سيدات ليبيا الحبيبات ..تفضلووو

[أم أجنادين 80]

هدية بنسالك وصلتكم رسالة المكتب الكندي الاخيرة بخصوص المنحة تبع شهر 6

[أم أجنادين 80]

طبعا يوم اللي مشيت العرس
الدكتورة كانت عاطيتني كلوميد

نستني في الدورة تجيني وناخده في خاطري حتي الكلوميد لاحقني في امريكا

ومعاها عندي الم في رقبتي بعد البردة والكحة القوية

عاطيني الدكتور دواء ههههه قالي السبب هوا بطنك مدايرتلك الم في الرقبة

مش في الرقبة فوق قريبة من خشمي المهم علاج مدته شهر قلت مش بادية فيه ناخد الكاوميد قبل

وقعدت كل يوم نستني في الدورة والمشكلة موعد الدورة اللي قبلها

نسيته

مانعرفش من عادتي نسجل فيهم بس هدا نسيته قعدت غير نتوقع فيها امتة

انا في العادة مانفوتش 30 يوم



وكل يوم انحس بالام خفيفة بس مافيش شي



وحسب حسبتي وتوقعاتي فاتت 30 يوم بس عندي اعراضها


قررت نقول لزوجي وهوا هنا اصر نشروا اختبار منزلي


انا مجرباته مرة قبل وكارهاته لان نتيجة سلبية

[أم أجنادين 80]

مشينا للسوق اللي جنبنا خدينا ىاحد ب2 دولار


واحني نخلصوا قالتلي البنت ههههه بيبي ولا مزال

قلتلها مزال حشمتني ههههه



روحنا وانا نضحك علي الموقف



ولما وصلنا درت الاختبار وانا واقفة نشوف فيه




































نشوف طلع خط واحد متاع التحكم انه يخدم





















بعدها





















يطلع






















يطلع

















يطلع

















خط ثاني ماصدقتش عيوني





طلعت نجري لزوجي ونقول خطين خطين خطين خطين خطين




هههههه مسكين معادش عرف شن يدير من الفرحة















بعدها طلع زوجي يجيبلي واحد ثاني القي المحل مسكر








اليوم اللي بعده جابلي واحد من الصيدلية وطلع نفس الشي خطين اما مابيتش نعطي لنفسي امل الا بعد تحليل الدم




تعبت يابنات غدوة نكمل او بعد شوية

[أم سعد]

السلام عليكم

أم أجنادين ... حكاياتك مثيرة بصراحة
ألف ألف ألف مبروك الحمل وربي يتمم عليك وتفرحي بشوفته وهو صحيح ومعافى

[أم سعد]

ام معاذ صحيتي ... طبعا أنا البشرى تغملي في قلبي

وتوا قالو خدماتها حااااااالة... توا جابت فيها صاحبتي ياناري تعبوها هلبة

ونور العيون تو نشوفها ... نحس فيهم يبو فلوس بس

ومع ذلك هي الخيار اللي قدامي حاليا

[هدية الخالق]

السلام عليكم ورحمة الله وبركاته
كيف حالكم كلكم ان شاء الله تكونوا بخير
طبعا بنبدأ بجنودة اول حاجة واللي بسببها خشيت نجري بعد قريت الخبر الف الف الف الف مبروك جنودة الحمد لله ربي عوضكم خير ان شاء الله ربي يتمملك علي خير ويثبت حملك ويفرحك بشوفة مولودك علي خير وسلامة
ماشاء الله السفرة وجهها خير عليكم ربي يكمل عليك تستاهلي كل خير والله الفترة اللي فاتت نفكر قلت جنودة معاش خشت ليها فترة زعما تكون حامل ان شاء الله الخشة الجاية تبشرنا حسيت بيك سبحان الله لدرجة حلمت حتي بيك الحمد لله الحمل جي في وقته باش تلهي ويونسك البيبي الجاي ان شاء الله ويملى عليك وقتك
وصحيتي علي احساسك بيا بارك الله فيك وعقبال ماتفرحي بوخيينك وتحضري اعراسهم
وبالنسبة لسؤالك تبع المنحة ايه وصلتنا وداروها فينا حتي العام اللي فات في رمضان لكن باهي الحمد لله زوجي عنده مايصرف ويمشي حاله في الفترة هادي وفي نفس الوقت حصل يخدم معيد السيمستر الجاي

[هدية الخالق]

ام سعد اهلين بيك نورتي من جديد ربي يحفظلك صغارك ويتمم حملك علي خير
جيجي بارك الله فيك عارفاتك ماتقصريش وتسلمي علي كلامك الحلو اللي طالع من القلب بعفوية ويخش للقلب طول ان شاء الله عقبال ماتفرحي ببنياتك وتشوفيهم عريسات يارب
اوشي الله يسلمك بارك الله فيك عارفاتك انتي وكل البنات ماتقصروش وما. لمت عليكم الا من محبتي فيكم بس وكنت مضايقة جت فشة الغل فيكم الله غالب سامحوني وتحملوني هالفترة والله مابعدي الحق صارولي الظروف وراء بعض الحمد لله علي كل حال واني مشكلتي ندس ونكمد بعدين يولي عليا تعرفي ماحبيتش نبين قدام زوجي ولا اهلي إني مضايقة نضحك قدامهم ودايرة روحي عادية باش مايخمموش فيا
والله وجعتني أمي يوم فاتحة اختي كلمتها قعدت تبكي فاقدتني وقالولي خواتي انها متأثرة هلبة قالت اللي مات مشي لربه قضاء وقدر اللهم لا اعتراض لكن البعيد هوا اللي يخلي مكانه قالت ياريت هدية حضرت عالأقل خففت علينا شوية الحمد لله ربي يعوضني خير

[هدية الخالق]

ام معاذ الله يسلمك بارك الله فيك عقبال احبابك يارب وعقبال صغيويرتك تفرحي بيهم وتشوفيهم عرسان يارب
فيفي الله يسلمك ويبارك فيك وعقبال مانباركوا في خلاصك علي خير يارب
سوسوووووو الحلوة بارك الله فيك علي هالكلام الحلو في حقي تسلميلي يارب والله حتي اني نبادلك نفس الشعور وربي عالم هذا علاش وجعتني منك لاني نعزك وغالية عليا وزي ماقلتلك الواحد مايلوم الا عالحبيب والغالي وسامحيني كان كلامي كان بلهجة قاسية زعلتك مني انا ااااااااااااسفة وبارك الله فيك عقبال ماتفرحي بوخيبنك وصغارك يارب

[هدية الخالق]

فروسة واثورة مختفيين ليهم وحششششششة كبيرة

[sosolibya]

هلا وغلا بجنودة ليك وحششششششششششة معاش تغيبي

سعدة ماعنديش معلومة على المصحات أسفة إن شاء الله يللي قلتلك عليه أم معاد يفيدك..