احلى عراقيات حوامل ...... تفضلوا

[حلمي بطفلي]

نيبو شلونج حبي شخبارج والله عايشه بالهباطه خايفه والله كلشي مداحس ومحد ديطمني انتي شخبارج واخبار النونو

[المهندسة ام تيم]

والله اني هم على الله الم مو طبيعي بظهري وعظام العانة وية خط البكيني شسوي والبيت يريد شغل ومااكدر اكعد

الله اليستر
وموعدي يوم 8 بالشهر

[ضحى السماوي]

حبيبتي سيلا ان شاء الله اطلع حامل انا وكل منتظرة
ويارب كلنة خوات
تسلمين حلمي بطفلي ومهاوي على هالدعوات الحلوة
يمكن اليوم راح تبين الدورة لان عندي الام مو طبيعية بظهري
ادعولي بنات
مرة خال زوجي طبيبة سونار
تكلي تعالي الخميس او الجمعة الجايات وانتي محصورة ادرار حتى اشوف شكو ماكو برحمج اذا بعدهي الدورة مو جاية

[منى عمري]

هلو بنااات
الله يخليييكم كلكم دزو رسائل عالخاص لشفق ومهاوي كللولهم خلي يرجعون
تره ميصير نعوفهم يرحون والله موحلو يصير التجمع اذا فقدنه وحده من صديقاتنه
حبابات كلكم دزو رسائل لمن يردون علينه ويرجعون

[منى عمري]

هلو حنوشه حمودي شويه احسن بس شوي بعد بي جراحه والتهاب بلكت هاليومين يطيب
سلامتج نبروسه انسالله ماكو شي
ضحى انشالله حامل ومية هلا بجيرانه بس حي الحسين ماشالله جبير احنه من جهة المستشفى العام وانتم
سيلا شلون صرتي ياربي انشالله معافيا
بقية البنات انشالله كلكم بخير

بنااات اني كلشش ضايجه على طلعة سفق ومهاوي والله ضوجه بنات حبيناهن واتعرفنه عليهن وتعودنه نسمع اخبارهن كل يوم حراامات نخسر هيجي صديقاات

[&ام همام&]

هلو بنات شلونكم
والله بت حلال منوش ان من دخلت الصبح وقريت كلامهن راسن دزيت ع الخاص وكلت بليل
اكتب ع التجمع واطلب نفس طلبج بس امتي سبقتيني بارك الله بيج
لازم يومية ندزلهن كلنا لحد ميرجعون اني كلللللللللللللش ضايجة عليهن

هلو نبروس يلة هانت بقى القليل اتحملي بس اتشوفين ابنج احمد ترتاحين
هلو حنوش شكد صار عليج سويتي سونار
سيلا عيوني شلون صرتي ترى عادي الوحام يظل الااكو حالات نادرة الوحام يستمر طول فترة الحمل

ضحى انشا الله متجي الدورة وطلعين حامل انتي شكد مزوجة ومنو دكتورة سونار اقارب زوجج

علوش وينج مختفية الله يساعدج ويه الدوام

[حلمي بطفلي]

نيبو حبي الله يطمنج على النونو هاي حبيبتي لان النونو ديكبر ورحمج ديتوسع فاكيد عظامج يوجعوج يارب ماكو شي وكافي تنظيف قابل منو عدكم عوفيه خلي زوجج يساعدج لعد شنو الرجال غير يساعد مرته
ضحاوي انشاء الله متجيج الدورة وطلعين حامل وتبشرينا بس انتي ارتاحي ولتعبين نفسج
مناوي ديري بالج على حمودي وخلي الدكتورة الاطفال تكتبلج مضاد حيوي للالتهاب ويارب ماكو شي
ام همام والله ميصير يطلعون شفوقه ومهاوي ليش هيج دنكوللهم ميصير هيج احنه خواتهم ونحتاج لوجودهم الله يخليكم كولولهم يرجعون اشتاقينالهم

[طوق الياسمينة]

شلونج نيبوا اني هم موعدي وية ام السونار يوم 8 ان شاء الله يجوز نتشاوف ههههههه...يارب كلكم تكونون بخير وحدة وحدة

[المهندسة ام تيم]

حبايب ان شاءالله كلكم بخيييييييييييييييييييييييييييييييير

[المهندسة ام تيم]

اني هم ضجتتتتتتتتتتتتتتتت علة مهاوي وضحى .. سوء الفهم لا يفسد بالود قضية احنا حبايب وخوات ولو كل واحد يكبر قلبه ويتحمل صاحبه ترة محد يقهر احد لو يضوح او خحتى يحط بقلبه
ان شاءالله ماكو شي وهم بلكي يرتاحون شوية يجوز ضاجوو ويرجعون ..
اذا كل وحدجة تضوج وتطلع ترة بعد شوية ينسد منتدانا وكل المنتديات ..
احبكم وحدة وحدة واحلى الامنيات الكم
بوسااااااااااااااااااااااااااااتي