اهلا باهل الجود والكرم **اهلا بسيدات ليبيا**

[خوله 2014]

المشاركة الأصلية كتبت بواسطة sosolibya

السلام عليكم ورحمة الله وبركاته

كيف حالكم وشن أخباركم ..

هلا وغ بأم وسونة وبأمولة وأثري الحلوة وينكم معادش تعاودوها هالغيبة هالمرة سامحناكم المرة الجاية إستدعاء ولي أمر هههههههههههه

فهمتو خخخخخخخخخ


مشكووووووووووورة عزيزتي فيفي عالطريقة الحلوة توا نحاول نجربها..


خولة ربي يوفقك بس حاسة إنك مش حتقدري بعد الجياب سامحيني مانبيش نخوفك من جديد بعد ماقررتي بس إحساسي إنك حتبدي تقولي البيبي يعيط ومالحقتش وفي أخر حلقة تشري واتي..

من توا ماتقوليش سوسو دعت عليا هههه هذا إحساسي وإقتراحي قسميهم يللي يتحمل ديريه توا ويللي مايصبرش خليه بعدين..

سلمها يا رب والله ضحكتيني يا سوسو علي كلمة في اخر الحلقة وتبي الحق والله كلامك جوااااهر وبارك الله فيك عالنصيحة يا حبيبة وباهي اني توا بنكتبلك شني قررت بادن الله تعالي وانتي بالله قوليلي شني الي تحسيه يتحمل وشني الي ما يتحملش
المقروض غريبة الحلقوم كعك التمر وكعك ملون وبالك معمول ووريدة معسلة واصوابع الكستردا مشكلطة والسليلة السابلي بالمربي
ونزيدك عالشعر بيت اني صاحبتي دارت حاجتين والا تلاته بعد ما جابت واني وجارتي درنالها حاجه لكن تبي الحق ولدها سلامته عياااط هلبا فهدا اني خايفة منه وان شاءالله ربي يسخر

[خوله 2014]

السلام عليكم ورحمة الله وبركاته
كيف حالكم يا بنات اليوم يا بنات اليوم تلبيسة اوخيي ادعو بالله معاي ربي يوفقه ويهنيه والعقبه لكل شاب وبنيه يااااارب والعقبة عندكم يا اوخياتي في المنتدي وتفرحو بخوتكم ووخياتكم
اولا رسالتي لهدية حبيبتي ربي يرزقك الصبر والسلوان وربي يغفرله ويكتبله جنات النعيم والحمد لله علي كل حال اللهم لا اعترااض
وتانيا لاخواتي كيف حالكم اليوم ان شاءالله صحيحين ياااارب وبخير انتم ودريتكم ومشكوره حبيباتي سوسو وجيجي علي تعليقكم بالنسبة للبكلاوه ويا ام اجنادين طلبتي صورة الباكو متاع العجينه الجاهزة واهو نزلتهلك كانك في امريكا حتلقيه ميه في الميه

[dr.loly]

المشاركة الأصلية كتبت بواسطة خوله 2014

<b>

السلام عليكم ورحمة الله وبركاته
كيف حالكم يا بنات اليوم يا بنات اليوم تلبيسة اوخيي ادعو بالله معاي ربي يوفقه ويهنيه والعقبه لكل شاب وبنيه يااااارب والعقبة عندكم يا اوخياتي في المنتدي وتفرحو بخوتكم ووخياتكم

</b>

ماشاء الله ربي يهنيه
اللهم بارك له ..
وتسلمي ع الدعوة الطيبه

[خوله 2014]

المشاركة الأصلية كتبت بواسطة dr.loly

ماشاء الله ربي يهنيه
اللهم بارك له ..
وتسلمي ع الدعوة الطيبه


[/indent][/center]

بارك الله فيك يا دكتوره والعقبال عندكم يا رب

[هدية الخالق]

المشاركة الأصلية كتبت بواسطة أم أجنادين 80

هدية ان شاء الله ربي يصبرك

نقرا في كلامك دموعي لا اراديا نزلوا

صعب والأصعب مافيه انك في الغربة

ان شاء الله ربي يرزقك بحمودة

وردي بالك علي روحك الفترة هذه بالذات

مش عارفة ليش انا هما بيعزوا ولا بتغدوا

أهلا جنوده ربي يسلمك يارب وماتبكي علي غالي إن شاء الله ربي يحفظلك وخيينك وعيلتك كلهم
وامين ربي يسمع منك مشكوره عالدعوه إن شاء الله ربي يرزقنا جميعا

