احلى ايام ايام الطفولة // اجمل ذكريات ذكريات الطفولة

[قلب عايض]

نبدأ من البيت:


مو عشاني خالتك تحطيني تحت المجهر وفي وجه المدفع <<ما احب تسليط الضوء <<بكاشه هع هع بعدين انتي مو زعلانه خخخخخ


ـــ كم ترتيبك في الاسرة ؟
الاولى



ـــ مكان ولادتك ؟ وماذا يعني لك ؟
الطايف يالبى الطايف وجوها وطفولتي عشتها بمكه كانت اياام فللللللللللللله الله يذكر ذيك الايام بالخير



ـــ حياة الطفولة من كان المؤثر الاول فيها ؟
والدي الله يحفظه <<كنت احبه اكثر من امي في طفولتي عشان امي دايم تضربني ماتخليني العب مع العيال<<مسويه ولد في صغرها ما تعترف بالبنات هع
ويوم كبرت شوي عرفت ان امي كانت تحميني من اشياء خطرة برى البيت <<الله يشفيها ويسعدها ويخليها لي

ــــ هل كان هناك فرق في المعاملة بين بنت وولد ؟
لا ابوي كان يفضلني على الجميع وحتى الحين وانتي خابره يادبى كلمة ابوي الشهيرة البكر حبه فكر هع هع امي اي نعم تحبنا بس كانت تمشي كلام العيال علينا <<الا اللحين حاقده خخخخخخ<<امزح



ــــ هل كانت هناك غيرة من احد اخوتك ؟
بعد طلاقي حصل سوء تفاهم بيني وبين اختي لانها كانت دلوعتنا ودلوعة البيت بما انها اصغر البنات كانت تحس اني سحبت البساط من تحت رجلينها وانا والله ما اكن لها الا كل احترام وتقدير وهي دلوعتي انا بعد بس بعد فترة اقتنعت وكبرت شوي على هالتفكير لانها كانت صغيرة واللحين مثل السمن على العسل واذا ما ادق عليها تزعل مني >>يالبى قلبها




ـــ ماهي لعبتك المفضلة في ذلك الوقت؟
في طفولتي كنت احب اي لعبه للعيال <<كانت ولد الا شوي ههههه ومنها لعب الكورة والسياكل والان لعبتي المفضله الكيرم هع هع




ــــ ماهي اجمل هدية تلقيتها في صغرك ولم تنسها ؟
<<< والله ما اذكر
الا يوم كنت في صف رابع ابتدائي كنت بالمدرسه وكان الجو برررررررد وما دريت الا المديرة تناديني ورحت لمكتبها واثاري ابوي الله لايحرمني شاريلي بالطو فرو ذيك الايام كان شي عظيم ومو كل وحده تقدر تشتريه اذكر لونه كان بني والفرو اللي على الياقه ناعم الموهيم رجعت لفصلي يارض انهدي ماعليك قدي وما اشوف احد شي حتى المديره نفسها هع هع



ـــ لقب او اسم مميز كان يطلق عليك وانت صغير ...
<<< ام العيال والشوارع هع هع

ــــ اكلة كنت تحبها كثيرا ...

كنت ومازلت احب المكرونه بكل اشكالها وانواع طبخها يم يم بالاضافه للكبسه محبوبة الشعب
ــــ طلب كنت تطلبه دائما من اهلك ولم يتحقق لك ....
اني ما تزوج زوجي الاول وماتحقق لي هالطلب بما انب صغيرة وما اعرف مصلحة نفسي مادروا ان اكرام النفس هواها ومافي زواج يجي بالغصب ويفلح لكن الحمد لله على كل حال


ــــ هل كنت طفل مشاغب ، هادئ ، خجول ، مسالم ، عنيد ، مطيع ؟
ماكنت مشاغبه لكن كنت عنيده اللي ابيه لازم اسويه مع الضرب المبرح بس مو شقاوة اطفال في تخريب البيت مثلا او اضرب اخواني لا بس كانت شقاوتي اني ابي اطلع اللعب بث
وعموما طبعي هاديء ومطيعه الا فيما سبق ذكره
ومسالمة لابعد الحدود وخجوله الآن لكن قبل كنت ولد هع هع




ــــ هل تميزت بكلمة كنت ترددها وانت صغير ؟ وماهي ان وجدت ؟
<< ما اذكر والله



يازينها ايام الطفولة



نلعب سوى ... نضحك سوى ...



