** ليبيا زين علي زين ليبيا ورد وياسمين ** تجمع الليبيات

[dr.loly]

ام نرجوسه مرحبا كيف حالك اليوم
اه جونا الليبي ما حلاه الحق هو يهون اشوي ويحسسك بالوطن

حتى نا نفسك بخور و فاسوخ مرتين ف اليوم ههههه مرات اكثر حتي من تبخير ليبيا
مع قهوتنا العربيه الفايحه بالكسبر والحبهاان
كله جايبين معانا

ودزولنا من فترة شهرين فاسوخ وبخور يسدنا لعند مانروحو واكثرررر

ربي يوفقكم ان شاء الله

[dr.loly]

اثري بالنسبه للصيام اجـر
ديني من زمان كملته .. قبل 9 ايام ذي الحجه

وصمت اربع ايام فاطرتهن ف الاء ايام وحمي فيها

وبنفدو عليهن برضه

هك قال الشيخ
لان جبتها وجا رمضان بعدها ب 3 شهوور

وماقدرتش نلحق نصيمهن..لان كنت تاعبه ف حملهاااا وبعد جبتها وربعنت قعدنا لاهين ف النقل بعد حوسة البني وبعدها السفر

[dr.loly]

اوشي وجيجي ..
ان شاء الله دوم هالطلات الحلوة

اين البقيه؟؟؟؟؟؟؟

[dr.loly]

http://forum.hwaml.com/t283671.html

[ام نرجوسه]

نفس الشيء اختي dr.loly حتى انا اول ما جيت ما خليت ما جبت معاي ونزلت للبلاد مرتين وبرضوا زدت وشق وفاسوخ ودباير حتى العطر والزهر والرب ما خليتش حاجة في العطرية تعتب عليا وتوة أستغليتت فرصة نزول راجلي للبلاد وبعتت معاه قائمة بما يخطر في بالك من حاجات مستحيل نلقوها في اوروبا وبصراحة من لما وصلتني البضاعة وانا رجعت لي الروح من جديد وكل يوم نصبح في راجلي علر ريحة القهوة العربية ونرقد فيه على ريحة الوشق هههههه رايحة زي العزايز

[dr.loly]

ههههههههه حتي نا نحبه جو العزايز أشر منك ,, نديرو ف جو حتى اوكالهن نحن

بالنسبه للرب ومية الزهر وباقي حاجات العطريه متوفرات بكثره ف بريطانيا الصراحه كل حاجة متوفررررررررررره

سلم الباكستان خخخخخخخخ

وحتي محلات الحلال الكبار فيهن كل شئ بجد واكثر حتى من ليبيا

مثلآ زي ماء الزهر نجيبو فيه من مركز كبير عراقي (كل مايخطر ف بالك فيه )

عجائن السمبوسه.. قمر الدين .. اجبانا زي الكيري وابو الولد وكرافت .. قشطة وجبن بووك ..الراني كل شئ بجد)

دارلنا جو ف رمضااان

ماحسينا ف حوش الا كأننا ف ليبيا الحق ..

بس ماقتيلناش انتم متغربين عمل او دراسه؟؟

[dr.loly]

حتي مخللات والهريسه التونسيه كل شي

وطايحين ف مطعم تركي يدبر ف خبزة تنور روعه

[ام نرجوسه]

لا والله اخت dr.lolyانا متغربة هجرة
زوجي مهاجر ليه 15سنة في اﻷول كان مسافر لغرض دراسة وبعدين استقر هنا

[جوهرة ليبيا]

مراحب ياحبايب

كيف حالكم توا

طلتك الاحلي ام فراس وكيف حالك وحال العيال وبوهم

ام نوسه مواليد كم وقداش ليك متزوجه وزوجك قريبك ههههههه قصقصه من الاخير وليك حريه الاجابه


وين باقي البنات اليوم يارب ايكونوا بخير

ام نوزه رجعت اختفت

[جوهرة ليبيا]

بنحاول نرقد مع ان العسوله مش خاطر عليها وغدوه باذن الله بنطعمها ويااااارب متعبهاش

اليوم جو اصحاب راجلي درت شاهي ومكسرات ونسافيه وكيكه سوسو اللذيذه

ودرت العشاء افخاد الدجاج وفاصوليا وطاجين وسلاطه مشكله وليمون وكيوي وبس

صورت الصفره

بنات علموني كيف انزل الصور مع العلم اني ماحاولتش قبل اللي تعرف تشرحلي بالتوضيح




وتصبحوا علي الف خير