المشاركة الأصلية كتبت بواسطة أم أجنادين 80

مـــــــــــــــــــــاشاء الله تبارك الرحمن

ربي يحفظهالك

اللهم أمين وإن شاء الله نشوفوها عندك يارب

المشاركة الأصلية كتبت بواسطة أم أجنادين 80

سلم هالضحكة وربي يدومها

سلمك يا رب ويدوم ضحتك ويفرحك بزيها يارب

المشاركة الأصلية كتبت بواسطة جوهرة ليبيا

هدهد خليك مرتاحه حبوبه

ديري كل الاحتمالات في بالك

ولو استمر الالم والدم عالمستشفي طول

وربي يشفيك والله خفت قريب متت عليك

مع بحدانا في شويه دوشه علي خاطر الساعدي شدوه زدت خفت اكثر

وربي يطمنا عليك
سلمها جيجي يارب مشكوره عالاهتمام واسفه رعشتك وخوفتك في اخر الليل
كلمت راجلي امبارح وقلتله يجي لسما واني ارتحت لكن الحمد لله صار اللي صار
جنوده مشكوره حبوبه عالطريقه حنجربها باذن الله

المشاركة الأصلية كتبت بواسطة ام معاد

هد هد طهورا ان شاء الله بالك هدي غر توراية الحمل ايقولولها هكي اني في حملي دائما اتجيني

الله يسلمك ام معاذ وصحيتي عالاهتمام الله غالب حتي أني نحسابها توراية لكن مصارش فيها خيره

المشاركة الأصلية كتبت بواسطة sosolibya

هدهد إن شاااااااااء الله خير ياربي..
شوفي زيدي ركزي لو نزلت حاجة ثانية ولا لا وهذه لو كان حمل فهذه يقولوها توراية أوعلامة الحمل وهي تدل على إنغراس البويضة في الرحم

وربي يستر وإن شاء الله ماتكونش دورة يارب...

سلمك ياسوسو صحيتي اوخيتي والله حسيتك ملهوفة وتبيني نحمل أكتر مني وفعلا زي ما قلتي تو تشوفي كان جاتك الدورة كيف تضايقي الله غالب ربي ما كتبش الشهر هذا المره الجاية إن شاء الله

المشاركة الأصلية كتبت بواسطة خوله 2014

ان شاء الله لاباس اختي هدية وردي بالك علي روحك حسب علمي والله اعلم ان هدا شيء طبيعي يصير لان جارتي حتي هيا في حملها التاني ينزل عليها دم كانها دوره ولما عاينت القوها حامل ووضع الجنين ممتاز وتوا هيا في السادس وانتي بالك هده علامه حمل بوليد ما تندريش وربي يكمل حملك علي خير

سلمك يا خوخه مشكوره عالرد والافادة تعرفي في الأول فرحت بردك وعطاني أمل توا لكن بعدين فكرت معقوله الدم بالغزارة هادي ومازال فيها حمل اكيد جارتك نزلها شوي وقف
ولا استمر عندها ؟؟

المشاركة الأصلية كتبت بواسطة dr.loly

الله يرحم اخوك عزيزتي هدهد
ومنحك الله الصبر
ذكرتيني بفقدان خالي الغالي
ومانصبر كنت الا بختم المصحف ع روحه
كل مره .. وحتي هو مافارقني في احلامي
وللان .. مايفوتش شهر مانحلم به..


وان شاء الله ربي يعوضك خـير وتجيبي احلى احمد زغيرون
تفائلتلك لانك قلتي الغلط صار في اخر ايام التبويض اعتقد
[size=5]وهالشئ ان شاء الله لوطلعتي حامل ح يرجع ان المولود ذكر[/size]الله يسلمك فروسه تعيشي وتترحمي إن شاء الله وربي يرحم خالك ويرحم موتانا جميعا ويسكنهم فسيح جناته
والله يسمع منك ويعوضني عنا خير
بأذن الله تعالي..


بالنسبه لبقعة مخاط ممزوجه بالدم مثل ماقالن اخواتي
هذه العلامه نقولولها انا الحق عمرها ماصارتلي

بس سلفتي صارتلها مرتين حملت معاي

وقالتلها امها طول نذكر انها حامل..
اهم شئ بعدها ان مانزل شئ عليك عشان
تحولي الشك من الدوره مثلا..

