تجمع حوامل العراق واتمنى اكو احد موجود

[مجنونة بحبها]

هلو دلوعه شلونج وشخبارج بس لاتكوني رحتي وانا اجيت

[مجنونة بحبها]

ماما = اذا خالتج هيج كل متحجي اطيها كاسة عصير ليمون
وكلليلهل يرحم والديج حجيج كله صح والله بعد متحجي لان الي بهاذا سن كلشي
كولي الها انتي صح انتي صح حتى لو على الغلط
وبهيج ترتاحي منها بمعاملة الطيب


حبي ساهره هي ميفيد وياهه الطيب انا مااحاجيهه ابد عايفتهه سكته بس هي تجي وتدوس بالمصارين كل شي ميعجبهه وانا حتى صايره الهه ممرضه كل ساعه تعالي حللي السكر تعالي قيسي الضغط وحتى بنص الليل تجي تكعدني تعالي حلليلي ومينفع وياهه وقبل لااغسل وجهي الصبح لازم اروح احللهه واضربهه انسولين ومتكول الحمد لله والشكر والله كريم كل بدايه الهه نهايه

[هدى22]

عراقيه اهلا بيكم يا بنات العراق احب انظم اليكم
واريد اهديكم خاطره جنت كاتبتها بقلمي لخاص بخصوص الوطن اتمنى تعجبكم حبيباتي






ارجوك يا قلمي
___________________

ارجوك يا قلمي فالوطن ما عاد يتحمل
الجراحات
سَبَبَها أُناسٌ حكام لا يتفوهون سوى


بالحماقات!!
والنتيجةُ الكثير من الضحايا يتبعها
النحيب والاهات






فلان مات من الجوع ..والاخر لا خبز لديه..!!
هيا تفوَهوا أترضون الموت لاولادكم
بينما
تتمتعون بالسلطات؟؟





اين الحـــــــكمة ؟ اين الــــــعدل؟
أبِعتُم ضميركم بالـــــــــــمالِ؟
ام اصبحتم صمً في وسط هذه
الظروف والطرقات؟؟





واا أسفاااااه لما نحن عليه اليـــــوم..!
فبسبب كبريائكم انتشرت كل هذه
الحروب والمجاعات!





والنتيجة زئير الاسود والاشبال في الشوارع
تتبعها المزيد مــــــــــن
الصراخااات!!




هاتفةً : نريد العيش... نريد الحق.. نريد الحرية
يا من سلبتم الشعب من اجمل
الابتسامات!






قلمي اخبرهم ان مصيرهم قد اصبح واضحاً
كوضوح الشمس في وسط
السماوات!!




اخبرهم ان نهاية كل ظالمٍ هي :
صرير الاسنان .. الندم .. والمزيد من

الويـــــــــــلات






هذه كانت كلماتي وبها نزف قلمي حزنا
على ما يحدث ارجوا ان تصل اصواتنا
لكل ذي شأن ربما تُسمع
اليوم او غدا او بعده !! من يعرف!!..



بقلم هدى 22 اتمنى ان تنال رضاكم ادعولي انا داخله فشهري التاسع

[مجنونة بحبها]

ايمان والله هالكماشه ما ينصبر عليها اشلون متحمله
لو حدني ما يرجع ولدها من الشغل الا وهي على الباب هههههه متحمل اني حنه وكلام واذا ولدها نطق كلمه هو وامه بره البيت خخخ لكالت غيركم صار عنده اربعه او ثلاثه كولي لها يعلهم درزن اشعلينا منهم اني وزوجي منريد بنين ماليا علينا البيت سكتيها خلي لسانك طويل معها متنتحمل هالخاله احترمتيها 4 سنوات وما بين بعينها معنها لحد متموت مراح اطيق خلكتك وولدها فهميه سوالف امه وخليه يسكتها عنك اشوي
ولا تروح عند اولادها الثانين مو كله على كلبك
ولحمود وصلت البوسه ولفطوم


حبي رحوبه انا صابره قربه لله تعالى اريد الاجر من ربي بس اذا مااحجيلكم احس بروحي انفجر فحبيت افضفضلكم وهي حتى ابنه مرات ميتحملهه ويضل يحجي بس هي بدون احساس وعن العيال هو كال الهه انا ماريد اعيال وانتي لاتتدخلين بس هي متعرف تسكت بس يطلع تبدي حنه براسي ومااحب اكله هو عصبي وينقهر وحتى مره من المرات كال امي مااكدر اخلص منهه يكول لاهي زوجه واطلقهه ولاهي بنتي واادبهه هي امي ومتعرف تسكتت ابد والحمد لله رب العالمين

[مجنونة بحبها]

اهلا بيج هدى والله يسهل ولادتج

انتي وين بالعراق لو مغتربه

[هدى22]

مغتربه حبي حاليا ابتركيا

[توتايه]

منوره هداوي الف هلا حبيبتي وصح لسانج الخاطره تخبل

زادو عدد المغتربات هنا حبيبتي انتي حامل وكم طفل عندج وصارلج شكد متزوجه يعني هاي اسئله روتينيه بس لتفزين منا وتروحين تره نتشاقه وياج حبحب

اني اسمي بالحقيقه اية انتي شسمج

[رودينة الراوي]

هلووووو بنات شلونكم أخباركم
والله يابنات تعبانة بشكل اليوم كعدت من الصبح وماخذة برد كلش قوي وجع ببطني ديموتني ومن ال7 ونص لحد هسة كل شوية أفوت بالحمام والله تعبت كلش
كام يصير عندي هبوط بالضغط خابرت دكتورتي انطتني حبوب مال مغصات وكلتلي اكلي مالح حتى ميصير هبوط لان مو زين ولازم اشرب سوائل حتى ليصير عندي جفاف
ادعولي متتاثر بنتي بهذا الشي والله يابنات دااموت من الخوف عليهة

سهورة حبيبتي والله مستحيل انساكم بس سبحان الله يومية تطلعلي شغلة صفح والحمد لله والشكر على كل حال

حبيبتي هدى منورة التجمع بصراحة كلمات اكثر من رائعة تسلم الأيادي
صارلج شكد متزوجة ؟ مواليد شكد انتي ؟ وكم طفل عندج ؟ حامل او لا واذا حامل باي شهر ؟
خصم الحجي أحجيلنة السيرة الذاتية مالتج ههههههههه

[توتايه]

شلونكم بنات اليوم راح اروح على دكتورتي اشوف الضغط والنونو شلونه والله يارحوبه اشتاقلها ابليس لحماتي هههههههههههههههههههههههههههههههههههههههههههههههههه ه

امونه مشتاقتلج حبيبتي ومشتاقه لكل البنات

[توتايه]

يسوره حبيبتي سلامات حبحب سوي شوربه واكلي ونسكافي حار حتى تدفه بطنج وحاولي دفي بطنج حبيبتي وعندج العافيه حبحب