حتى البكى ... نبكي سوى ...





في الحياة عموما :





ــــ ماهو اجمل موقف او ذكرى تتذكرها من ايام الطفولة ؟
اجمل ذكرى مازلت احتفظ فيها هي لجدتي الله يرحمها كانت تحبني واحبها مووووت كنت احب خدودها كانت مليانه واحب اقطعها تبويس وهي تستانس وماتقولي شي حتى ريحتها كانت جونااااااااااااااان كنت اشفط مع البوسه ريحتها يالبييييييييه <<شوي وابكي
الله يرحمك ياجديدتي والمواقف كثييييييييييييييره باتعب وانا اعددها وانتي عارفه ههههههههههه ليش اعيد خخخخخخ


ــــ موقف محرج مر عليك في طفولتك ولم تنساه الا الآن ؟

موقفي يوم تلقاني امي مزحلقه مع ماصورة اللمبه اللي في الشارع جنب سطحنا وخاته لبيت خالي وهي منشغل بالها علي واخرتها افتح لها بيت خالي موقف لا احسد عليه <<<ياجاها من الضرب ذاك اليوم هع هع


ـــــ ماهو اصعب موقف مر عليك في صغرك ؟

مادري اذا تعتبروني صغيرةعمري وقتها 14 بس بعد زواجي بشهر وكان في الخرج جاءلابوي نقل للطايف يعني بيروحون ويخلوني في ديرة بعيده ومع شخص مابيه الله لايعيد علي مثل ذاك اليوم والله مانسيته
ــــ ماهي افضل واكثر لعبة كنت تلعبها ؟

الكورة والسياكل وبعض الاحيان المراجيح <<عشان ما انسى اني بنت هع هع

ــــ ماهو الشئ الذي ميز طفولتك عن غيرها ؟
اكيد كل وحدة بتعتبر ان طفولتها مميزة مع ان الاوضاع احيانا تتشابه بس احس اني انحرمت بدري من طفولتي وفترة المراهقه والدلع بزواجي <<<محرومه تهيء تهيء

ــــ ماهي امنيتك ايام الطفولة ان تصبح ؟ وهل تحققت امنيتك ؟

كنت ابي اصير دكتوره هع هع بس تأتي الرياح بما لاتشتهي السفنو هع هع سفن والا بيبسي هع هع

يازينها ايام الطفولة




عند البحر ... نبني جبل ...



حتى ولو طاح الجبل ... مابه زعل ...





نبنيه مره ... مرتين ... ثلاث ...






في المدرسة :





ـــــ اوصف لنا اول يوم رحت فيه للمدرسة كيف كان !!!
كنت غايبه هههههههههههههههه من جد مادرينا انا وامي الا بعد الظهر يوم جت بنت جيراننا وقالت لامي ليش عفاف مادرست خخخخخخخ



ــــ مدرس لازال في ذاكرتك (طبعا لانريد كتابة اسماء فقط مدرس اي مادة )

مدرسة مادة العربي في صف خامس الله يسامحها كرهتني في الماده اللين دخلت المتوسط وغيرت فكرتي مدرسة عربي ايرانيه سنيه يالبييييييييه يالنعومه في المعامله والتدريس >>كانت جميله يابنات
وفي الثانوي احب مدرسة الكيمياء كانت محترمممممممممممممه الله يذكرها بالخير

ــــ ماهي المواد الدراسية التي كنت تحبها ؟
الانجليزي والله ما امزح يابنات كنت احب هالماده يعني لو كملت كنت راح اخش ادب انجليزي هع هع
ـــ ماهي المواد الدراسية التي كنت تكرهها ؟

كنت ومازلت التاريخ والرياضيات

ــــ حدد باالضبط مكان جلوسك في الفصل او قاعة الدراسة ؟
اطامر من مكان لمكان اذا الماده احبها طمرت قدام وشاركت واذا الماده غثيثه نطيت ورى خخخخخخخخ<<<قايلتلكم ولد هع



ــــ ماهي احب المراحل الدراسية لديك ؟
المتوسط



ــــ هل حصلت على شهادات تميز ؟ وفي اي سنة حصلت عليها ؟

ماكنت اطلع الاولى لكن كنت اخذ من العشره الاوائل طبعا في الابتدائي هع
وعموما كانت نسبتي معقوله وحلوه

ــــ هل تعرضت للعقاب طوال فترة دراستك ؟
من ممعلمة مادة العربي ضرتني كف وشقت اوراق دفتري لاني تحمست وشديت حيلي وحليت اسئلة الدرس الثاني بعد << بدل ماتشجعني وتشكرني على اجتهادي وربي كرهتها موووووووووووت لاني ما اخطيت او ما حليت عشان تضربني بس اعتقد انها حاله نفسيه عندا لان الكل يكرهها



ــــ اي سنة دراسية تعد هي الاجمل في حياتك الدراسية ؟

جميع سنوات المتوسط


ــــ هل مازال لديك اصدقاء من ايام المدرسة ومازلت على تواصل معهم ؟
للأسف لا مافي كانت لي صديقه وتواصلنا بعد الزواج فترة وبعدين انقطعت اخبارها



يازينها ايام الطفولة



تحت المطر متماسكين ...حتى الدفا يجي لنا



حتى المظلة ماتفيد ... دام اننا متماسكين







والآن :





ــــ ماالذي يميز مرحلة الطفولة عن مرحلة الرشد ؟
براءة وصفاء ووناسه ولعب وفرفشه وتطنيش للدنيا
اما اللحين الله المستعان



ــــ هل تعتبر مرحلة الطفولة اجمل مرحلة في حياتك ؟ ولماذا ؟
اكيد الكل يعتبرها كذا كنا بريئين ومانشيل هم شي الا اللعب والضحك




ــــ عبث الطفولة كيف تصفه في بضع كلمات ؟ لك حرية التعبير ...
لو استطيع ان ارجع الايام للوراء لاخترت ان اكون طفله دائما وان لاامر بأي ازمه في حياتي ولو فكرت اكثر كنت صبرت على زواجي الاول ولم انحرم من اولادي ولم احرمهم من امهم والعيش في حضنها للأبد لكن كل شيء مقدر ومكتوب والله يسعدهم ويهنيهم ويسخر لهم ابوهم وزوجته وكل اللي حولهم ويصلحهم ويهديهم ويقر عيني بشوفتهم وشوفة عيالهم يارب





ـــ وماهي نظرتك للطفل اليوم ؟
بالنسبه لطفل اليوم او الامس سيعيشون نفس الشعور والاحاسيس لانهم لايحملون هم في هذه الحياة مع فوارق الزمن والعابه اللي صارت تخوف وتأثر على تفكير الطفل وسلوكياته الله يستر بس

ــــ هل ستربي ابناءك بنفس طريقة تربية والديك لك ؟

تربية والداي كانت كلها حب وخوف علينا من هالدنيا ومحاولة توفير السعادة والامان وان شاء الله ان عيالي ماحرمتهم من شي كانوا يحبونه او يبونه وكنت اخاف عليهم من الهوا الطاير (جزاء الوالدين الجنه يارب)

ـــــ كلمة توجهها للآباء والامهات في تربية الابناء ....
الله الله في تربية الابناء على مايحبه الله ويرضاه فانهم رعيتكم وانتم مسؤون امام الله عنهم


وختاما اتمنى اني اكون خفيفة ظل وغير ممله برودي لاني كنت احس بالحزن لبعض كتاباتي لان بعض الاسئلة لامست وجداني ومشاعري
واشكرك على هذا الطرح المميز بس لاحد يعيده ويحطني في الوجه <<وبعدين ماعندها شي اسمه خطوط حمراء كل اللي بقبلي طلعته نكبه صح هع هع<<ماتنعطى وجه خخخخخخخ

[حـنـيـن]

المشاركة الأصلية كتبت بواسطة قلب عايض

نبدأ من البيت:

ـــ حياة الطفولة من كان المؤثر الاول فيها ؟
والدي الله يحفظه <<كنت احبه اكثر من امي في طفولتي عشان امي دايم تضربني ماتخليني العب مع العيال<<مسويه ولد في صغرها ما تعترف بالبنات هع

تييييييب
عند جدتي
مشكوووره على هذه الإجابات الممتعة والوافية