دردشة حوامل مصر - دردشة بنات مصر - تجمع حوامل مصر ‏

[أم إياد]

المشاركة الأصلية كتبت بواسطة ام انس المصريه

هلوووووووووووووووووو

ازيك يانهااااااااد وحشانى

ام اياد حبيبتى عامله ايه النتيجه بتاع الامتحان ظهرت ولا لسه

ربنا ينجحك ياختىىىىىى

....................

زيت الزيتون جميييييييييييييييييل فعلا عشان الرضاعه قاعده اقول لجوزى هاتلى زيت زيتون

ادهن صدرى عشان ميتعورش لما اجى ارضع مطنشنىىىىىى

يابت ياشيماء ياام انوس انتي
انا مش قايلالك انا امتحنت 3مواد بس ولسه 6
هاخلص يوم 23-6
وبعدها بفترة بقى النتيجة بتتطلع

عندي امتحان بعد بكرة ولسه ماذاكرتش المادة
بس داخلة اتكلم معاكم افرفش شوية لأحسن مودي مش حلو خاااالص

وبالنسبة لموضوع الدهان ده يعني فعلا حقيقي صح؟
وناويين تستمروا على الدهان؟؟
طيب دهان زيت زيتون بس ولا تدليك؟؟ ومن امتى بالظبط ؟
في التاسع بس يعني؟

اصل انا قلت اسال حد من البنات هنا اللي ولدوا
وسألت غادة ام عمر
بس هي خرجت ماخدتش بالها من السؤال فما ردتش

[ام انس المصريه]

طب ايه رايكم بقى هعمل موضوع اكتب فيه عن كل اللى حاسه بيه

[أم إياد]

المشاركة الأصلية كتبت بواسطة ام انس المصريه

طيب يابنات سورى يعنى فى اللفظ هو عادى لما ينزل افرازات عاديه ملهاش ريحه ولا حاجه

ولا ده غلط ؟؟؟؟؟؟؟؟؟؟؟؟؟؟؟؟؟؟؟؟؟

اتروشتتتتتتتتتت خلاص

البرج الاخير اللى كان فى مخى طار

بالعكس ياشيماء دا اهم حاجة انها ماتبقاش لها لون اوريحة
دي كويسة اوي في فترة الحمل بتبقى طبيعية عشان حماية للجنين وترطيب المنطقة جوه
اما لو ليها لون او ريحة تبقى التهابات ربنا يحفظنا
انا كنت متبهدلة منها الحمل اللي فات وخدت مراهم ولبوس كتييييير

[ام انس المصريه]

من اول التامن ياايه ان شاء الله نبدا ندهن صدرنا بزيت الزيتون مع التدليك لحد ما الحلمه تخرج

انا للاسف الحلمه مش بتطلع عندى غير بالتدليك ومش بطيق ادلك خالص

لان صدرى بيوجعنى بضاااااااااااااايق جدا لو لمست صدرى سبحان الله

ردى بقى ع الافرازات دى اللى بتنزل عندى

[ام انس المصريه]

طيب ربنا يطمنك ياايووووووووش

انا بصراحه بخاف واقول ياترى دى من ايه واسال امى تقولى نسيت واسال خالتى تقولى نسيت

واسال ستىىىىىىىىىى تقولى ياختى هو انا فاكره كلت ايه النهرده هههههههههههههههههههه

.................

طب عادى المغص فى الشهر السادس سمعت ان ممكن يكون الرحم بيتمدد لان الجنين ماشاء الله بيكبر

[أم إياد]

المشاركة الأصلية كتبت بواسطة ام انس المصريه

والله يانهاد بعيد عنكم يارب المغص ده من اول الحمل مش بيسبنى

يمكن لانى من ذوى الاحتياجات الخاصه وحامل باامر الله ثم الحقن المجهرى

مش عارفه

..................

طب الافرازات دى ياخبيره عادى ولا لا انتى وايه اللى قريبين منى فى الحمل

انا فى نص السادس الحمد لله

شوشو ماتقلقيش نفسك ياحبيبتي
حمل الولاد بيبقى سبحان الله نازل في الحوض ودايما مغص والم في آخر الظهر لانه بيبقى ضاغط ع الاربطة
انا كنت كده الحمل اللي فات وكان الالم ضارب في آخر ظهري وممتد لآخر رجلي
وكنت تعبانة اوي من الموضوع ده (اسمه عرق النسا) مع اني كنت لسه مابدأتش شغلي وكنت قاعدة في البيت

بس المرة دي بيجيلي المغص كده كل فترة وفي ظهري بس مش ممتد لرجلي ولا حاجة
وبأكبر دماغي

[أم إياد]

المشاركة الأصلية كتبت بواسطة ام انس المصريه

من اول التامن ياايه ان شاء الله نبدا ندهن صدرنا بزيت الزيتون مع التدليك لحد ما الحلمه تخرج

انا للاسف الحلمه مش بتطلع عندى غير بالتدليك ومش بطيق ادلك خالص

لان صدرى بيوجعنى بضاااااااااااااايق جدا لو لمست صدرى سبحان الله

معلش ياشوشو نستحمل بقى عشان نوناتنا يستفيدوا
وربنا عالم بنيتنا وهييسرلنا

[ام انس المصريه]

طب حسيتو بالشلاليت والابكاس ولا لسسسسسسسه

امتى بقى هاخد بوكس وشلوت

طب ياولاد حسيتو كده بحركة الجنين لما تحطو ايدكو على بطنكو

كانت امى وهى حامل تنام على ظهرها ونقعد حواليها ونحط ايدينا على بطنها نحس بانونو بيلعب جوه

ويكلكع كده ويجرى هنا وبعدين يروح حته تانيه

حسيتوووووووووووووووووووو ولا لسسسسسسسسسسسسسه

هههههههههههههههههههههههههه

خلاص بقى عندى شعره ساعه تروح وساعه وتيجى

انوس على مايجى هكون اتهبلت هههههههههههههههههههه

[أم إياد]

المشاركة الأصلية كتبت بواسطة أم إياد

بالعكس ياشيماء دا اهم حاجة انها ماتبقاش لها لون اوريحة
دي كويسة اوي في فترة الحمل بتبقى طبيعية عشان حماية للجنين وترطيب المنطقة جوه
اما لو ليها لون او ريحة تبقى التهابات ربنا يحفظنا
انا كنت متبهدلة منها الحمل اللي فات وخدت مراهم ولبوس كتييييير

ما انا رديت يابونية اهوه

[ام انس المصريه]

ايووووووووووووووه ياايه والله وجع الظهر بيمتد لحد رجلى وببقى مش قادره اقف خالص

امبارح بس عشان والله عملت اكل وكنست الشقه اول مره اكنسها من يوم ماحملت

عينك ماتشوف الا النور تعبتتتتتتتتتتتتت جدااااااااااااااا والله العظيم

ياختى احنا فاسكونيا فين ايام زمان لما كانو بيولدو وهما على طشت الغسيل