وربي يحفظلك الاموره سما تبارك الرحمن عليها
وع ضحكتها زي الملآك .. واللون الاسود لاقوة الا بالله
عليها..ربي يحفظها وتخاويها

الله يسلمك أمين ويحفظلك لولي وفروسه ويباركلك فيهم

[sosolibya]

المشاركة الأصلية كتبت بواسطة خوله 2014

سلمها يا رب والله ضحكتيني يا سوسو علي كلمة في اخر الحلقة وتبي الحق والله كلامك جوااااهر وبارك الله فيك عالنصيحة يا حبيبة وباهي اني توا بنكتبلك شني قررت بادن الله تعالي وانتي بالله قوليلي شني الي تحسيه يتحمل وشني الي ما يتحملش
المقروض غريبة الحلقوم كعك التمر وكعك ملون وبالك معمول ووريدة معسلة واصوابع الكستردا مشكلطة والسليلة السابلي بالمربي
ونزيدك عالشعر بيت اني صاحبتي دارت حاجتين والا تلاته بعد ما جابت واني وجارتي درنالها حاجه لكن تبي الحق ولدها سلامته عياااط هلبا فهدا اني خايفة منه وان شاءالله ربي يسخر

سلمك ودوم الضحكة ياربي...

أولا ربي يعاونك بس حاسة إنك مكثرة حاجات صح ,,

باهي خيرك مافكرتيش في البكلاوة مادامك فالحة فيها

وحاجة ثانية المراة يللي صتنعتيلها أكيد حتى هي بتردلك حاجة ولا شنو

قصدي نقصدي من عدد الحاجات ماشاء الله أمتى بلحقي وقداش عدد معازيمك..

المهم بالنسبة ليللي يتحمل..


المقروض غريبة الحلقوم كعك التمر وكعك ملون وبالك معمول ووريدة معسلة واصوابع الكستردا مشكلطة والسليلة السابلي بالمربي

السابليه ديري البسكوت توا وبعدين إحشيه..
والكعك الملون حتى هو يصبر

والمقروض أطن إنه عادي لو درتيه قبل ماتجيبي بشوية ,, أو اديريه أول ماتجيبي باش ينقص الضغط

كعك التمر مانعرفش نخاف تصيرله رطوبة.

أصابع الكسترد مانعرفهمش

والمعمول وغريبة الحلقوم أعتقد الزوز هلبة إختاري واحد منهم

ووريدة معسلة خليها بعدين..

والسليلة ماتاخدش وقت حتى قبل اللمة بيوم بس تتحمل حتى شهر في الثلاجة وفي علبة مسكرة كويسة

[خوله 2014]

يا بنات حق اليوم كنت عند دكتورتي وقتلي العيل قاعد راسه فووق وقتلي عندك تلات خيارات يا اما نولدوك وهو بالوضعيع هده لكن مرات حيكون خطر شويه عليا وعالبيبي او ناخدلك موعد في المستشفي ونلفوه (تلفه الدكتوره تقلبه يعني ) او العمليه والله لين اضايقت وراجلي قالي لاحظت ان في حملك هدا ما تتحركيش هلبا زي حملي الاول معادش عارفه حايسه في بعضي وخلاص بالله مني صايرلها زيي البيبي متاعها راسه فوق وشن درتي وكيف صار معاك
نستني في ردودكم

[خوله 2014]

المشاركة الأصلية كتبت بواسطة خوله 2014

يا بنات حق اليوم كنت عند دكتورتي وقتلي العيل قاعد راسه فووق وقتلي عندك تلات خيارات يا اما نولدوك وهو بالوضعيع هده لكن مرات حيكون خطر شويه عليا وعالبيبي او ناخدلك موعد في المستشفي ونلفوه (تلفه الدكتوره تقلبه يعني ) او العمليه والله لين اضايقت وراجلي قالي لاحظت ان في حملك هدا ما تتحركيش هلبا زي حملي الاول معادش عارفه حايسه في بعضي وخلاص بالله مني صايرلها زيي البيبي متاعها راسه فوق وشن درتي وكيف صار معاك
نستني في ردودكم

اين انتم يااا قوم