حبيباتى سيدات ليبيا تفضلو لأعرف ما حالكم

[أم أجنادين 80]

المشاركة الأصلية كتبت بواسطة هدية الخالق

ماشاء الله جنودة وفروسة صار خبيرات مكياج
اني والله مانعرف كان الكحل والروج ههههه
وراجلي مايحباش أصلا إلا الكحل عادي
حتي لما ندير شوية في فمي في الحوش ونجي نقعمز جنبه يآخد كلينكس ويمسحلي فمي بعدين يقولي هكي أحلي هههههه
حتي بعد عرسي عزمونا هلبة اقارب زوجي والله مانعرف حتي نرسم
ندير في الكريمة والبودرة وكحل وروج والظلال خط واحد بس زي الرسم بس ونطلع أحلي من سلفتي اللي تعزف ترسم وتدير فيه كاااامل
كلهم يقولولي انتي بلا مكياج احلي لاني عالأشقر كحل وحاجة خفيفو في الفم يمشي حالي معادش نستحق أكثر

حتي انا راجلي مايحبش المكياج رسم عيون وأووووفر

بس ضروري في مناسبة كبيرلرسم ة او بنصدر من مكياج قوي

والمكياج الخفيف علي حسب اللبسة

ولا مرة قبل مانتزوج هدية درت مكياج ولا حتي حاولت نتعلم قبل فرحي

بس بعد العرس عزايم وطلعات اضطريت نتعلم ناخد في صور من النت ونشوف في فيديو من اليوتيوب

مع عندي دقة في الرسم ومرة عن مرة تعلمت واي مكياج نشوفه او حنة نقجر ندير زيها

[اوشي]

ياعيني ياعيني عالفنانات والرسامات

حطوني معاكم جنودة وفروستي حتى انا رسامة ونمكيج لروحي بس

واي مكياج نشوفة في تلفزيون في النت نحفظه ونطبقه

[شموسه 88]

السلام عليكم ورحمة الله وبركاته

[اوشي]

وعليكم السلام شموسة كيف حال والعيال

[شموسه 88]

ماشالله عل فنانات جنووده ام افروسي ابجد ماشالله عليكن
حتى انا في بدايه كنت زيك ياهديه مكياج ماانحطش الا كحل اوروج اوبودره اومسكره كنت في بداية زوجي انعاني من المشكله اني مانعرفش انحط مكياج العيون" لين مرة سافرت لصين اوكنت عروسه يعني ماعنديش اصغار وامكسده كل يوم انقمعز عل روحي بشويه بشويه ليين اتقنته بذات رسمت العين "تعرفن في فرح صبيتي جبت مزين لحوش مكياجتي مكياجها حلو بس بعد ما مشت خذيت رسم العين اوغيرت رسمت عيني حسيتها مايمشي امعايا الا هيا بس الظلال لااسف مانعرفش انحط الا الوان الهااديه اوالاسووودفي المناسبات او قليلا مايصدف امعايا
بس لشعر الحق من وانا بنت شاطره فيه

[شموسه 88]

هلا بيكي اوشي صار حتى انتي مبدعه في المكياج
حي ياريتنا اقريبات من بعض علاشان كل مناسبه نطلعوا ابلوك جديد

[dr.loly]

المشاركة الأصلية كتبت بواسطة شموسه 88

هلا بيكي اوشي صار حتى انتي مبدعه في المكياج
حي ياريتنا اقريبات من بعض علاشان كل مناسبه نطلعوا ابلوك جديد

عجبتني الفكرة شموووسه ... ياريتنا والله كان هضااا لا نستحقوا مزينات لاشئ بعد شئ مرة نبوا نتميزوا يعني غير ممكياجنا هههههه






هديــــــــــــــة .. وأوشـــي

نفس الشش زوجـــي لايفضل الماكياااج يقولي ع طبيعتك نحبك اكثر خخخخخ



وهم الرجاله هكي بم اني قاريه كتب قبل زواج كيف تتعاملين مع زوجك

وماذا يحب والجو هذااا ... طبعا انا وبنت كنت مهووسه بالقراءه ديما الكتب معرمات عندي


وقريت هالمعلومة ان الرجل يحب زوجته ع الطبيعة ..
حتي لو مكيجتي يكون ناعم ومائل للطبيعه


لذلك ايام زواجي الاولي اعتمدت ع ميبي لين لانها تميل للطبيعه مجرد تصفيه وتنقيه

والكحل ندير في بني يعكس ع عيوني عسليات ..


وبين فتره وفترة انثقل ع خفيف بس .. وحتي ف الافراح ثقيلي ناعم يعتبر خخخخخ

نركز ع العيون والفم يادوب لمسه بسيطة هن والخدود

[اوشي]

هدية جتى اا زوجي ما يحبش المكياج يقولي كيماويات اتحطي فيهن علي وجهك

وفي الحوش تلقيني كحل بس وخفيف

والمكياج الخفيف عندي احلى ويمشي معاي


الحمد لله اللي ربي سمح خلقتنا

[شموسه 88]

سوسو
خير ان شالله وينك ياسمحه

[اوشي]

ههههههههههههه ... عطك الهنا ياشموسة

ياريتنا جارات كلنا

ونشتركو مع بعضنا ونديرو مزين مكياج وتسريخات