكون حساسه كثير من اي شي بس تعاملي معاها بنفس ماكنتي تتعاملين معاها قبل العمليه ولا تسأليها اي شي بخصوص العمليه
|
رد: ساعدوني..نفسية المريضة بعدعمليةاستئصال الثدي
يعني برايك ام سلطان اتصالاتي كل يوم عم تجرحها ؟؟
لاني عم اتصل بس اتطمن عليها لانها بتتألم من العملية والجرح مشكووووووووووووورة يااختي الله يجزاك الخير حبيبة قلبي |
رد: ساعدوني..نفسية المريضة بعدعمليةاستئصال الثدي
شو اخواتي معقولة مااحد بيعرف حدا عندن نفس المشكلة؟
|
رد: ساعدوني..نفسية المريضة بعدعمليةاستئصال الثدي
الله يصبرها ويربط على قلبها
ولا يبلانا فيما ابتلاها اسمعي خيتو .. حاولو تتناسو الموضوع بس اكيد ماتنسو الدعاء لها في ظهر الغيب وغير هيك ياليت تعمل عمليات تجميليه لما بعد الاستئصال ( سمعت عنها بس ماني فاهمه الفكره تماما ) وكمان ياليت تزور طبيب نفسي يساعدها ع التغلب على هاي المرحلة الصعبه شوي وربي يشفيها ويعافيها .. ويعين الجميع ياحي ياقيوم |
رد: ساعدوني..نفسية المريضة بعدعمليةاستئصال الثدي
ما فيني احكي الا
الله يشفيها ويشفي باقي المسلمين والمسلمات يارب العالمين |
رد: ساعدوني..نفسية المريضة بعدعمليةاستئصال الثدي
اقتباس:
امين ربي يسمع منك الله يجزيكي الخير ياحبيبتي تسلميلي على تفاعلك والله يديم الصحة والعافية علينا يارب مشكورة مرة تانية ويعطيكي الف عافية |
رد: ساعدوني..نفسية المريضة بعدعمليةاستئصال الثدي
اقتباس:
مشكوووووووووورة غاليتي |
| الساعة الآن 05:21 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .