تجمع للحوامل والوالدات المصابات بارتفاع ضغط الدم

[لوللا]

نردين .. سامحيني يالغلا .. انا والله ما ادخل كثير .. انا ولدت من شهرين الحمد لله ..

غريبه الجوسبرين ؟؟ ليش كتبت لك هو ..

انا كتبت لي الدكتوره اسبرين في حملي بس طنشت خفت لا يجيني نزيف في الولاده عشان الاسبرين يعمل سيوله .. والجوسبرين كمان ..

الله ييسر امرك يارب .
شوفي حبيبتي كثير ناس يرتفع ضغطهم ويولدوا طببعي .. بس خلي دكتورتك تأكد لك لو طبيعي ولا قيصري عشان لا تتعبي ..

انا حبيبتي ولدت قيصري بس مو عشان الضغط .. اعطوني طلق صناعي .. وجلست 6 ساعات على بال اشتغل الطلق تحت الملاحظه وضغطي كان يطلع وينزل مع التوتر والخوف ..
لواصلا الدكتوره طول وقت المراجعه ماجابت لي سيرة القيصري قالت لو ضغطك طيب تولدي طبيعي ان شاء الله ..
المهم فتح الرحم الحمد لله 10 سم .. لكن راس البيبي كان تحت بس مادخل الحوض .. وانا كنت ضعيفه والدفع عندي مو قوي وتعبت مره وآخر شي البيبي جاي بوجهه على طول حولوني قيصري ..

انا ما بخوفك .. بس بقول انه مو شرط الرحم مايفتح عشان الضغط ..لانه فتح معايا الحمد لله والحريم يختلفو اكيد ..

بس انت تقولي 130 على 80 ترى كويس مو عالي وحتى 140.. لانه هو اهم شي الضغط العصبي اللي تحت يعني .. انا كان يكون احيانا 140 او 148 او 150 على 90 او 89 .. كذا يعتبر عالي .. هذا كلام الدكتوره
معناه حبيبتي ضغطك ان شاء الله على وقت الولاده حيكون طبيعي
وممكن يرتفع مع التوتر .. لانه انا يوم ولادتي قست الضغط عند الدكتوره قبل اطلع ويعطوني الطلق الصناعي .. كان افتكر 138 على 77 .. مره ممتاز .. بس طلعت الغرفه على طول صار 190 على 95 .. بس شويه شويه نزل ..

الله يسهل عليك وييسر ولادتك .. اجر وعافيه يالغلا ,,